ಈ ಪುಟೊನು ಪ್ರಕಟಿಸದ್ ಆಂಡ್
ಜೋ - ಜೋ
ಜೋಜೋ ಜೋಜೋ ಜೋ ತುಳುಬಾಲೆ,
ಜೋಜೋ ಜೋ ಜೀವಸಿರಿ ತುಳುಬಾಲೆ,
ತೊಟ್ಟಿಲ್ ಕಟ್ಟ್ ದ್ ತೂಂಕುವೆ ಜೋ ಜೋ
ಕಷ್ಟೊ ಅನಿಷ್ಟೊನ್ ಮರಪಾವೆ ಜೋಜೋ
2
ಜೋ ಎನ್ನ ಭಾಗ್ಯೋದ ಬಂಗಾರ್ ಮಾಲೆ,
ಈ ಎನ್ನ ಜೀವೋದ ಬಂಜಾರೊ ಬಾಲೆ,
ಓ ಎನ್ನ ಮೋಹನ್ನ ಸಿಂಗಾರೊ ಸಾಲೆ,
ಈ ಎನ್ನ ಮಂಗಲ ಪಿಂಗಾರೊ ಪಾಲೆ.
3
ಬುಲಿಪಡ ಪ್ರಾಣೋದ ಪದಕೋನೆ ಒಂತೆ,
ನಲಿತೋನು ತೆಲಿತೋನು ಓಎನ್ನ ಮುತ್ತೆ;
ತೆಲಿತೊಂದು ತೆಲಿತೊಂದು ಕೇನೋಡು ಇತ್ತೆ
ತುಳುನಾಡ್ ಸತ್ಯದ ನಿತ್ಯದ ಗೀತೆ
4
ಮಾಮಲ್ಲ ಪುದರ್ದ ಈ ತುಳುನಾಡ್,
ಧರ್ಮೊದ ಕರ್ಮೊದ ನಿರ್ಮಲ ಬೀಡ್
ನಿತ್ಯೊದ ನೇಮದ ಸತ್ಯೊದ ನಾಡ್
ಕ್ಷೇಮೊಡೆ ಬಾಲೆಳು ಬುಲೆಪುನ ಬೂಡ್
5
ಪದ ಸಿರಿಮಣೆ ಏರ್ದರತನೊಡು,
ಇಟ್ಟೆಲ್ ಕುಂಬ್ಳೆಬಾರ್ಕೂರರಮನೆಡ್
ಗಟ್ಟಿಗೆರಾ ರಾಜಮರ್ಯಾದಿ ಪತ್ದ್
ಪುಟ್ಯೆರ್ ತುಳುವಪ್ಪೆ ಬಂಜಿಡ್ ಜತ್ದ್
ಕಯ್ಯಾರೆರ್ನ ಕಬಿತೆಲು / 29
