ಮಲೆರ್, ಬೆಳ್ತಂಗಡಿದ ಮಾಚಾರು ಗೋಪಾಲ ನಾಯ್ಕರ್ ಪಂಡಿ 15683 ಸಾಲ್ ಪದೊಕುಲೆನ್ ಬರೆದ್ ಆಯಿತ ತರ್ಜುಮೆ ಇಂಗ್ಲಿಷ್ಡ್ ಕೊರ್ದು ಬೂಕು ಬುಡುಗಡೆ ಮಲೆರ್, ಡಾ. ಕೆ. ಚಿನ್ನಪ್ಪ ಗೌಡರ್ ಬೊಕ್ಕ ಪ್ರೊ. ಬಿ.ಎ. ವಿವೇಕ ರೈ ಮುಕುಲು ಈ ಮಲ್ಲ ಕಾರ್ಯೊಡು ಪಾಲ್ ಪಡೆಯೆ. ಜಾಗತಿಕ ಮಟ್ರೊಡು ತುಳು ಜನಪದ ಸಾಹಿತ್ಯ ಮಲ್ಲ ಮಾನಾದಿಗೆ ಪಡೆಂಡ್. ಆಂಡ ಜಾನಪದೊತ ಗಂದ ಗಾಳಿ ಗೊತ್ತುದಾಂತಿನ ಪೊರ್ತುಡು, ಜಾನಪದೊ ಪಂಡ ಪಾಮರ ಸಾಹಿತ್ಯ, ಅನಾಗರಿಕರ ಸಾಹಿತ್ಯ, ಗೊರವರ ಡುಂಡುಚಿ - ಅಯಿಟ್ ಮಣ್ಣಿಲಾ ಇಜ್ಜಿ. ಬೊಕ್ಕ ತುಳು ಜಾನಪದ ಪಂಡ ಕೇನೊಡ್ಡಿ - ತುಳು ಒಂಜಿ ಬಾಸೆನೇ ಅತ್ತಂದ್ ಮಲ್ಲ ಮಲ್ಲ ವಿದ್ವಾಂಸೆ, ಪಂಡಿತೆ ಕುಲು ಪಂಡೊದುಪ್ಪಿ ಪೊರ್ತುಡು (ಇತ್ತೆಲಾ ಕೆಲವೆರ್ ಪಂಡೊಂದೇ ಉಲ್ಲೆರ್), ಕಾರಂತೆರ್ ತುಳು ಜನಪದ ಗೀತೊಲೆನ್ ಹಳ್ಳಿ ಹಳ್ಳಿಗ್ ಪೋದು ಸಂಗ್ರಹ ಮಲ್ಲೆರ್, ಜೋಕುಲೆಗ್ ಅವೆನ್ ಸಾಲೆಡ್ ಮಾಸ್ಟ್ನಕುಲು ಬಾಯಿಪಾಠ ಕಲ್ಪವೊಡು ಪಂಡೆರ್. ಅಯಿತ ವಿಮರ್ಶೆ ಮಲ್ತ್ದ್ ಮಾನವ ಶಾಸ್ತ್ರ ಅಧ್ಯಯನೊಗು ಜನಪದ ಗೀತೆಲೇ ಆಧಾರೊಂದು ಪಂಡೆರ್. ಬೇತೆ ಬೇತೆ ನಮೂನೆದ ಪದೊಕುಲೆನ್ ವಿಂಗಡಣೆ ಮಲ್ಲೆರ್. ಅಯಿತ ಸತ್ತೊ - ತನ್ನೊ ಎಂಚಿನಂದ್ ಪಂಡ. ಜಾನಪದೊತ ಆಧಾರೊದ ಮಿತ್ತೇ ಕೆಲವು ಕಾದಂಬರಿಲೆನ್ ಬರೆಯೆ. ಕೆಲವು ನಾಟಕ ಬರೆಯೆರ್. J ಕಾರಂತೆರ್ ಭೂತಾರಾಧನೆದ ಮಿತ್ತ್ ಬರೆಯಿನ ಬೂಕುಡು ಈ ಆರಾಧನಾ ಪದ್ಧತಿ ಎಂಚ ಉದಿಪನ ಆಂಡ್ ಪನ್ನಿ ವಿಚಾರೊನು ಬರೆತೆ, ಜಗದ್ಗದ ಮಾತ ಕೋಡಿದ್ದಾ ಈ ಒಂಜಿ ಆರಾಧನಾ ವಿಧಾನೊ ಇತ್ತ್ಂಡ್ಂದಾಂಡಲಾ ಇತ್ತೆ ಅವು ಅರಿಯೊಂದು ಬತ್ತ್ಂಡ್. ಆಂಡ ತುಳುನಾಡ್ ಬೊಕ್ಕ ಕೇರಳಡ್ ಅವು ನನಲಾ ಒರಿದುಂಡು. ತುಳುನಾಡ್ಡ್ ಭೂತ ತಾನೊಲು ಇತ್ತೆಲಾ ನಿರ್ಮಾಣ ಆವೊಂದೇ ಉಂಡು. ಭೂತಾರಾಧನೆ ದ್ರಾವಿಡ ಸಂಸ್ಕೃತಿ, ತುಳುನಾಡ್ಗ್ ಆರ್ಯ ಧರ್ಮ ಪ್ರವೇಶ ಆಂಡ್, ಜೈನ ಧರ್ಮ ಪ್ರವೇಶ ಆಂಡ್. ಅಯಿಡ್ ಬೊಕ್ಕ ನಾಥ ಪಂತೊ ಬತ್ತ್ಂಡ್ ಮುಕುಲು ಪೂರ ದ್ರಾವಿಡ ಸಂಸ್ಕೃತಿದ ಭೂತಾರಾಧನೆನ್ ಸ್ವೀಕಾರ ಮರ್, ಆರ್ಯ ಧರ್ಮೊಡು ದೇವೆರೆಗ್ ಪುರಾಣ ನಿರ್ಮಾಣ ಆಯಿಲೆಕನೇ ಭೂತೊಲೆಗ್ಲಾ ಪುರಾಣ ನಿರ್ಮಾಣ ಆಂಡ್, ರಡ್ ಪುರಾಣಲುಲಾ ಒಟ್ಟು ಸೇರೊಂಡೊ. ಈ ಪುರಾಣೋನೇ ಪಾಡ್ಡನ, ಒಂಜೊಂಜಿ ಭೂತೊಗು ಒಂಜೊಂಜಿ ಪಾಡ್ಡನ ಉಂಡು, ಒಂಜೇ ಭೂತೊದ ಪಾಡ್ಡನ ಬೇತೆ ಬೇತೆ ಕೋಡಿಡ್ ಬೇತೆ ಬೇತೆ ರೀತಿಡ್ ಉಪ್ಪುಂಡು. ಬೊಬ್ಬರ್ಯನ ಪಾಡನ ತುಳುನಾಡ್ದ ಬಡಕಯಿ ಮೆಟ್ಟಿತ್ತಿಲೆಕ ತನ್ನಯಿ ಮೆಯಿಟಿಜ್ಜಿ. ತುಳುನಾಡ ಪುದರ್ ಪಡೆಯಿನ ಭೂತೊ Q ಡಾ. ಕೋಟ ಶಿವರಾಮ ಕಾರಂತೆರ್ /59
