ಈ ಪುಟೊನು ಪ್ರಕಟಿಸದ್ ಆಂಡ್
ತಾರೆಡ್ದೋ ? ಬಾರೆಡ್ದೊ?
ಬಾನೊಡ್ದೋ? ಭೂಮಿಡ್ದೋ?
ಬತ್ತ್oಡತ್ತೆ ಸೊರೊ
ಎಚ್ಚರಾವೊಡೊರೊ.
10
ತೆರೆಕಡಲ್ದ ಸೊರೊ ಅತ್ತ್
ಉಂದು ಉಡಲ್ದ ದನಿಗೆ,
ಗುಡ್ಡೆದ ಅಡ್ಡೊಡ್ದತ್ತ್
ತಿಗಲೆಡ್ ಗದ್ದುಂಡುಗೆ,
ಅಪ್ಪೆನ ಪಾತೆರೊ ಈ ದನಿ
ಬಾಲೆಲೆ! ಭಾಗ್ಯೊನು ಕಾತೊನಿ.
11
ಕಡಲ್ ನೀರ್ ದಾಂಟೊನೊಡೊ
ಗುಡ್ಡೆನ್ ತೊರಿತೊನೊಡೊ!
ತೆಡಿಲ್ದ ತೂ ತಾಂಟೊನೊಡೊ !
ಪಾತಾಳೊನೆ ಗರಿತೊನೊಡೊ!
ಮಣ್ಣ್ ದ ರುಣೋ ಸಂದಾವೊ
ಲೆಪ್ಪುಗು ನಮ್ಮ ಓಕೊನುವೊ.
12
ಅಪ್ಪೆನ ಪೇರ್ ಬಂಜಾರೊಗೆ
ಬಾಯಿಗ್ ಬಂಜಿಗ್ಲ,
ಸಂತೋಸೊದ ಸಿರಿಪರ್ಬೊಗೆ
ನಾಡ್ಗ್ ಬೂಡುಗುಲ,
ಬರ್ಪೆರಪ್ಪೆ ಬರ್ಪೆರ್
ಎಚ್ಚರಾಂಡ್ ಬರ್ಪೆರ್.
13
ಕಣೆಪಲಯಿದ ಕರೆ ಕಂಬುಲ
ರಟ್ಟೋಡು ನೀರ್ ನೀಸಾನಿ
ಆ ಕೋಲೊದ ಈ ಮೇಳೊದ
ರಟ್ಟೆದ ಬಲ ನರಮಾನಿ
ಕಯ್ಯಾರೆರ್ನ ಕಬಿತೆಲು / 40
