ಅಬ್ಬರ, ಒಚ್ಚುನಿ, ಸುಲಾವು, ಬಾಯಿಬುಡ್ಡಿನಿ, ಪಾಯಿ ಮಡಿಪು, ಕೋಸು ಕಟ್ಟುನಿ, ವೊವೊಲು ಕಟ್ಟುನಿ ಇಂಚಿತ್ತಿ ಮಾತಾ ಶಬ್ದಳೆನ್ ಉಪಯೋಗ ಮಲ್ಪೆರೆಲಾ ಆಗ್ ಗೊಂತುಂಡು. ತೇರುಳೆಗೆ ಪೊರ್ಲುದ ಜಿಡ್ಡೆಳೆನ್ ಕಟ್ಟುನವು, ಆ ಜಿಡ್ಗಳನ್ ಕುವೊಡು ಆಜಿ ಚಕ್ರದ ಮಿತ್ತ್ ಡು ವುಂತಾವುನವು, ಬೊಕ್ಕ ಎಣ್ಣೆದ ಗಾಣದ ಜಿಡ್ಡೆ, ಬಜಿಲಜಿಡ್ಡೆ, ಕಂರ್ಬುದ ಆಲೆ, ಓಡಮರಯಿ, ಉಪ್ಪುದ ಮರಯಿ, ತೊಟ್ಟೆಮರಯಿ, ಕಲ್ಡ್ದ ಮರಯಿ, ಕಡೆಪಿಕಲ್ಸ್ ಮಳ್ಳುನವು ತುಳುವರೆ ಮಲ್ಲ ಸೂಕ್ತುಮ ಬೇಲೆಳು (Arts), ಅಂಚೆನೆ ಪೆರಮಣೆ, ಮುಟ್ಟಿತ್ತಿದ ಮಣೆತ ಉಪಯೋಗಲಾ ಹೆಚ್ಚದಾಕುಳೆಗ್ ಗೊತ್ತು ಇಜ್ಜಿ ಪಂಡ್ದ್ ಸತ್ಯಮಿತ್ರ ಪಣೆ. ಅಟ್ಟಿಲ್ (Cookery)ಡ್ ತುಳುವರ್ ಬಾರಿ ಬಿಗಿ, ಅರಿಡ್ತಾಪಿ ಅಡಿಗೆ ತುಳುವೆರೆಗ್ ಗೊಂತಿತ್ತಿನಾತ್ ಬೇತೆ ಏರೆಗ್ಲಾ ಗೊಂತಿಜ್ಜಿ, ಕುರ್ಲು, ಬಜಿಲ್, ಪೊರಿ, ಪೊದ್ದೂಳು ಉಂದು ತುಳು ಶಬ್ದಳಾಯಿನೆಡ್ಡಾವರ ಐತ ಕೆಲಸ ತುಳುವರಡ್ಡೆ ಬತ್ತದುಡು. ಬಂದ, ಅರೆಪು, ಉರ್ಕಾರುನಿ, ಕಬಿಡುನಿ, ಬಾವಾಡಿಯುನಿ, ಗಟ್ಟುನಿ, ಬಲ, ತೆಲ್ಲವು ನೀರ್ಲ್ಲವು ಬೆಲ್ಲ ತೆಲ್ಲವು, ಉಪ್ಪು ದೋಸೆ, ಕೈದಡ್ಕ, ಗಾರಿಗೆ, ಅಪ್ಪ ಇಂಚಿತ್ತಿ ಮಾತಾ ಅಡ್ಕಳ ಪುದರುಳು ಬೇತೆ ಏರೆಡಲಾ ಇಜ್ಜಿ. ಪತ್ರಡೆ ಇನ್ನಿ ಪುದರ್ಪೋಯಿ ಅಡಿಗೆ ತುಳುವೆರೆನವು ಪಂಡ್ದ್ ಪನ್ನಿನ ಸತ್ಯಮಿತ್ರರ್, ಅಡಿಗೆಡ್ ಇಡೀ ಭಾರತ ದೇಶೋಡೆ ತುಳುವೆರ್ ಬಾರಿ ಪುದರ್ ಪೋಯಿನಾಯ್ಡು ಪಂಡದ್ ಆಕ್ಸೆನ್ ಪುಗರ್ದ, ತುಳುನಾಡ್ದ ಆಚಾರ, ವಿಚಾರ, ದುಸೈತೊದ ಬಗ್ಗೆ ಪುಂಡ, ಮುಳ್ಳ ಮುತ್ತೇಸಿ ಪೊಣ್ಣುಳು ಪೂವುಳೆಡ್ಜ್ಲಾ ಪದ್ದೆಯಿಡ್ ಲಾ ತನುಕುಳ ತರೆನ್ ಮುಚ್ಚಣಡತ್ತಂದೆ ಬೇತೆ ದಾಕುಳೆ ಲೆಕ್ಕ ಕುಂಟುಡು ತರೆ ಮುಚೂನು ಕ್ರಮ ಆವಡ್ ಪರದದ ಕ್ರಮ ಆವಡ್ ಮೂಳ್ ಇಜ್ಜಿ. ತುಳುವೆರೆಡುಪ್ಪನಾತ್ ಸಂಸಾರ ಸಂಬಂಧದ ಶಬ್ದಳು ಬೇತೆ ಏರೆಡಲಾ ಇಜ್ಜಿ. ಸೀರೆ, ಸೆರಂಗ್, ಮೇದಲೆ, ಮುಟ್ಟಳೆ, ತಿಂಡೆ, ಸೂಡಿ, ಊರಣೆ, ಬರ್ಚನೆ ಉಂದು ಮಾತ ಶಬ್ದಳೆಲಾ, ಕೊಪ್ಪು, ಒಗುಡಿ, ಓಲೆ, ಬೆಂಡೋಲೆ, ಇನ್ನಿ ಪಟ್ಟಿಯಿಳ ಪುದರುಳಡಲಾ ತುಳು ಪೊಣ್ಣೆವುಳ ತುತ್ತೈತ ದಾನ ಅಂದ್ರಾ ಆಕುಳ ಸಂಸ್ಕೃತಿ ಏತೆಗ್ ಉಂಡು ಅಂದ್ಲಾ ಗೊಂತಾಪುಂಡು ಪಂಡ್ದ್ ಸತ್ಯಮಿತ್ರೆರ್ ತನ್ನ ಈ ಲೇಖನೊಡ್ ಬರತೆ. ತುಳುವೆರಡೊಪ್ಪ ಬಳಕೆಡುಪ್ಪು ಮೊಲಬೆ, ದಡಿಕೆ, ಬಾಪು, ಕುರಿ, ಬದಂಗಲ, ಅಬ್ಬಣ, ಬೆದಾಪು, ದಡ್ಡ ಕಟ್ಸ್, ಪೊಕ್ಕೆ ಬರ್ಪಿನಿ, ದಲ್ಡ್ ಪೊರ್ಕಾಲ್ಕುನಿ, ಬುಲುನಿ, 28 13
