ಪುಟ:ಕಯ್ಯಾರೆರ್ನ ಕಬಿತೆಲು.pdf/೪

ಅಧ್ಯಕ್ಷೆರ್ನ ಮದಿಪು

ಅಧ್ಯಕ್ಷೆರ ಮದಿಪು ಕಯ್ಯಾರ ಕಿಂಞಣ್ಣ ರೈ ದಿಂಜ ಬಾಸೆಲೆನ್ ತೆರಿದಿನಾ‌. ತಾನ್ ತೆರಿದಿನ ಬಾಸೆಲೆನ್ ತನ ಬರವುಡು ಬಳಕೆ ಮತ್ತೊಂದಿನಾರ್. ಆಂಡಲಾ ಆರ್ ಕನ್ನಡೊಗ್ ಸಂದಾಯಿತ ಮದಿನ ಬರವುದ ಪೆದ್ದೆ ಮಲ್ಲೆನೆ! 'ಹೊಸಹಾಡು' ಪಣ್ಣಿನ ತನ್ನ ಕಡೀರ ಕನ್ನಡ ಕಬಿತೆ ಗೊಂಚಿಲ್‌ಡ್ ಪಡೊಂದಿಲೆಕ “ನವ ಭಾವ, ನವ ಜೀವ, ನವಶಕ್ತಿ ತುಂಬಿಸುವ ಹಾಡೊಮ್ಮೆ ಹಾಡಬೇಕು..”ಈ ಅಂಗಲಪ್ಪುಗ್ ಸರಿಯಾದ್‌ ಕನ್ನಡೊಡು ದಿಂಜ ಕಬಿತೆಲೆನ್ ಬರೆತೆರ್, ಅರೆನ ಕಬಿತೆಲೆನ್ ತನ ಗಾಂಬಿರೊದ ದನಿಟ್ ಆರೇ ಓದುನಗದ ಪರಾಮ ಬಿಗುತನೇ. ಕೇಣುನಕಲ್ಪ ಮೆಯಿಮನ ಇರ್ಮನೆ ಆಪಿಲೆಕನೇ ಮನಸ್‌ಡ್‌ ಇಚಾರೊದ ತುಲಿಮಲಾ ನಡಪುಂಡು, ಮನಸ್ ನಿರ್ಮಲ ಬಾಮೊಲೆನ್ ತಾವೊನುಂಡು.. ಕಯ್ಯಾರೆರೆನ ಕಬಿತೆಲ್ ಎಡ್ಡೆ ಉದ್ದೇಸೊಗ್ ಅಲ್ಲಿ ಪೊರುಡು ಮುಡೆತಿನವು. ಒಂಜೊಂಜಿ ಕಬಿತೆಲ್ಲಾ ದಾದಾಂಡಲಾ ಚಿಂತನೆ, ಬೋಧನೆ, ಲೆಪ್ಪು, ತೆರಿದು.. ಇಂಚಿತ್ತಿನವು ಉಂಡೇ ಉಂಡು. ಅಂಚಾದ್ ಅವು ನಾಲ್ ಕಾಲ ಒರಿಯುನವು, ಆರ್ ನೂದು ವರ್ಸೊದ ಆಯಿಸ ಮುಗಿತ್‌ ಕಾಯ ಬುಡಿಯೆರಲಾ ಆರೆನ ಬರವುಲೆಡುಪ್ಪುನ ನುಡಿಕೆಗ್ ನನೋಲ ಆಯಿಸ ಉಂಡು. ಅವು ಕನ್ನಡಿಗೆರೆನ್, ತುಳುವೆರೆನ್ ಬೇತೆಬೇತೆ ನಿಮಡು, ಬೇತೆಬೇತೆ ಸಂದರುಲೆಡ್ ಮೆನಿತೊಂದೇ ಉಪ್ಪುವ, ನಂಕ್ ಸಾಹಿತ್ಯದ
V