ಒಳ್ಳೇ ಕಲೆ ಒರಿದ್, ಬುಳೆದ್, ಸಂಸ್ಕಾರ ಪಡೆವುಡೂಂದಾಂಡ ಆಯಾಯ ಕಲೆಕುಲೆಗ್ ಸಂಬಂಧಪಟ್ಟ ಮೂಲತತ್ವ ಒವು ಪತ್ನಿ ವಿಚಾರ ತೆರಿದುಪೊಡು. ಅವನ ಬಲಾಬಲೋತ ಜ್ಞಾನ ಬೋಡು. ನೆಕ್ ಸಮಾನವಾಯಿನ ಬಾಕಿ ಕಲೆಕುಲೆನ ಬಗ್ಗೆ ಗೊತ್ತು ಬೋಡು. ನಮ್ಮ ಬುದ್ದಿ ಬಲಿರ್ದುಪೊಡು. ಪ್ರತಿಯೊಂಜಿ ಕಲೆಲಾ ಬೋಳುಗು ಬೂರುನೆ ಕೆಲವೇ ಕೆಲವು ಪ್ರತಿಭಾವಂತ ಕಲಾವಿದೆರೆನ ಸೃಷ್ಟಿಡ್ತಾವರ, ಸೃಷ್ಟಿದ ಸ್ಫೂರ್ತಿಡ್ಜ್ ಪುಟ್ಟಿನ ನಾದ, ನೃತ್ಯ, ವರ್ಣ ನನ್ನ ಸಾಂಪ್ರದಾಯಿಕ ಅನುಸರಣೆಡ್ ನಮ ಒರಿತೊನೊಲಿ. ಅಯಿನ್ ಬುಳೆಯರೆಗ್, ಸುದಾರ್ನೆ ಮಲ್ಪರೆಗ್ ಆ ಕಳತ ಪೂರ್ತಿ ಜ್ಞಾನ ಇತ್ತಿನ ಪ್ರತಿಭಾವಂತ ಸೃಷ್ಟಿಕಾರರೇ ಬೋಡು. ಬಜೀ ಪದ ಪನ್ಯರೆಗೊತ್ತಿತ್ತಿನಕುಲು, ನಲಿಪ್ಯರೆ ಮಾತ್ರ ಗೊತ್ತಿತ್ತಿನಕುಲು ಬಜೀ ವಾಚಾಳಿತನ ಮಾತ್ರ ತೆರಿನಕುಲು ಅತ್ತಂಡ ಬಜೀ ಬಣ್ಣ ಪಾಡ್ಯರೆ ಮಾತ್ರ ಗೊತ್ತಿತ್ತಿನಕುಲು ಯಾನ್ ಯಕ್ಷಗಾನೊನು ಸುದಾರ್ನೆ ಮಲ್ಪುವೆಂದ್ ಪನ್ನಿನಾತ್ ಎಲ್ಯಕಲೆ ಯಕ್ಷಗಾನ ಅತ್ತ, ಇತ್ತೆ ಈ ಕಳಟ್ ನಡತೊಂದುಪ್ಪಿ ಕೆಲಸೊ ಅಂಚಿನ ಶಿಲ್ಪದ ಜ್ಞಾನದಾಂತಿನಾಯೆ ಗಣಪತಿ ಮಲ್ಪರೆ ಪೋದು ಮಂಗನ ಮುಸುಂಟು ಮಲೆಕ ಇಂಚಿತ್ತಿ ಮಹಾನುಭಾವೆರೆನ ಉಪದೊಡ್ಡು ಯಕ್ಷಗಾನ ಕಲೆ ತನನ್ ಒರಿತೊನುನ ಕಾಲ ಇತ್ತ್ ಬತ್ತ್ಂಡ್. ಸಂಗೀತ, ನಾಟಕ, ದುಸ್ಯೆತೊ, ನಲಿಕೆ ಇಂಚ ನಾಲ್ ಕಲಾ ಪ್ರಕಾರೊಲು ಒಟ್ಟು ಸೇರ್ದ್ ಯಕ್ಷಗಾನೊ ಪುಟ್ಟುದುಂಡು. ಉಂದು ಒಂಜಿ ಸಮಷ್ಟಿ ಕಲೆ. ಒರಿ ಉದ್ಯ ಬೆಂದಿನ ಕಲೆ ಅತ್ತ್. ಅಪ್ಪ - ಅಮ್ಮನೇ ಮದತ್ ದೂರೊ ಪೋವೊಂದಿಪ್ಪುನ ಚಿತ್ರಕಲೆನೋ, ಸಿನಿಮಾ ಕಲೆನೊ ಬೇತೆ ಪದೊಕುಲೆನೋ ಅನುಕರಣೆ ಮಲ್ಪುನೆಡ್ ನಮೋ ಯಕ್ಷಗಾನೊಡು ಇತ್ತಿ ಸಂಪೊತ್ತುನು ಕಳೆವೊನುಬೊ, ನನ ನಿತ್ಯ ನಡಪುನ ಯಕ್ಷಗಾನ ಕೂಟೊ (ತಾಳಮದ್ದಲೆ)ನ ಕತೆ ಪಂಡ್ದ್ ಸುಖ್ ಇಜ್ಜಿ, ಅರ್ಥಧಾರಿನಕುಲು ಮಾತ ಮೂಲ ಕವಿಕುಲೆನ್ ಮೀರವುನಕುಲು. ಅರ್ಥದಾರಿಲೆನ ಪಾತೆರಕತೆ ಅಕುಲೆನ ವ್ಯಕ್ತಿ ಪ್ರತಿಷ್ಠೆ, ಅಹಂಕಾರೊಡ್ಡಾವರ ಕೆಟ್ಟಿದ್ ಪೋತುಂಡು, ನೆನ್ಸ್ ತೂನಗ ಉಂದು ರಂಗಭೂಮಿಯೋ ವಾದ ಭೂಮಿಯೋ ಪನ್ನಿ ಸಂಶಯ ಬರುಂಡು, ಸೀತೆ, ರಾಮೆ, ಕೌರವ, ಅರ್ಜುನೆ ಇಂಚಿನ ಪುರಾಣ ಪಾತ್ರೋಲೆನ ಶೀಲ ಎಂಚಿನವು ಪನ್ನಿನೆನ್ ತೆರಿಪವುನ ಬುಡ್ಡು ಅಷ್ಟೇ ಪಾಟ್ರೊಲೆಡ್ ವಕಾಲತ್ ಮಲ್ಪದ್ ಲಡಾಯಿಗ್ ಪಿದಾಡ್ಡೆರ್. ಉಂದು ಇತ್ತೆದ ಯಕ್ಷಗಾನ ಕೂಟೊ, ನೆಡ್ಡಾವರ ರಾಮೆ ಸೀತೆನೊಟ್ಟಿಗೆ ಜೀವನ ಕರಿಪುನ ಬುಡ್ಡು ಇನೆಮೋಕೆ ಕಳೆದ್ ಬರ ಪನ್ನಿನಾಡೆ ಮುಟ್ಟ ಎತ್ತಬೆ, ನಾಲ್ ದೋಸ್ತಿಲೆಡ್ಜ್ ಸಾಬಾಸ್ಗಿರಿ ಪಡೆಪುನ ಸಲುವಾದ್, ವೈಯಕ್ತಿಕ ಕೊಪೊತಾಪೊ ತೀರವೊನ್ಯರೆಗಾದ್ ಯಕ್ಷಗಾನ ಕಲಾವಿದೆರ್ ಪಿದಾಡೈರ್ಂದಾಂಡ ಏರೆಡ್ ಲಾ ಯಕ್ಷಗಾನ ಕಲೆನ್ ಒರಿತೊನೈರೆ ಸಾಧ್ಯ ಆವಂದ್. ಡಾ. ಕೋಟ ಶಿವರಾಮ ಕಾರಂತೆರ್ / 34
