ಈ ಪುಟೊನು ಪ್ರಕಟಿಸದ್ ಆಂಡ್
ಬಿಸುಕಣಿ
ಏಪೊಲ ಏರಡ್ ಈ ತುಳುನಾಡ್ಡ್
ಬಿಸುಕಣಿ ದಿನೊದಾನಿ ತುಳುನಾಡ ಜನಮಾನಿ
2
ಸುಗ್ಗಿನ್ ಸಂದಾಯೊ ಪಗ್ಗುನ್ ಪಂದಾಯೊ
ಪರತಿದ್ದಿ ಪೊಸಸುದ್ದಿ ಪಿರವುಂತಿ ಜನೊಕಿದ್ದಿ
3
ನಲಿತೊಂದು ತೆಲಿತೊಂದು ಜನಮಾನಿ ಗೆಲಿತೊಂದು
ತೋಜಡ್ ನಮತರೆ, ಮಾಜಡಪ್ಪೆನ ಜರೆ
4
ಬಂಗಾರ್ ಸಿಂಗಾರೊ ಜವ್ವನ್ದಿ ಜವ್ವನೆ
ಪರಬು ಪರಬ್ಬೆರೆ ಪಾದೊನೆ ಪತೊನಡ್
5
ಎಡ್ಡೆಂದಿ ಪಾತೆರೊ ಪಂಡ್ದೆ ಕಾತೆರೊ
ಹಿರಿಯ ಕಿರಿಯೆರ್ ಒಂಜಾದ್ ಉಂತ್ಯೆರ್
6
ಕೋಪೊಕಲಹದಾಯೆ, ಕಾಪೊಡು ಸಿರಿರಾಯೆ
ಸ್ವರ್ಗದೇಬೇರೆ ದಯೊ, ಅಗ್ಗೊದ ಆದಾಯೊ.
7
ಬರ್ಸೊಡು ಬುಲೆಸೆಲೆ, ಹರ್ಸೊಡೆ ನಮ ಬೇಲೆ
ಭಿನ್ನತೆ ಮಾಜಡ್, ಉನ್ನತಿ ಏರಡ್.
8
ಸಂತೋಸ್ದಾಸಿರಿ, ಗೊಂತಾವಡೈಸಿರಿ
ಸಂಪೂರ್ಣ ಸ್ವಾತಂತ್ರ್ಯ ಬದ್ಕ್ಡ್ ಸೇರಡ್.
9
ಗುತ್ತು ಬಾಳಿಕೆ ಮಟೊ ಬಾವೊ ಬೂಡುಗು ಸುತ್ತು
ತಾನೊ ಇಲ್ಲಾಡೆಡ್ ದಟ್ಟಿಗೆ ಗುಡಿಲ್ಡ್ -
ಕಯ್ಯಾರೆರ್ನ ಕಬಿತೆಲು / 7
