ಜೋಗ, ಬಾದಾಮಿ, ಐಹೊಳೆ, ಪಟ್ಟದಕಲ್ಲು, ಹಂಪೆ, ಅಜಂತ ಇಂಚ ಶಿಲ್ಪಕಲೆತ ಊರುಲೆಗ್ ಪೋಯೆರ್. ಗಾಂದ್ರೆನ ಅಪ್ಪಟ ಅನುಯಾಯಿಯಾಯಿನ ಆರ್ ಸಬರ್ಮತಿ ಆಶ್ರಮೊಗ್ತಾ ಪೋದು ಅಲ್ಪ 10-15 ದಿನೊ ಉಂತುದು ಬತ್ತೆರ್. ಬಂಗಾಲಗ್ ಪೋದು ರಾಮಕೃಷ್ಣ ಮಠನು ತೂಯೆ, ಶಾಂತಿ ನಿಕೇತನೊಗು ಪೋದು ರವೀಂದ್ರನಾಥ ಠಾಗೋರರೆನ್ ಭೇಟಿ ಆಯೆರ್. ಒಟ್ಟು ಭಾರತೊದ ಪ್ರವಾಸೊಡು ಆರ್ ಪ್ರಕೃತಿ ಸೌಂದರ್ಯದ ತಾನೊಲು, ಪ್ರಾಕ್ದ ಗುಡಿ ಗೋಪುರೋಲು, ಶಿಲ್ಪಕಲೆ, ವಾಸ್ತು ವೈಭವ ಅರಮನೆ, ಕೋಟೆ, ಪಳ್ಳಿ, ಇಂಗ್ರೇಜಿ, ಸ್ಮಾರಕ - ಇಂಚ ಒಂಜೆನಾ ಬುಡಂದ ತೂಯೆರ್, ನೆನ್ಸ್ ಮಾತ ತೂದಾಪಿನೆನೆ ಆರೆನ ಉಡಲ್ಡ್ ಭಾರತೊದ ಭವ್ಯ ಸಂಸ್ಕೃತಿದ ಬಗ್ಗೆ ವಿಶೇಷ ಅಭಿಮಾನ ಪುಟ್ಟುಂಡು, ಪ್ರಕೃತಿದ ಬಗ್ಗೆ ಮೋಕೆ ಉಂಡಾಂಡ್, ಸುದೆ, ಕಡಲ್, ಗುಡ್ಡೆ, ಪರ್ವತೊ ಉಂದು ಮಾತ ನರಮಾನ್ಯನ ಮನಸ್ಸಿಗೆ ಶಾಂತಿ ಕೊರ್ಪಿನ ತಾನೊಲು ಪನ್ನಿ ಅಲೋಚನೆ ಪುಟ್ಟುಂಡು, ಗಾಂಧೀಜಿ, ರವೀಂದ್ರನಾಥ ಠಾಗೋರ್, ಸಾಧು ಮಸ್ತಾನಿ ಇಂಚ ಮಸ್ತ್ ಮಲ್ಲ ಜನೊಕುಲೆನ ನಿಕಟ ಸಂಪರ್ಕ ಆಂಡ್. ಗಾಂಧಿಯೆರೆನ ವಿಚಾರೊದ ವರ್ಚಸ್ಟ್ ಆರೆನ ಮಿತ್ತ್ ಎಚ್ಚಾಂಡ್. ರಾಮಕೃಷ್ಣ ಪರಮ ಹಂಸೆರೆನ ಸಾಹಿತ್ಯ ಓದುದು ಆರಡ ಭಕ್ತಿಭಾವ ಎಚ್ಚಾಂಡ್, ಶಾಂತಿನಿಕೇತನೊನು ತೂದು ಶಿಕ್ಷಣದ ಬಗ್ಗೆ ವಿಶೇಷ ಗೇನೊ ಬತ್ತ್ಂಡ್. له ಕಾರಂತ ಊರು ತಿರ್ಗರ ಕಾಸ್ ಇಜ್ಜಿಂದ್ ಏಪಲಾ ಕುಲ್ಲಿನಾರತ್, ಇತ್ತಿ ದುಡ್ಡು, ಇತಿ ದುತೊಡೇ ಲಕ್ಕದ್ ಪೋಪದರ್, ದುಡ್ಡಿತ್ತಿನಾಡೆ ಮುಟ್ಟ ರೈಲು, ಮೋಟಾರ್, ಕಮ್ಮಿ ಆಂಡ ಬೋರ ಗಾಡಿ, ದುಡ್ಡು ಇಜ್ಜಿಂದಾನಗ ಬಜಿ ಕಾರ್ ನಡತ್ ಬೆಟ್ಟ, ಗುಡ್ಡೆ ತಿರ್ಗೆರ್, ಬಂಜಿದ ಬಡವುದ ಗೇನೊ ಬುಡೈರ್, ಏಕಾಗ್ರತೆಗಾದ್ ಅಪಗಪಗ ಪ್ರಾಣಾಯಾಮ ಮಲ್ತ್ದ್ ಕಾಂಡೆ - ಬಯ್ಯ ಧ್ಯಾನ ಮಲ್ಪುನ ಅಬ್ಬೆಸೊ ಮಲ್ಗೊಂಡ. ಸುಮಾರು 1930 ಮುಟ್ಟ ಆರ್ ತಿರ್ಗ್ನನೇ ಎಚ್ಚ. ಈ ತಿರ್ಗಾಟೊಡು ಸಂಪಲ್ಲಿ ಗೇನೊಡೇ ಆರ್ ಬೊಕ್ಕ ದಿಂಜ ಪ್ರವಾಸ ಕಥನ, ಬರೆಯರೆಗಾಂಡ್. ಪೋಯಿನ ಕೋಡಿದ ಜನಜೀವನ, ಜನೊಕುಲೆನ ಕಷ್ಟ-ಸುಖನು ತೆರಿಯೊನ್ನೆಡಾವರೊನೇ ಆರೆಗ್ ಉಡಲ್ ತಟ್ಟುನ ಕಾದಂಬರಿಲೆನ್ ಬರೆಯರೆಗಾಂಡ್. ಕಾರಂತೆರ್ ತನ್ನ ಜೀವಮಾನೊಡು ಭಾರತೊ ದುಲಯಿದ ಊರುಲೆನ್ ಮಾತ್ರ ಅತ್ ಏತೋ ಪಿದಯಿ ದೇಶೂಲೆಗ್ಲಾ ಪೋದು ಬದರ್. ಯುರೋಪು ಖಂಡೊದ ಮಾತ ದೇಶೂಲು, ಉತ್ತರ ಅಮೇರಿಕಾ, ದಕ್ಷಿಣ ಅಮೇರಿಕಾದ ದೇಶೋಲು, ರಶ್ಯಾ, ನೇಪಾಳ, ಶ್ರೀಲಂಕಾ, ಇರಾನ್, ಅಫಘಾನಿಸ್ಥಾನ, ಹಾಂಕಾಂಗ್, ಜಪಾನ್ - ಉಂದು ಪೂರ ಆರ್ ತೂದು ಬತ್ತಿನ ದೇಶೋಲು. ಪ್ರವಾಸೊದ ಬಗ್ಗೆ ಕಾರಂತೆರೆನ ಅಭಿಪ್ರಾಯ ಇಂಚ ತೂಯಿನಾತ್ ಕಣ್ ಶುದ್ದಿ ಡಾ. ಕೋಟ ಶಿವರಾಮ ಕಾರಂತೆರ್ / 17
