೧೦. ವರ್ಷ
ಮಾತ ವಹಿವಾಟಳಗ್ಲಾ ವರ್ಷಂದ್ಂಡ ಸೌರಮಾನ ವರ್ಷನೇ (ಪಗ್ಗು ತಿಂಗಳ್ತ್ ಸುಗ್ಗಿ ಕಡೆ ಮುಟ್ಟ)
೧೧, ಕಾರ್ಯಾಲಯ
ಪ್ರಕೃತಗ್ ಮಹಾಸಭೆತೊ ಕಾರ್ಯಾಲಯ ಒಡಿಪುಡೇ ಇಪ್ಪೊಡು.
೧೨. ತುಳುವೆರ್
ತುಳುವರ್ಂದ್ಂಡ,
1. ತುಳುವೇ ಮಾತೃಭಾಷೆ ಆವೋಂಡುತಿತ್ನಾಕುಳು
2. ತುಳು ಪಾತೆರ ತೆರಿನಾಕುಳು
3. ತುಳುನಾಡ್ಡ್ ಆವಾಸಂತೋಂಡುತಿತ್ನಾಕುಳು.
೧೩. ಪರಿಷತ್
1.ಮಹಾಸಭೆತೊ ಉದ್ದೇಶಳೆನಿ ಪ್ರಚಾರಂಪರೆಗ್ಲಾ, ಪ್ರಚಲಿತ ಮುಖ್ಯ ವಿಷಯಳಡ್ ಜನತೆದೊ ಅಭಿಪ್ರಾಯ ತೆರಿಯೋಣೆರೆಗ್ಲಾ ಅಪನಗ ಪನಗ ತುಳುನಾಡ್ದ್ ಎವ್ವೇ ಭಾಗಡ್ ಕಾರ್ಯಕಾರಿ ಮಂಡಳಿ ಆಯಾಯ ಸ್ಥಳಟ್ ಸ್ವಾಗತ ಸಮಿತಿನ್ ಸ್ಥಾಪನೆ ಮಳ್ತ್ದ್ ಐತ ಮೂಲಕ ತುಳುವೆರೆ ಪರಿಷತ್ತ್ಳೆನಿ(Conference, Federation, Gathering etc.) ಸೇರ್ಸೋವೊಡು.
2.ಪರಿಷತ್ತ್ದ್ ಅಧ್ಯಕ್ಷರೆಸನಿ ಕಾರ್ಯಕಾರಿ ಮಂಡಳಿದ ಒಪ್ಪಿಗೆಡ್ ಸ್ವಾಗತ ಸಮಿತಿ ಏರೆನಿಳಾ ಮಳ್ಪೊಳಿ. ತುಳುವೆರೆ ಆವೊಡುನ್ಪಿ ನಿರ್ಬಂಧ ಇದ್ವಿ.
3.ಸ್ವಾಗತ ಸಮಿತಿದೊ ಸದಸ್ಯೆರ್ಲಾ, ಪರಿಷತ್ತ್ದೊ ಉದ್ದೇಶಳೆನಿ ಒಪ್ಪಿತ್ದ್ನ್ಕುಳೇ ಆವೊಡು.ಸದಸ್ಯೆರೆ ಆವೊಡುನ್ಪಿ ನಿರ್ಬಂಧ ಇದ್ದಿ.
4.ಮಹಾಸಭೆತೊ ಅಧ್ಯಕ್ಷೆ, ಕಾರ್ಯಕಾರಿ, ಸ್ವಾಗತ ಸಮಿತಿದೊ ಅಧ್ಯಕ್ಷೆ, ಕಾರ್ಯದರ್ಶಿ, ಪರಿಷತ್ತ್ದೊ ಅಧ್ಯಕ್ಷೆ ಈತ್ ಜನ ಸೇರ್ತ್ ಒಂಜಿ ವಿಷಯ ನಿಯಾಯಮ ಮಂಡಳಿನಿ ಸ್ಥಾಪನೆ ಮಳ್ಪೊಡು.
37
