ಧರ್ಮ ದೈವದ ಪಾಡ್ದನ

by ತನಿಯರು

ತುಳು ಧರ್ಮ ದೈವದ ಪಾಡ್ದನ

ಯಾನ್ ಒಂಜಿ ಧರ್ಮ ದೈವದ ಪಾಡ್ದನ ಪನ್ಪೆ ತನಿಯರು

ಕಕ್ಕೆದ ನೆಲಟ್ಟೆ ಬರೊಂದುಲ್ಲೆ ಆಯೆ ಕಕ್ಕೆದ ನೆಲಟ್ಟೆ ಉಲ್ಲನಾಯೆಗೆ.

ಓ ಕಾಲನ ನೆಲನೆ ಲಕ್ವನ ಮಗೆ ಆಯೆ ಕಟ್ಟೆಡ್ ಉಲ್ಲನಾಯೆಗೆ

ಓ ಸಾಯನಡೆ ಕಂಡದಡೆಗ್ ಪೋವೆನಾಯಗೆ

ಓ ಕೊಟುದೀಪಿ ಕೊಠರೊಗು ಪೋಯೆನಾಯೆಗೆ..

ಓ ಕೊಟುದೀಪಿ ಕೊಟರೊಗು ಪೋಯೆನ ಮಗೆ..

ಓ ಬಸುರುಲ್ಲ ಕೊಟ್ಟು ಪುಗೆಲಗ್ ಲಾ ದಿಡೊನು ಬರುವೆನಾಯೆ..

ಓ ಸೊರ್ಕೆ ನೀರೆ ತೀರ್ತವೊನು ಬರುವೆ

ತಿರ್ಪಿನ ನೀರ್ ನಾ ಸೊರ್ಕವೇನಾ….

ಓ.. ಕೊಟು ದೀಪಿ ಕೊಟರೊಗು ಬರುವೆನಾಯೆಗೆ

ಓ ಪುಗೆಲ್ ಡ್ ಕೊಟ್ಟು ದಿಡ್ಯೆನಾಯೆ…

ಓ.. ಇಲ್ಲರಮನೆಗು ಬರುವೆನಾಯೆಗೆ..

ಓ.. ಆಟದರ ಪಣೆ ಮರತಡಿಟ್ಟೆ ಪತ್ಯೆನಾಯೆ..

ಓ.. ಆಟರ ಪಣೆಮರ ತಾರ್ ತ್ ಪತ್ಯೆ..

ಓ.. ಭೂಮಿದ ಪಣಿ ನೀರೆ ದೆಪ್ಪೆನಾಯೆ..

ಓ.. ಅಂಗಯಿಗೊರು ಗಂಧ ತರೆಪೆನ ಮಗೆ ಆಯೆ..

ಕಕ್ಕೆಡೇ ಗಾವುಲ್ಲನಾಯೆಗೆನೆ..

ಓ.. ದೈಯಿ ಮೋನೆ ನಾಯೆಗುಲ್ಲ ನಾಯೆಗೇನೆ..

ಓ ತೊಲಸಿನ ಕಟ್ಟೆನಡೆ ಬರುವೆನಾಯೆ..

ಓ ದೇವೆರೆಗೆ ಬಿನ್ನಯ ಮಾಲ್ತೆ ಮಗೆ..

ಓ ಗಂಧ ನನ ತೂದ್ ಸುರುನಾದೊಟೊಗು ಪಾಡುನಾಯೆ..

ಓ..ಉಲ್ಲಯೆ ಸುತ್ತುಗ ನನ ಬರುವೆನಾಯೆಗೆ..

ಆಯೆ ಕಟ್ಟೆಡೇ ಕಾವುಲ್ಲನಾಯೆಗೇನೆ..

ಓ.. ಓಲೆ ಪೋಯರ್ ಲಪ್ಪೆರೆ ಈರ್..

ಎಂಕ್ ಅಗೊಲಿದ ತಂಜಣ ಕೊರುಲೆಯೇ…

ಅಗೊಲಿದ ತಂಜಣ ಕೊರುಲೆ ಲಪ್ಪೆರೆ ಎಂಕ್.

ಬರಣಿದ ಉಪ್ಪಡ್ ಪಾಡ್ ಲೆಯೆ…

ಓ.. ಉಂಡೊ ಚಿಂದೆ ಲಪ್ಪೆನಾಯಗೆ ಅಯೆ ಕಟ್ಟೆಡೇ ಕಾವುಲ್ಲನಾಯಗ್ ನಾ….

ಓ.. ಬೊಳ್ಳುಕಲ್ಲಾ ಪೊಡಿ ಪಾಡ್ಯೆ ಸರ್ಕತ್ತಿ ಕೂಟ್ವೆ..

ಆಯೆ ಕಟ್ಯೆಡ್ ಕಾವುಲ್ಲನಾಯೆಗೆ….

ಓ.. ಪಿರವು ಕಟ್ಟೊಡಂಕ್ ಪಾಡ್ಯೆನಾಯಗೆ…

ಆಯೆ ದಂಡ್ಯೆ ಮುಂಡುನು ದೆತೊಂಡೆನಾ…

ಆಯೆ ಕಕ್ಕೆದ ನೀಲಡುದು ಬಾಲೆ ಕನಗೆ

ಆಯೆ ಪದಿನಾಜಿ ಗೆಂದ ತಾರೆ ಮೂರಿಯೆನಾ..

ಆಯೆ ಪದಿನಾಜಿ ಗೆಂದ ತಾರೆ ಮೂರಿಯೆರೆ ಪೋನಗ ಅವುಲು ಸಾದಿದಡ್ಯೆ ತಡಮೆಡೇ ಲುಂತುಂಡುಯೇ..

ಓ.. ಸಾದಿನೇ ಬುಡುಲೆ ತಡಮೆ ತೆಲವುಲೆ ಲೆಕ್ಕೆಸಿರಿ ಪೊಂಜೆವೇ ಕೇಡರಾಯೇ…

ಓ.. ತರೆಬಾರ್ ಕಟ್ ದ್ಂಡ್ ಪೊಂಜೊವು..

ಓ.. ಮುಂಡೊಗು ಮುತ್ತಿನ ಬೊಟ್ಟು ದಿಡ್ತ್ಂಡ್ ಯೇ..

ಓ.. ಮುಂಡೊಗು ಮುತ್ತಿನ ಬೊಟ್ಟು ದಿಡ್ತ್ಂಡ್ ಯೇ ಅವುಲು..

ಅವುಲು ಸೀರೆ ನೆರಿಪತ್ಯೆ ಸುತ್ತುದ್ಂಡ್..

ಓ.. ತಿಗಲೆಗ್ ಮೆಂಚುಲ್ಲ ರವಕೆ ಪಾಡ್ ದ್ಂಡ್ ಗೆ.. ಅವು ಕೈಕೇ ಕರೆ ಕಾಜಿ ದಿಡ್ತ್ಂಡ್ ಯೇ..

ಎಂಕ್ ಸಾದಿ ಬುಡ್ ಲೇ ತಡಮೆ ತೆಲವುಲೆ ಓ..ಒಕ್ಕೆಸಿರಿ ಪೊಂಜೊವೇ ಕೇಂಡರಾಯೇ..

ನಿಕ್ಕ್ ಯಾನ್ ಸಾದಿ ಬುಡೊದುಂದು ಆನಗ ಎಂಕ್ ತಡಮೆ ತಡವುಡ ಕೇನೊಡೆಯೇ..

ನಿಕ್ಕ್ ಪೋಯೆರೆ ಸಾದಿ ಲುಂಡುಂದು ಆನಗ ನಿಕ್ಕ್ ಬರಿಯೆರೆ ಸಾದಿ ಲುಂಡುನಾಯೇ…

ಎಂಕ್ ಪೋಯೆರೆ ಸಾದಿ ಲುಂದುಯೇ ಪೊಂಜೊವೆ ಬರಿಯೆರೆ ಸಾದಿ ಲುಂದುವೆನಾಯೇ..

ಎಂಕ್ ಪೋಯೆರೆ ಸಾದಿ ಲುಂದುಯೇ ಪೊಂಜೊವೆ ಬರಿಯೆರೆ ಸಾದಿ ಲುಂದುವೆನಾಯೇ..

ಓ.. ಸಾದಿಯೇ ಬುಡುಂಡು ಪೊಂಜೊವು ತಡಮೆ ನನ ತಲೆಯ್ಂಡ್ ಯೇ...

ಆಯೆ ಕಕ್ಕೆದ ನೆಲವುಡು ಬಾಲೆ ಕಾನಗೆ ಅವುಲೊಂಜಂಡ ಪೋವು ಲೆತ್ತ್ ದೇಂಡ್.

ಅವುಲು ತಾರೆ ನನ ಮೂರಿನಾಯೆಗೆ ದಂಡ್ ಡ ಮುಂಡುಡ ದಿಂಜಯೆಗೆ.. ಆಯೆ ದಂಡ್ ಡ ಮುಂಡುಡು ದಿಂಜಯೆನಾಯೆಗೆ ನನ ಬೇಕೊ ಬರುವೆನಾಯೇ..

ಓ.. ಪೋಯ ಸಾದಿ ಬುಡಿಯೆನಾಯಗೆ ಆಯೆ ಬದಲ್ ಸಾದಿ ತಪ್ಪವೇ ಬತ್ತ್ ನಾಯೇ..

ಓ.. ಬದಲ್ ಸಾದಿ ತಪ್ಪದ್ ಬನ್ನಗ ಅವುಲು ಸಾದಿ ಬರಿಟ್ಟ್ ತಡಮೆಡೇ ಲುಂತುಂಡುಯೇ..

ಈ ಪಂಡ್ಂಡ ದಾನೆ ನಾಯಗ.. ಈ ಬೆಂದ್ಂಡ ದಾನೆಂಡ್ ಕೇಂಡ್ಂಡ್ ಯೇ.. ಎಂಕ್ ಅಂಗತ್ ನೆಡ್ ಲಯಿತ್ ಬೇನೆ ಬಡವುಡು

ಲಂಬಚ್ಚಿ ಬೇನೆ ಎಂಕ್ ಒಂಜಿ ಕೌಲಿಗೆ ಚೀಪೆದ ಕಲಿ ಕೊರ್ ಲಯಾ.. ಓ.. ಯಾನ್ ಸಾದಿಡ್ ಬೀದಿಡ್ ಕೊರ್ಂಡ ಪೊಂಜೊವೇ..

ಅಯೆ ತೂಪುನಾಯೆ ದಾನೆ ಪನ್ಂಬೆಯೇ.. ಅಯೆ ತೂಪುನಾಯೆ ದಾನೆ ಪನ್ಂಬೆ ಪೊಂಜೊವೆ ಆಯೆ ಕೇನ್ ನಾಯೆ ರಡ್ದ್ ಪನ್ಂಬೆಯೇ..

ಓ.. ಎನ್ನ್ಂಡ ಇಲ್ಲರಮನೆಗು ಬಲ್ಲೆ ಪೊಂಜೊವೇ ಎನಡ ಲಪ್ಪೆರ್ ಲುಲ್ಲೆರೆಯೇ..

ಎನ್ನಂಡ ಲಪ್ಪೆರ್ ಲಪ್ಪಗ ಉಲ್ಲೆರ್..

ಓ..ಪೂಉಲ್ಲ್ ಪುದರುಲ್ಲ ಲಪ್ಪೆರ್ ಯೇ..

ಓ ಒಂಜಿ ಕೌಲಿಗೆ ಕಲಿ ಲತ್ತ್ಂಡ ಪೊಂಜೊವೇ ಆರ್ ರಡ್ದ್ ಕೌಲಿಗೆ ಕಲಿಯೇ ಕೊರುವುರ್ ಯೇ..

ಆತ್ ಪಾತೆರ ಪನ್ನಗ ಅವುಲು ದಂಡ್ ದ ಕಲಿಕ್ಕೆ ಮುಟ್ಯೆನಾಯೆಗೆ..

ಆಯೆ ದಂಡ್ ದ ಕಲಿನೇ ಲೆಜ್ಜನೀತೆ..ಆಯೆ ಮುಂಡುದ ಕಲಿಕ್ಕೆ ಮುಟ್ಯೆ ಆಯೆ..

ಆಯೆ ಮುಂಡುದ ಕಲಿನೇ ಮುಜ್ಜನೀತೇ..

ಅಲ್ಪಜಿತ್ ನನಂಡ ರಮನ್ಯೆಗು ನನಂಡ ಬರುವೆನಾಯೇ..

ಓ ದಂಡ್ ದ ಕೈಲೆ ಪತ್ತ್ ಲೆ ಲಪ್ಪೆರೆ

ಎನ್ನ ಮುಂಡುದ ಕೈಲ್ ಪಗರುಲೇ

ದಂಡ್ ದ ಕೈಲೆ ಪಗರ್ದ್ ತೂನಗ

ಆಯಿಟ್ ಪಾಟೆಡ್ ಒಂಜಿ ಬೊಟ್ಟ್ ಕಲೀಯೆ

ಮುಂಡುದ ಕಲಿನ್ ಪತ್ತ್ ತೂನಗ

ಆಯಿಟ್ ಪಿಜಿನ್ ಗ್ ಮುರ್ಕೆರೆ ಕಲಿದೀಯೆ

ಇಲ್ಲ ಜಗಲಿಡ್ ಪೊಯೆನಾಯೆ ಆಯೆ ಮಣ್ಣಾ ಜಗಲೀಡ್ ಜೆತೆನಾಯೆ