ಈ ಪುಟೊನು ಪ್ರಕಟಿಸದ್ ಆಂಡ್
ತೂಕುಲದ ಎಣ್ಣೆ ಆಜಿದ್ ನಿನೆ ಬತ್ತಿ ಬೊಣ್ಯ ಆಂಡ್. ತುಳು ಅಪ್ಪೆ ತರೆಕ್ಕ್ ಕೊಟು ಪಾಡ್ದ್ ಅರೊಂದುಲ್ಲೊಲು. ಕಡೆ ನಿದ್ರೆಡ್ ಕೊಡಿ ಮಡಲ್ದ ಮಿತ್ತ್ ಜೈ ದಿನ ಮಂಜಣನ ಸುತ್ತ ಸೇರ್ದಿನ ತುಳುವ ಬಾಲೆಲು ಕಡೆ ಕಣ್ಣ್ ಡ್ ನೀರ್ ಸೀಂಟೊಂದುಲ್ಲೆರ್. ಮುರೆಡೊಂದುಲ್ಲೆರ್.
ತುಳುನಾಡ ತುಡರಾದ್ ಮಣ್ಣ್ ಗೇ ಸುಯಿಲಾದ್
ಉಂಡು ಮಲ್ತಿನ ಅಪ್ಪೆ ಮಣ್ಣ್ ಗ್
ಬೆಗರ್ ನೆತ್ತೆರ್ ಕೊರುದೂ
ಬಪ್ಪನಾಡ್ ದ ಅಪ್ಪೆ ದುರ್ಗೆಗ್
ಪಂಡಿ ಪರಕೆನ್ ಪುಂಡಿ ಪಾಡ್ದ್
ಮುಂಡು ಬೂರುದು ಕುಲ್ದಿನಲ್ಪನೇ
ಕೂರು ಕುಲುದೇ ಮಂಜಣೇ
ಬೂಡು ಮಾಗಣೆ ಗುತ್ತು ಬರ್ಕೆಲು
ಜಿಡೆ ದೆರ್ತ್ ನಲಿತಿನ ಕಾಲೊಡೂ
ಪತ್ದಿ ಕುರೆನುರೆ ದೆಕ್ದ್ ದೆತ್ತೆನೇ
ಪಚ್ಚ ರಂಗ್ನ್ ತೇತ್ದ್
ಕಟ್ಲಡಾಯೇ ಪುಟಿಯೆ ಮಂಜಣೆ
ತೆಲಾರ್ಡಾಯೇ ಬಲತೆನೇ
ಮುಲ್ಕಿ ಮಾಗಣೆಡ ಸರ್ಮೆ ತೂದೂ
ಮುಡಯಿ ಗುತ್ತುಡು ಅಗತೆನೇ.
ಪುಂಚೊಡಿತ್ತಿನ ಕೆಂಚಿ ವರ್ಣದ
ಉಚ್ಚು ಸುಯಿಂತ್ದ್ ಬನ್ನಗ
ಸುರಿಯ ಸುಗಿತ್ದ್ ತಿಗಲೆ ತೊರ್ತುದು
ಬೆಗರ್ ನೆತ್ತೆರ್ ಕೊರಿಯೆನೇ
24
