ಸಭೆ ನಡತ್ತೊಂಡ್, ಈ ಸಭೆ ಎಡ್ಡೆ ರೀತಿಡ್ ನಡಪರ ಅನಂತ ಪದ್ಮನಾಭ ಭಟ್ ಅಧ್ಯಕ್ಷರಾದ್, ಎಸ್.ಯು. ಪಣಿಯಾಡಿದಾರ್ ಕಾರ್ಯದರ್ಶಿಯಾದ್, ಡಾ. ಆರ್.ಎಸ್. ಶೆಣೈ ಬೊಕ್ಕ ಸತ್ಯಮಿತ್ರ ಬಂಗೇರರ್ ಬೊಕ್ಕ ಬೇತೆ ಕೆಲವು ಜನೊಕುಪ್ಪು ಒಡಿಪು ತಾಲೂಕು ಕಾಂಗ್ರೆಸ್ ಸಮಿತಿ ಬಾರಿ ಪುಣೆಂಡ್. 1930ನೇ ಇಸವಿ ಏಪ್ರಿಲ್ 5ನೇ ತಾರೀಕ್ದಾನಿ ಗುಜರಾತ್' ದಂಡಿ ಪನ್ನಿನಲ್ಲ ಮಹಾತ್ಮಾ ಗಾಂಧೀಜಿ ಉಪ್ಪುದ ಕಾಯಿದೆನ್ ವಿರೋಧಿಸಿ ಉಪ್ಪು ತಯಾರ್ ಮಳೆರ್. ಅಂಚನೆ ಅಷ್ಟೇ ವರ್ಸ ಏಪ್ರಿಲ್ 13ನೇ ತಾರೀಕ್ದಾನಿ ಕರ್ನಾಟಕದ ಅಂಕೊಲೆಡ್ ಉಪ್ಪುದ ಚಳುವಳಿ ಪ್ರಾರಂಭ ಮಲ್ಲೆರ್, ಆನಿಯೆ ಕುಡ್ಲಡ್ ಬೊಕ್ಕ ಜಿಲ್ಲೆದ ಬೇತೆ ಬೇತೆ ಜಾಗ್ಳೆಡ್ ಉಪ್ಪುದ ಸತ್ಯಾಗ್ರಹೊನ್ ಪ್ರಾರಂಭಮಳೆ, ಸತ್ಯಮಿತ್ರ ಬಂಗೇರೆ ಒಡಿಪುಡ್ ಎಸ್.ಯು. ಪಣಿಯಾಡಿದಾರ್ನ ಗುರಾರ್ಮೆಡ್ ಕುಡ್ಲದ ಬಂದರ್ಗ್ ಬತ್ತ್ದ್ ಉಪ್ಪು ನೀರ್ನ್ ಕಣತ್ ಅವೆನ್ ಕೊಲ್ಯಾದ್ ಉಪ್ಪು ತಯಾರ್ ಮಳೆರ್, ಅತ್ತಂದ ಸತ್ಯಮಿತ್ರ ಉಂದೇ ಸಮಯೊಗ್ ಮುಲ್ಕಿ ಬೊಕ್ಕ ಒಡಿಪ್ಡ್ ಸತ್ಯಾಗ್ರಹಿಳೆನ್ ಒಟ್ಟು ಮುನ ಬೇಲೆನ್ಲಾ ಮಳೆ, ಉಂದೇ ಸಮಯೊಡ್ ಆರ್ ಬರೆಯಿನ "ಅಳಿಯ ಸಂತಾನ ಕಟ್ಟಿದ ಗುಟ್ಟು' ಇನ್ನಿ ಬೂಕ್ಡ್ ಸ್ವದೇಶಿ ಚಳುವಳಿ ಬೊಕ್ಕ ತುಳುನಾಡ್ದ ಸ್ವಾತಂತ್ರ್ಯದ ಬಗ್ಗೆಲಾ ಬರತ. ಇಂಚ ಉಪ್ಪುದ ಸತ್ಯಾಗ್ರಹೊಟ್ ಪಾಲ್ ಪಡೆಯಿನ ಸತ್ಯಮಿತ್ರೆರ್ ಆಯಿಡ್ಸ್ ಬೊಕ್ಕ 1940ನೇ ಇಸವಿಡ್ ಆರ್ ತೀರ್ದ್ ಪೋಪಿ ಮುಟ್ಟಿ ತನ್ನ ದೇಶ ಬೊಕ್ಕ ನಾಡ್ಗ್ ಬೋಡಾದ್ ಹೋರಾಟ ಮಳೆ, ಬದ್ಕ್ ಬಯ್ಯನಗ : ಹಾಳಾಂಡ್ ಒಂಜಿ ಕುಟುಂಬದ ಮುಖ್ಯಸ್ಥ ಆದ್, ಶಿಕ್ಷಕೆ ಆದ್, ಪೋಸ್ಟ್ ಮಾಸ್ಟರ್ ಆದ್ ಬೊಕ್ಕ 1920ನೇ ಇಸವಿಡ್ಸ್ 1940ನೇ ಇಸವಿ ಮುಟ್ಟಿ ಸುಮಾರ್ 20 ವರ್ಸ ಕಾಲ ಸ್ವಾತಂತ್ರ್ಯ ಹೋರಾಟಗಾರ ಆದ್ ದೇಶ್ಗ್ ಬೊಕ್ಕ ತನ ಊರುಗ್ ಸೇವೆ ಮಳಿನ ಸತ್ಯಮಿತ್ರ ನಾಲ್ ಊರ್ ತಿರ್ಗೊಂದೆ ಇತ್ತಿನೆಡ್ 1940ನೇ ಇಸವಿಡ್ ಆರೆನ ಆರೋಗ್ಯ ಒಡಿಪ್ ಬಾಸೆಲ್ ಮಿಷನ್ ಆಸ್ಪತ್ರೆಗ್ ಆರೆನ್ ಸೇರಿಸಾದ್ ಆರೈಕೆ ಮಳ್ಕೊಂಡ್ರಾ ಆರೋಗ್ಯ ದಾಲ ಸರಿಯಾಯಿಜಿ. ಅಂಚಾಯಿನಡ್ಸ್ 1940ನೇ ಇಸವಿಡಿಸೆಂಬರ್ ತಿಂಗೊಳು 10ನೇ ತಾರೀಕ್ದಾನಿ ಸತ್ಯಮಿತ್ರ ಬಂಗೇರೆ ಒಡಿಪ್ಪದ ಬಾಸೆಲ್ ಮಿಷನ್ ಆಸ್ಪತ್ರೆಡ್. 38
