ಜಿಲ್ಲಾ ಕಾಂಗ್ರೆಸ್ ಸಮಿತಿಯಾವಡ್ ಇತ್ತೀಜಿ. ಈ ಜಿಲ್ಲೆಡ್ ಸುರ್ಕ್ ಉಂದೇನ್ ಒಪ್ಡ್ ಸುರ್ ಮನಾಕ್ಸ್ ಸತ್ಯಮಿತ್ರ ಬಂಗೇರೆರ್ಲಾ ಬೊಕ್ಕ ಡಾ. ಆರ್.ಎಸ್. ಶೆಣೈಲಾ, 1921 ಇಸವಿ ಏಪ್ರಿಲ್ ತಿಂಗೊಲ್ಡ್ ಸತ್ಯಮಿತ್ರ ಬಂಗೇರ ಡಾ. ಆರ್.ಎಸ್ ಶೆಣೈ ಬೊಕ್ಕ ಅವ್ವ ಪೊರ್ತ್ ಕೋರ್ಟ್ನ್ ಬಹಿಷ್ಕಾರ ಮಲ್ತ್ದ್ ಪಿದಾಯಿಬತ್ತಿ ಕುಬೇರ ಪಾಂಡುರಂಗ ರಾಯರ್ ಬೊಕ್ಕ ಬೇತೆ ಕೆಲ ಜನೊಕುಲ್, ಒಡಿಪುದ ಬೊಕ್ಕ ಜಿಲ್ಲೆದ ಬೇತೆ ಕಡೆತ ಜನೊಕುಳೆ ಒಂಜಿ ಸಭೆನ್ ಒಡಿಪ್ಡ್ ಲೆತ್ತೆರ್. ಆ ಸಭೆಟ್ "ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಸಮಿತಿನ್ : ಸುರ್ ಮಳೆಗೆ ಒಂಜಿ ಠರಾವುನ್ ಪಾಸ್ ಮಳೆ, ಅಂಚೆನೆ ಒಂಜಿ ಜಿಲ್ಲಾ ಕಾಂಗ್ರೆಸ್ ಸಮಿತಿನ್ ರಚನೆ ಮಳೆ, ಉಂದಕ್ ಒಡಿಪ್ದ ಬಾರಿ ಮಲ್ಲ ಜವುಳಿ ವ್ಯಾಪಾರಿಯಾಯಿನ ಸೇಟ್ ನಾನಾಲಾಲ್ ಗೋವಿಂದಜಿ ಪಾಂಡ್ಕರೆನ್ ಅಧ್ಯಕ್ಷರಾದ್, ಶ್ರೀ ನಯಂಪಳ್ಳಿ ಆನಂದರಾಯರೆನ್ ಕಾರ್ಯದರ್ಶಿಯಾದ್, ಕುಬೇರ ಪಾಂಡುರಂಗ ರಾಯರನ್ ಕೋಶಾಧ್ಯಕ್ಷೆರಾದ್ ಬೊಕ್ಕ ಸತ್ಯಮಿತ್ರ ಬಂಗೇರ, ಡಾ. ಆರ್.ಎಸ್. ಶೆಣೈ ಬೊಕ್ಕ ಕೆಲ ಜನೊಕ್ಳನ್ ಸಮಿತಿದ ಸದಸ್ಯೆರಾದ್ ಆಯ್ಕೆ ಮಳೆ, ಕೆಲ ಸಮಯ ಉಂದೆ ಸಮಿತಿ ತನ ಕೆಲಸೊನ್ ದುಂಬೊತ್ತೊಂದ್ ಪೋಂಡ್. ಆಂಡ ಅವ್ವ ವರ್ಸ ಅಗಸ್ಟ್ ತಿಂಗೊಳ್ ಒಡಿಪ್ಗ್ ಪೋಯಿನ ಕಾರ್ನಾಡು ಸದಾಶಿವರಾಯ ಅಲ್ಪ ಸ್ಥಾಪನೆ ಆದಿತ್ತಿನ ಜಿಲ್ಲಾ ಕಾಂಗ್ರೆಸ್ ಸಮಿತಿದ ಬಗ್ಗೆ ಪ್ರಸ್ತಾವನೆ ಮತ್ತೊಂದ್, ಜಿಲ್ಲಾ ಸಮಿತಿ ಜಿಲ್ಲೆದ ಕೇಂದ್ರ ಆಯಿನ ಕುಡ್ಲಡ್ ಉಪ್ಪುನ ಎಡ್ಡೆ ಇನ್ನಿನ ಸೂಚನೆನ್ ಆಕ್ಸೆಗ್ ಕೊರಿಯೆರ್ ಆಯಿಕ್ ಆಕ್ಟ್ ಒಪ್ಪಿಯರ್. ಅಂಚೆನೆ 1921ನೇ ಇಸವಿ ಆಗಸ್ಟ್ ತಿಂಗೊಲ್ಡ್ ಜಿಲ್ಲಾ ಕಾಂಗ್ರೆಸ್ ಸಮಿತಿನ್ ಕುಡ್ಲಗ್ ಕಣತೆ. ಒಡಿಪುಡ್ ತಾಲೂಕ್ ಕಾಂಗ್ರೆಸ್ ಸಮಿತಿನ್ ಮಳೆರ್. ಅಂಚಾಯಿನೆಡ್ ಬೊಕ್ಕ ಸತ್ಯಮಿತ್ರ ಒಡಿಪ್ ತಾಲೂಕು ಕಾಂಗ್ರೆಸ್ ಸಮಿತಿದ ಬೊಕ್ಕ ಜಿಲ್ಲಾ ಸಮಿತಿದ ಮೆಂಬರ್ ಆದ್ ಕೆಲಸ ಮಳೆರ್ 1920-22ನೇ ಇಸವಿದ ಅಸಹಕಾರ ಚಳುವಳಿಡ್ ಸತ್ಯಮಿತ್ರ ಬಂಗೇರ ಭಾಗವಹಿಸಿಯೆರ್, ಇಂಚ 1920ನೇ ಇಸವಿಡ್ ಸ್ವದೇಶಿ ಚಳುವಳಿಕ್ ಪಿಡಾಡಿನ ಸತ್ಯಮಿತ್ರೆರ್ ಖಾದಿ ಕುಂಟು ಸುತ್ತೊಂದು ತರಕ್ಕೊಂಜಿ ಗಾಂಧಿ ಟೊಪ್ಪಿ ದೀವೊಂದ್ ಅಪ್ಪಡ ಗಾಂಧಿವಾದಿಯಾದ್ ಬೊಕ್ಕ 20 ವರ್ಸ ತನ ದೇಶಗಾದ್ ಹೋರಾಟ ಮಳೆ. 1922ನೇ ಇಸವಿ ಫೆಬ್ರವರಿ 9 ಬೊಕ್ಕ 10 ಇಂಚ ರಡ್ಸ್ ದಿನ ಕರ್ನಾಟಕ ಪ್ರಾಂತೀಯ ರಾಜಕೀಯ ಪರಿಷತ್'ದ ಸಭೆ ಕವಿಕೋಗಿಲೆ ಪಂಡ್ದ್ ಪುದರ್ ಪೋಯಿನ ಸರೋಜಿನಿ ನಾಯ್ಡುನ ಗುರಾರ್ಮೆಡ್ ಕುಡ್ಲಡ್ ನಡತ್ಂಡ್. ಈ ಸಭೆಕ್ ಸತ್ಯಮಿತ್ರೆರ್ ಹಾಜರಾದಿತ್ತೆರ್. ಕುಡ್ಲಡ್ ಕರ್ನಾಟಕ ಪ್ರಾಂತೀಯ ರಾಜಕೀಯ ಪರಿಷತ್ ಸಭೆ ನಡತ್ತಿನ ಬೊಕ್ಕದ ವರ್ಸ ಪಂಡ್ಂಡ 1923ನೇ ಇಸವಿಡ್ ಒಡಿಪುಡ್ ದಕ್ಷಿಣ ಕನ್ನಡ ಜಿಲ್ಲಾ ರಾಜಕೀಯ ಪರಿಷತ್ 37
