ದಾಲಾ ಪ್ರಯೋಜನ ಆಯಿಜಿ, ಪತ್ರಿಕೆನ್ ಉಂತುವೊಡಾಂಡ್. ಒರ ಉಂತದ್ ಕುಡ ಮೂಜಿ ವರ್ಸೊ ಕರಿ ಬೊಕ್ಕ ಅವ್ವ ಪತ್ರಿಕೆನ್ ಕುಡಲಡ್ ಸುರು ಮಲ್ಲೆರ್. ಅಲ್ಪಲಾ ಅಂಚನೆ ರಡ್ ವರ್ಸೊ ನಡತ್ತ್ ಅವು ಉಂತುದೇ ಪೋಂಡು, ಸ್ವಂತ ಪತ್ರಿಕೆದ ಕೈಬುಡು ಆರ್ ಕುಡಲದ 'ಸ್ವದೇಶಾಭಿಮಾನಿ' ಪನ್ಸಿ ಪತ್ರಿಕೆಗ್ ಲೇಖನ ಬರೆಯರ ಸುರು ಮಲೆ, 'ಸತ್ಯಾಗ್ರಹಿ' ಪನ್ಸಿ ಪತ್ರಿಕೆಗ್ ಬ್ರಿಟಿಷರೆನ ಆಡಳಿತ ವಿರೋಧವಾಯಿನ ಲೇಖನೊಲೆನ್ ಬರೆಯರ ಸುರು ಮಲ್ಲೆರ್, 'ಕೌಶಿಕ' ಪತ್ನಿ ಕಾವ್ಯನಾಮ ದೀವೊಂದು ಬಾಗಲಕೋಟೆದ ಕನ್ನಡಿಗ ಪನ್ನಿ ಪತ್ರಿಕೆಗ್ ನಾಟಕದ ಬಗ್ಗೆ ವಿಮರ್ಶೆ ಬರೆವೊಂದಿತ್ತೆರ್. ಇಂಗ್ಲಿಸ್ ಪತ್ರಿಕೆಲೆಗ್ಲಾ ಆರ್ ಎಡ್ಡೆ ಎಡ್ಡೆ ವಿಮರ್ಶಾತ್ಮಕ ಲೇಖನ ಬರೆವೊಂದಿತ್ತೆರ್. ಕೆಲವು ವರ್ಸೊಡ್ಡು ಬೊಕ್ಕ 1950ಡ್ ಆರ್ ಪಿರ ಪತ್ರಿಕೆ ನಡಪುಡ್ಕರ ಪ್ರಯತ್ನ ಮಲ್ಪೆರ್. 'ವಿಚಾರವಾಣಿ' ಪತ್ನಿ ಪತ್ರಿಕೆ ಸುರು ಮಲ್ತ್ದ್ ಅಯಿಟ್ನಾ ಆರೆಗ್ ಸೋಲೆ ಆಂಡ್. ಕಾರಂತೆರ್ ಊರೂರು ತಿರ್ಗೈ, ನಾಟಕ ಗೊಬೈ, ಪತ್ರಿಕೆ ನಡಪಯೆರ್. ಗಾಂಧಿ ಮಾರ್ಗ ಪತ್ತ್ ಸ್ವಾತಂತ್ರ್ಯ ಚಳವಳಿಡ್ ಪಾಲ್ ಪಡೆಯೆರ್, ಸಮಾಜ ಸೇವೆ ಮಲ್ಲೆರ್. ಗಡ್ಡ ಬುಡ್ಡು ಸನ್ಯಾಸಿ ಆಯರ ತೂಯೆರ್. ಕದ್ದ ದುಸೈತ ಪಾಡ್ ಕಾಂಗ್ರೇಸ್ ಪ್ರಚಾರ ಮಲೆ, ಬಡವು - ಬಾಜೆಲ್ ಕಟ್ಟದ್ ಬ್ರಹ್ಮಚಾರಿಯಾಯರ ಪಿದಡ್ಕರ್. ಆಂಡ ಆ ಕೈಕೊನ್ನ ಯೋಜನೆಲು ಒವುಲಾ ಕೋಡಿ ಎತ್ತಿದೆ. ನಿರಾಸೆ ಪನ್ನಿ ಶಬ್ಲೊನೇ ಕಾರಂತೆರೆನ ಶಬ್ದಕೋಶೆಡಿಜ್ಜಿ. ಆರ್ ದುಡ್ಡುದ ಬೆರಿ ಪತೊಂದು ಪೋದು ಪೂಜೆ ಮಲ್ಪುನಾರತ್. ಕೀರ್ತಿದ ಬೋಂಟೆ ಮಲ್ಪುನಾರತ್ತೆ. ಬಡ್ ಆರೆಗ್ ತಿಕ್ಕಿನ ಪೆಟ್ಸ್ ಆರೆನ ಪರನಂಬಿಕೆದ ಚೋಲಿ ಜಾರಂಡ್, ಪೊಸ ಬದ್ ನಡಪವೊಡು ಪನ್ನಿ ಗೇನೂ ಆರೆಗ್ ಪುಟ್ಟುಂಡು. ಪೊಸ ಬದ್ಗ್ ಪೊಸ ಜಾಗನೇ ಆವೊಡು ಪಂಡ್ದ್ ಆರ್ ತೆನ್ನಾಯಿ ಮೋನೆ ಪಾಡೆರ್. ಒಂಜಿ - ರಡ್ ವರ್ಸೊ ಕುಡಲದ ಕೆನರಾ ಹೈಸ್ಕೂಲುಡು ಹಿಂದಿ ಮಾಸ್ಸಾದ್ ಕೆಲಸ ಮಲೆರ್, ಆ ಪೊರ್ತುಗು ವೆಸ್ಥಾನಿ ಸ್ಥಾಪನೆ ಮನ ಭಾರತ ಯುವಕ ಸಂಘದ ಕಾರ್ಯದರ್ಶಿಯಾದ್ ಕೆಲಸ ಮಲ್ಲೆರ್, ಕರ್ನಾಟಕ ಸಂಘ ಉದಿಪನ ಮಲ್ಲೆರ್. ಅಪಗ ಪುತ್ತೂರು ಮೊಳಹಳ್ಳಿ ಶಿವರಾಯೆರೆನ ಕಕ್ಕೊದ ಕಳ ಆದಿತ್ತ್ಂಡ್. ಆ 1880ಡ್ ಪುತ್ತೂರುಡು ಪುಟ್ಟಿನಾ, ಪುತ್ತೂರುಡು ಬಾಸ್ಕೊದ ಬರವು ಕಲ್ತ್ದ್ ಕುಡಲದ ಕಾಲೇಜಿಡ್ ಎಫ್.ಎ. ಮುಗಿತ್ದ್ ಫೀಡರ್ ಪರೀಕ್ಷೆಡ್ ಪಾಸಾದ್ ವಕಾಲತ್ತಿಗೆ ಮಲ್ಪರೆ ಸುರು ಮಲ್ಲೆರ್, ವಕಾಲತ್ತಿಗೆಡ್ ಪುದರ್ದೆತ್ತಿನ ಆರ್ ಪುತ್ತೂರು ತಾಲೂಕು ಬೋರ್ಡುದ ಅಧ್ಯಕ್ಷೆರಾಯೆರ್, ಶಿವರಾಯೆರೆಗ್ ಸಹಕಾರಿ ಕ್ಷೇತ್ರ ಬೊಕ್ಕ ಶಿಕ್ಷಣ ಕ್ಷೇತ್ರೋಡು ಕೆಲಸ ಮಲ್ಪುನ ಮಲ್ಲ ಆಸಕ್ತಿ, ದಕ್ಷಿಣ ಕನ್ನಡೊದ ಜನೊಕುಲೆಗ್ ಸಹಕಾರ ಪನ್ನಿನ ಶಬ್ದ ಅರ್ಥ ಮಲ್ಲಿ ಕೊರಿನಾರ್ ಶಿವರಾಯ, ಪುತ್ತೂರುಡು ಇತ್ತ ಈತ್ ಸಾಲೆಲು ಡಾ. ಕೋಟ ಶಿವರಾಮ ಕಾರಂತೆರ್ /19
