ಈ ಪುಟೊನು ಪ್ರಕಟಿಸದ್ ಆಂಡ್
ಸತ್ಯಪಾತೆರೊ ತತ್ತ್ ನಡತ್ಂಡ
ಮಿತ್ತ ದೇಬೆರ್ ಮುನಿವೆರ್.”
13
“ಕೆರ್ದ್ ತಿನಿಯೆರ ಬತ್ತಿ ಪಿಲಿಕ್
ಪೊರುಲು ಪಾತೆರ ಕೊರುದ್ ಬತ್ತೆ
ಪಿರಿಯೊದಾಮಗ ಬುಲಿಪಡಣ್ಣ
ಒರಿಲಯೀ ಒರಿಯಾಂಡಲ.”
14
“ಅಪ್ಪೆ, ಅಯ್ಯೋ ಈರ್ ಪೋಪರೊ?
ಉಪ್ಪೊಡಾ? ಯಾನೊರಿಯೆ ಮೂಲು?
ಜೆಪ್ಪೊಡೇರೆನಮುಟ್ಟ? ಪಿರ್ತಿದ
ಅಪ್ಪೆ-ಪೋವಡೆ ಕಾಡ್ಗ್.”
15
ಕೊರುದು ನಂಬುಗೆ ಪಂಡ್ದಿಂಚ
ತೆರಿದ್ ತತ್ತ್oಡ ಪನ್ವೆರೆಂಚ?
ಸರ್ತ ಆಡೆಗೆ ಪೋಪೆ ಬಾಲೆ
ತೆರಿಲ-ಪಾತೆರ ಕಂಡಿತ”
16
“ಏರೆ ಪೇರ್ನ್ ಪರುವೆ ಅಪ್ಪೆ,
ಏರೆನೆಂಚ ಸೇರ್ದುಪ್ಪೆ,
ಏರೆನೊಟ್ಟಿಗೆ ಯಾನ್ ಜೆಪ್ಪೆ
ಏರ್ಲಾ ಗತಿ ಇಜ್ಯೆರ್ ”
17
“ಅಪ್ಪೆನಕುಲೆ, ಅಕ್ಕೆನಕುಲೆ
ಒಪ್ಪ ಪುಟ್ಟುನ ಮೆಗ್ದಿನಕುಲೆ
ಅಪ್ಪೆ ಇಜ್ಯಂದಿತ್ತಿ ಬಾಲೆ, ನ
ಡಪ್ಪುಡುಲೆ ನಿಕುಲೆಡ್ಡೆಡ್.”
18
“ಒರಿಯೆ ದುಂಬುಗು ಪೋಂಡ ತಾಡಡೆ,
ಒರಿಂದ ಪಿರ ನಿಕುಲಪಗ ದೊಂಕಡೆ
ತೆರಿದ್ ತನತನ ಕಂಜಿದಲೆಕನೆ
ಒರಿಪೊಡೀ ಪುರುಬಾಲೆನ್.”
ಕಯ್ಯಾರೆರ್ನ ಕಬಿತೆಲು / 21
