ಈ ಪುಟೊನು ಪ್ರಕಟಿಸದ್ ಆಂಡ್
- ೨೮ -
ಮಧ್ಯಾನ ಮೂರಿಯೆರೆ ಪೊರ್ತು ಉಂಡು ಅಂದ್ದ್ ಬಿರ್ವೆ ಕಾಶಿಗ್
ಮುಟ್ಟಿನಾಯೆ ಆದ್ ಪಿರ ಬೈದೆಗೆ.
ಮಧ್ಯಾನ ಮುಟ್ಟಿ ಎನನ್ ನಂಬುಲ, ಮಾಧ್ಯಾನೊಡ್ದು ಬೊಕ್ಕ ಎನನ್ ನಂಬಡ.
ಮದೆಟ್ ಮಳ್ತಿನವು ಮೆಯಿಕೆ ಬೈರು.
ಮನಸೆ ತೆರಿಯಂದೆ ಪಾಪ ಇಜ್ಜಿ, ಶರೀರ ತೆರಿಯಂದೆ ಬೇನೆ ಇಜ್ಜಿ.
ಮರಕ್ ಬನ್ನಣಿಗೆ ಪತ್ತಿ ಚಿತ್ರ.
ಮರಟ್ ಉಂತುದು ಮುದೆಲ್ ತತ್ತಿ ಲೆಕ್ಕ.
ಮರ ಬೂರುಂಡು, ಪಕ್ಕಿ ಪಾರ್ಂಡ್.
ಮಮರ ಮಗುರುನಗನೇ ತೆರಿಯೊಡು.
ಮರಿಕ್ ಪೇರ್ ಕೊರ್ಂಡ ವಿಷ ಪೋವೊ?
ಮರಿ ತುಚ್ಚಿಂಡ ಮರ್ಡ್ ಉಂದು, ಅರಿ ತುಚ್ಚಿಂಡ ಮರ್ದ್ ಇಜ್ಜಿ.
ಮರಿ ನಲಿಪಾಯಿನಡೆಗ್ ಕೇರೆ ನಲಿಪಾದೆಗೆ.
ಮರಿಯಾಲೊಗು ತತ್ರ ಬುಡಿಯೆರೆ ಆವಂದ್.
ಮರೊಕು ಮಿತ್ತಾಯಿನಾಯನ್ ವೊಡೆ ಮುಟ್ಟ ಪತ್ತೊಲಿ?
ಮರ್ದ್ ಪಾಡಿಯೆನಾ?
ಮಲ್ಲ ಪುದೆ ಮೆಲ್ಲ ಜಾವೊಡು.
ಮಲ್ಲ ಮರತ ನಿರೆಳ್ ನಾಡಿ ಲೆಕ್ಕ.
ಮಲ್ಲಾದಿಗೆ ಬಡಸ್ತನ ದಿಂಜೆಲ್ ಜಪ್ಟೆಲ್ ಇನ್ಪಿ ಲೆಕ್ಕನೆ.
ಮಲ್ಲಾಯನವು ಊರು ಒರ್ಮೆ, ಬಡವನವು ಇಲ್ಲ್ ಒರ್ಮ.
ಮಳ್ತಿ ಪಾವೊಗು ಮನಸ್ಸೇ ಸಾಕ್ಷಿ, ತೋಳುದಿ ಗುವೆಲ್ಗ್ ನೀರೇ ಸಾಕ್ಷಿ.
