- ೨೫ -
ಬಡಸ್ತನ ಬತ್ತಿ ಕಾಲೊಡು ಅತಿ ಧೈರ್ಯಾದ್ ಉಪ್ಪೋಡು.
ಬತ್ತಿ ನೀರ್ ಇತ್ತಿ ನೀರ್ನ್ ಕೊಂಡು ಪೋಯಿ ಲೆಕ್ಕ.
ಬತ್ತಿ ಮಾರಿ ಇತ್ತಿ ಮಾರಿನ್ ಗಿಡಿಯಾಂಡ್.
ಬರ ಬತ್ತಿ ಕಾಲೋಡು ಮಗೆ ಉಣಿಯೆರೆ ಕಲ್ತೆ.
ಬರ್ಸದ ಲಕ್ಷಣ ಪಣಿಯೆರೆ ಬಲ್ಲಿಗೆ.
ಬಾಣೊಗು ಬಾಯಿ ಅಂಗಾಯಿ ಲೆಕ್ಕ.
ಬಾಣೊಡು ಬಲ್ಕಡಿ, ಆಕಾಶೊಡು ಎಣ್ಣೆದರಿಯ ಇತ್ತ್ಂಡ, ತರಕ್ ಎಣ್ಣೆ ನೀರ್ ತಪ್ಪೋ?
ಬಾಯಿ ಇತ್ತ್ಂಡ ಮಗೆ ಬದ್ಕೆ.
ಬಾಯಿಗ್ ಕೈ ಪಾಡ್ಂಡ ತುಚ್ಚೆರೆ ತೆರಿಯುಜಿ.
ಬಾಯಿಗ್ ಬಡಸ್ತನ ಇಜ್ಜಿ.
ಬಾಯಿಗ್ ಮಣ್ಣ್ ಪಾಡಿಯೆ.
ಬಾಯಿಡ್ ಬಲ್ಲ ಮಗಾ! ಮನಸ್ಡ್ ದಾನೆ?
ಬಾಯಿಗ್ ಬತ್ತಿನವು ಪಣ್ಪ, ಕೈತ ಬತ್ತಿನವು ತಿನ್ಪ.
ಬಾಲೆಳು ಕಳು ಪಣಯೆರ್ಗೆ, ಮುಲ್ಲಾಕುಳು ನಿಜ ಪಣಯೆರ್ಗೆ.
ಬಿಚ್ಚಾದ್ ತೂವೆರೆ ಪಜಿರ್ ಅತ್ತ್.
ಬಿತ್ತ್ಗ್ ಅಂದ್ದ್ ದೀಯಿನವು ಬಾರ್ಗ್ಲಾ ಬತ್ತ್ಜಿ.
ಬಿನ್ನೆರ್ ಬತ್ತೆರ್ಡ್ ಗುದ್ದೊಣ್ಲೆ!
ಬಿನ್ನೆರ್ ಬತ್ತೆರ್, ದಿಕ್ಕೆಲ್ ತಪ್ಪಾದ್ ನೀರ್ ದೀಲ!
ಬೀರಿ ಪೋತಿ ಗುಡ್ಡೆಡ್ ತಾರ್ ಪೋತಿ ಕುತ್ತಿ.
ಬೀಲ ಇತ್ತ್ಂಡ ಕುದಿಕೆ.
ಬೀಲ ಪಾಡೊಣುವೆ.
ಬೀಸಂದೆ ಪೊಡಿ ಬೂರಂದ್.
