ಈಡೆಗ್ ಮುಟ್ಟದ ಕತೆ ತುಳು 'ಕಾವೇರಿ' ಕಾವ್ಯೊಡು ತಿಕ್ಕ್ದ್ಜ್ಜಿ. ಉಂದೆಡ್ದ್ ಮಿತ್ತ್ ದ (೧೦೪ನೇ ಪದ್ಯೊಡ್ಡು ಸುರುವಾದ್) ಕತೆ ತುಳು ಕಾವ್ಯೊಡು ಇಂಚ ಉಂಡು:
ಬತ್ತಿನ ತ್ರಿಮೂರ್ತಿಳು ತ್ರಿಗುಣಿಡ ಪಣ್ಪೆರ್:
ಬ್ರಹ್ಮವಿಷ್ಣುಮಹೇಶ್ವರೇರ್ಕುಳತೆಂಕುಳೇ ಪರಿವಾರೊಮಾ
ಸನ್ಮನೀಪ್ಪೇರಾದಿಟೆಂಕುಳೆ ಬೀಜಪಾವನ(ಭು)ಕ್ತಿಕ್
ಧರ್ಮಸಾಧಕೆಯಾಸ್ಟಿ ನಿರ್ಮಲಬ್ರಾಹ್ಮಣೋತ್ತಮಯೆಂದ್ತ್
ಬ್ರಹ್ಮೆರಂಡ(ಕ)ಟಾಹೊಂಟೆಯ್ಯತಿಪೆರ್ಮೆ ವರ್ಧಿತ್ಣಾಪಿಮಾ ||
ಕೇಂಡನೇಕೊಲ ಮೋದಿತೆಂಕುಳು ಏತಲಾ ಮನಸಾರ್ಸ್ಟ್
ಉಂಡ್ ಚೂವೆರ ಯೋಗ್ಯೊಮೆಂದೆಣಿತೀಡೆಕಾವ ಗೆಮೀತ್ಣ
ದೆಂಡಿಪೋ(ರ್ತ್)ಣ ಜಾಕ್ ಯಜ್ಞೊತಪಸ್ಸ್ ಸರ್ವಪುರಾಣೊಮೀ
ಪಂಡ್ ಜಾಫಲೊ ಅನ್ನದಾನೊಮೆ ಮುಖ್ಯೊ ಬ್ರಾಹ್ಮಣಪುಂಗವಾ ||
- ಅ. ೬, ಪ. ೧೦೪-೧೦೫
'ಆನಿ ನಿನ್ನ ಇಲ್ಲಡ್ ಬಿತ್ತ್ದ ಅರಿತ್ತ ಉಣ್ಪು ಉಂಡಿನಾಕ್ಳ್ ಎಂಕ್ಳೇ. ನಿನ್ನ ಎಡ್ಡೆ ಗುಣೋ ಎಂಕ್ಳೆಗ್ ಸಂತೋಷ ಕೊರ್ತ್ಂಡ್. ಈ ಧರ್ಮಸಾಧನೆ ಮಳ್ಪುನ ನಿರ್ಮಲ ಮನಸ್ಸ್ದ ಬ್ರಾಣೆ. ನಿನ್ನ ಕತೆನ್ ಕೇಂಡ್ದ್ ಎಂಕ್ಳೆಗ್ ಭಾರಿ ಸಂತೋಷಾತ್ಂಡ್. ಆಂಡಲ ನಿನ್ನ ಉಣ್ಪುನ್ ಉಂಡ್ದ್ ತೂಪುಣೊವೆಡ್ಡೆಂದ್ ಮನಸ್ ಮಳ್ತ್ದ್ ಈಡೆಗ್ ಎಂಕ್ಳ್ ಬತ್ತ್ದೊ. ಯಜ್ಞೊ, ತಪಸ್ಸ್, ಪುರಾಣಶ್ರವಣೊ -ಇಂಚಿನೆನ್ ಮಾತ ಮಳ್ತೊಂದು ದಾಯೆ ದೇಹದಂಡನೆ ಮಳ್ತೊಣೊಡು? ಅನ್ನದಾನೊ ಇಂದೆಡ್ದ್ ಮಾಂತೆಡ್ದ್ಲ ಎಡ್ಡೆಂ'ದ್ ಪಂಡೆರ್.
"ಇಂಚಿನ ಅನ್ನದಾನೊ ಮಳ್ಪುನ ಈರೆನಂಚಿನ ಸಾಧುಳೆನ ಸಂಗೊ ಮಳ್ಪುನಾಕ್ಳೆನ ಸಾವಿರ ಜನ್ಮೊಳೆಡ್ ಮಳ್ತ್ ನ ಪಾತಕೊಳುಲಾ -ಸೂರ್ಯರಶ್ಮಿನಿ ಚೂಸ್ಟಿ ಕರ್ತಲೆ ತಂದೊಮಾ (ದೊಂಬು ಬೂರಿಪೆಟ್ಟ್ಗ್ ಕತ್ತಲೆ ಪೋಪುನಂಚನೆ), ಬೀರಿ ಪತ್ತ್ಸ್ಟಿ ವೇಣುತಾ ಮಲೆತಂದೊಮೆ (ಸೂ ಪತ್ತ್ ನ ಬೆದ್ ರ್ ದ ಪುಂಡೇಲ್ದಂಚನೆ)- ಒಡನೆ ಪೂರ ನಾಶ ಆವುಂ'ದ್ ಪಣ್ಪರ್. ಇಂಚ ಪಂಡ್ ದ್ ಆಕ್ಳ್ ತನ್ ಕ್ಳೆ ನಿಜ ರೂಪೊನು ತೋಜಾಪೆರ್. ಮುಳ್ಪ ಕವಿ ದೇವೆರೆನ (ತ್ರಿಮೂರ್ತಿಳೆನ) ಪೊರ್ಲುನ್, ಸ್ತುತಿನ್ ಪೂರ ವರ್ಣನೆ ಮಳ್ಪ್ಯರೆ ಎಣ್ಮೊ ಪದ್ಯೊಳೆನ್ ಉಪಯೋಗೊ ಮಳ್ಪುವೆ.
ಬುಕ್ಕೊ ಬ್ರಹ್ಮ ವಿಷ್ಣು ಮಹೇಶ್ವರೆರ್ ತ್ರಿಗುಣಿಡ ಪಣ್ಪೆರ್: “ಬಲ್ಲ, ಈ, ನನತ ಧರ್ಮಕಾರ್ಯೊಳೆನ್ ನಿನ್ನ ದಾಸಿನ ಮಗನ ಕಯಿಕ್ ಕೊರ್ದ್, ಬುಡೆದಿನೊಟ್ಟಿಗ್ ಬಲ್ಲ. ಪೂತ ವಿಮಾನೊನ್ ಬಡತ್ತ್ಲ. ನಮೊ ಪೋಯಿಂದ್" ಆ ತ್ರಿಮೂರ್ತಿಳು ಪಣ್ಪೆರ್. ಅಂಚನೆ, ಆಯೆ ದಾಸಿನ ಮಗನ್ ಲೆಪ್ಡಾತ್ 'ಈತ್ನೆಟಗ ನಡಪ್ಪಾವೊಂದು ಬತ್ತ್ನ ಧರ್ಮಕಾರ್ಯೊಳೆನ್ ಇಂಚನೇ ನಡಪ್ಪಾವೊಂದ್ ಪೋಲ. ಮಂಡೆಟೇ
