ಒರೊರ ಕಾರಂತೆಲ್ಲಾ ಕುಲ್ಲುದು ಕೆಬಿ ಕೊರ್ದು ಕೇನದರೆ, ಲೀಲಮ್ಮನ ತಂಗಡಿ ಅಹಲ್ಯಾ (ಗೀತಾ ಕುಲಕರ್ಣಿ) ಈ ಪಾಡ್ಡನೊ ಕೇಂಡ್ ಮಧ್ಯೆ ಆಯಿ ಬೊಕ್ಕ 'ತುಳು ಪಾಡ್ಡನದ ಕತೆಗಳು' ಪತ್ನಿ ಬೂಕು ಬರೆಯೆರ್. ಅಜ್ಜಿಗ್ ಜೋಕುಲಿಜ್ಜಾಂಡ್, ಲೀಲಮ್ಮ ಆಳೆಗೊಂಜಿ ಬಾಲೆನ್ ಕುಡಲದ ಅನಾಥಾಶ್ರಮೊಡು ಕನತ್ತ್ದ್ ಸಾಂಕ್ಯರೆ ಕೊರ್ದಿತ್ತೆರ್. ಕುದ್ದಾಡಿದಾರೆನ ಅಪ್ಪೆ ಜಾಕಮ್ಮ ಒರ ಕಾರಂತೆರೆ ಶೀತೊಗೊಂಜಿ ಮರ್ದ್ ಪಂಡೆರ್. ಅಯಿಡ್ಸ್ ಬೊಕ್ಕ ಕಾರಂತೆರ್ ಆರೆನ್ ಪಂಡಿತೆಂದೇ ಲೆತ್ತೊಂದಿತ್ತೆರ್. ಲೀಲಮ್ಮಗ್ ಆರಡ ಬಾರಿ ಎಡ್ಡೆ ಇತ್ತ್ಂಡ್. ಇಂಚ ಕಾರಂತೆರೆನ ಬಾಲವನೊಟು ಪೊಂಜೊವು ಜೋಕುಲೆನ ಸಬೆಟ್ ತುಳು ಬಾಸೆನೆ ಗಮೆಲೊಂದಿತ್ತ್ಂಡ್. ಅಕುಲೆ ನಡುಟು ಕಾರಂತೆರ್ ಒರಿ ತುಳುವನೇ ಆದಿತ್ತೆರ್. ನರಮಾನಿ ಲೋಕೋನು ಬಾಸೆದ ಬಗ್ಗೆ ಕಾರಂತೆರೆನ ಅಭಿಪ್ರಾಯ ಇಂಚ ತೆರಿಯೊನುನ ಆಯಾಯನ ಬಾಸೆದ ಮೂಲಕೊ, 'ಬಾಸೆ' ಪನ್ನುನ ನಮ್ಮ ಮನಸ್ ಪ್ರತೀಕವಾದ್ ಪ್ರಾಕ್ಡ್ಲಿಂಚಿ ಬುಳೆದ್ ಬೈದಿನವು ನಮ್ಮ ಮಾನಸಿಕ ಜೀವನದ ಕಸುಬು ಜೀವನದ ಕುಂದು ಕೊರತೆಲು, ಸತ್ಯ ಸೋಬೆಲು ಮಾತ್ರ ಪಾತೆರದ ಮೂಲಕನೇ ಪಿದಯಿ ನೆಗಪುಂಡು. ಸುತ್ತುದ ಜೀವನೊದ ಮಿತ್ತೆ ತನ್ನ ವರ್ಚಸ್ಸನ್ ತೋಜಾದ್ ಅಯಿತ ಪೆರ್ಮ, ಕೀಳ್ಮೆಲೆಗ್ ಕಾರಣ ಆಯೆರೆಗ್ ಸಾಧ್ಯತೆ ಉಂಡು. ಜನಜೀವನೊಗ್ತಾ ಬಾಸೆಗ್ಲಾ ಕೈತಲ್ಲ ಸಮ್ಮಂದ ಊರು ಮತ್ತೆ ಆವೊಡು, ಊರ ಬಾಸೆ ಮೆರೆವೊಡು ಪನ್ನಿ ಸದ್ಭಾವನೆ ಪ್ರತಿಯೊರಿ ನರಮಾನ್ಯಡಲಾ ಉಪೊಡು. ಪುಟ್ಟು - ಬಾ ಇತ್ತೆದ ಉಡುಪಿ (ಒಡಿಪು) ಜಿಲ್ಲೆದ ಕಡಲ ಬರಿತ ಒಂಜಿ ಊರು ಕೋಟ, ಕಡಲ ಬರಿತ ಊರೇಪಲಾ ತೆರೆಕುಲೆನ ಪೆಟ್ಸ್ ತಿಂದ್ದ್ ಅಂಕು ಡೊಂಕಾದಿಪ್ಪುಂಡು, ಸುದೆಕುಲು ಕಡಲ್ ಸೇರುವ ಅರ್ವೆದ ಬಾಕಿಲ್ಲಾ ಅಂಕುಡೊಂಕು. ಇಂಚ ಓರೆ - ಕೋರೆ ಆದುಪ್ಪಿ ಊರುದ ಮೂಲೆನ್ ತುಳುವರ್ ಕೋಡಿ, ಕೋಂಟು ಪಂಡ್ದ್ ಪನ್ಸರ್, ಕೋಂಟು ಪೋದು ಕಡೇಕ್ ಕೋಟ ಆತ್ಂಡ್. ಕೋಟ ಉಡುಪಿ - ಕುಂದಾಪುರೂತ ನಡುಟುಪ್ಪಿ ಒಂಜಿ ಎಲ್ಯ ಹಳ್ಳಿ. ಅಲ್ಪ ಬ್ರಾಣೆರೆನ ಇಲೇ ಎಚ್ಚ, ಅಕುಲೆನ್ ಕೋಟ ಬ್ರಾಹ್ಮಣರ್ಂದೇ ಪನ್ನುನೆ. ಇಂಚಿನ ಸ್ಮಾರ್ತ ಬ್ರಾಹ್ಮಣೆರನ ಒಂಜಿ ತರವಾಡ್ಡ್ ಶಿವರಾಮ ಕಾರೆಂತೆರ್ 1902ನೇ ಅಕ್ಟೋಬರ್ 10ನಾನಿ ಪುಟೈರ್. ಆರೆನ ಅಮ್ಮೆರ್ ಶೇಷ ಕಾರಂತೆರ್. ಅಪ್ಪೆ ಲಕ್ಷ್ಮಿಯಮ್ಮ, ಅಕುಲೆಗ್ ಪದ್ರಾಡ್ ಜೋಕುಲು, ಅಯಿಟ್ ಒರಿ ಎಲೈಡೇ ತೀರಿತ್ತೆರ್ ಶಿವರಾಮ ಕಾರಂತೆರೆಗ್ ನಾಲ್ ಜನ ಡಾ. ಕೋಟ ಶಿವರಾಮ ಕಾರಂತೆರ್ 9
