ಈ ಪುಟೊನು ಪ್ರಕಟಿಸದ್ ಆಂಡ್
ಪ್ರಶ್ನೋತ್ತರೊ
ಎಂಕ್ ತುಳುವ ಬಾಲೆಲೆನಾ - ಸುದ್ದಿ ಪನುವರಾ?
ಓಹೋ! ಎಂಕ್ ತೆರಿನವಯಿನ್ ಮಾತ ಪನ್ಪೆ ಕೇನ್ಪರಾ?
1
ತುಳುವನಾಡ್ ಚಳವಳಸುರು -
ಮಲ್ಲಿನೇರ್ಯೆ?
ತುಳುವತನಯೆ ಶ್ರೀನಿವಾಸೆ
ಒಡಿಪುದಾರ್ಯೆ.
2
ತುಳುವ ಬಾಸೆ ವ್ಯಾಕೊರಣೊನು
ಬರೆಯಿನೇರ್ಯೆ?
ತುಳುವೆರಾರ್ ಶ್ರೀನಿವಾಸ
ಪುದರ್ದಾರ್ಯೆ.
3
ನಂಕ್ ತುಳುಟು ಪಂಚವಟಿನ್
ಪಂಡಿನೇರ್ಯೆ?
ಸಂಕಯೆ ಬಾಯಾರ್ದಾರ್
ಭಾಗವತೆರ್ಯೆ.
4
ಕನಡ ಕಿಟ್ಣರಾಜಿ ತುಳುಟು
ಕನತಿನೇರ್ಯೆ?
ಕನಡಬಾಸೆದಾರ್ ಬಡಕ
ಬೈಲ್ದಾರ್ಯೆ.
5
ಪಿನೊಡವಾರೆ ಪುದರವೆಂಚ
ಕೇನೊಡೆಂಕ್ಯೆ?
ಪನ್ಪೆ ಪರಮೇಸ್ರಾಯೆರಾರ್
ಬುದ್ದಿವಂತೆಯೆ.
ಕಯ್ಯಾರೆರ್ನ ಕಬಿತೆಲು / 26
