J ಆಯೆರ್. ರಿಜಿಸ್ಟ್ರಿ ಮಧ್ಯೆ, ಕೆಲವೇ ಜನೋ ಮಾತೊ ಮಗ್ ಬತ್ತ್ದಿತ್ತೆರ್. ಬತ್ತಿನಕುಲೆಗ್ ಪೂರ ಕಾರಂತರೇ ಒಂಜೊಂಜಿ ಪೌಂಟನ್ ಪೆನ್ ಕೊರೆ. ಆ ಕಾಲೊಡು ಒಂಜಿ ಬ್ರಾಣೆ ಒಂಜಿ ಬಂಟೆದಿ ಪೊಣ್ಣನ್ ಮಧ್ಯೆ ಆಪುನೆ ಪಂಡ ಬಾರಿ ಮಲ್ಲ ಸಂಗತಿ. ಒಂಜಿ ಕ್ರಾಂತಿ, ಜಾತೀಯತೆದ ಇಸೊಗಾಳಿ ರುಮು ರುಮೂಂದು ಬೀಜೊಂದಿತ್ತಿ ಕಾಲೊ. ಕಾರಂತೆರೆ ಜಾತಿ ಕಳವುನಕುಲು, ಡೋಂಗಿ ಮಲ್ಪುನಕುಲು ಯೇತೋ ಜನ ದುಂಬೊತ್ತುದು ಬತ್ತೆರ್, ಇಂಚ ಬತ್ತಿನ ಒರನ ಮಿತ್ ಕಾರಂತೆರ್ ಕೋರ್ಟುಡು ಕೇಸ್ ಪಾಡ್ ದಂಡಲಾ ಕಟ್ಟಯೆ, ಡೋಂಗಿ ಜನೊಕುಲೆನ ಬಾಯಿ ಮುಚ್ಚಯೆರ್. ಕಾರಂತೆರ್ ತುಳುವದಿ ಪೊಣ್ಣನ್ ಮಧ್ಯೆ ಆದ್ ತುಳು ಬಾಸೆದೊಟ್ಟಿಗೆ ಒಡಂಬಡಿಕೆ ಮಲ್ಲೊಂಡೆ, ಒಡಂಬಡಿಕೆ ಪಂಡ ಇಂಚ - ಬಾಲವನೊಟುಪ್ಪುನಗ ಕಾರಂತೆರ್ ಪೇಂಟೆಗ್ ಪಿದಾಡ್ಡಿ ಪೊರ್ತುಗು ಲೀಲಮ್ಮನ್ 'ಓಲ್ಲಾ' (ಎಲ್ಲಿರುವೆ?) ಪಂಡ್ದ್ ಲೆಪ್ಪದೆರ್ಗೆ, ಮದ್ಯಾನ ಉನಸ್ದ ಪೊರ್ತುಗು ಮಾಳಿಗೆಡ್ ಕುಲ್ಲೊಂದಿತ್ತಿ ಕಾರಂತೆರೆನ್ ತಿರ್ತ್ಲ್ಡ್ ಲೀಲಮ್ಮ ಹೋಮ್ ಕಾರಂತೈ ಪಂಡ್ದ್ ಕೋಟ ಕನ್ನಡೊಡು 66 - ಮಧ್ಯೆ ಆಯಿ ಬೊಕ್ಕ ಕಂಡ್ಯನೊಟ್ಟಿಗೆ ಲೀಲಮ್ಮ ಪುತ್ತೂರ ಬಾಲವನೊಕು ಬತ್ತೆರ್. ಬಡವೆ - ಸಿರಿವಂತೆ ಪತ್ನಿ ಭೇದೊದಾಂತೆ ಆರ್ ಮಾತೆರೆಗ್ಲಾ ಬೋಡಿತ್ತಿನಾರಾಯೆರ್. ಬಡವೆರೆಗ್ ಆರ್ ಅಪ್ಪೆ ಸಮಾನೂ. ಆರೆನ್ ತುಳು ಪೊಂಜೆನಕುಲು ಪೂರಾ ಬಾಲೊನತಮ್ಮ ಪಂಡ್ದೇ ಲೆಪ್ಪೆದೆರ್. ಆಡೆ ಬರ್ಪೆದ ಓದು ಬರವು ತೆರಿಯಂದಿ ಪೊಂಜೆನಕುಲು ಆರಡ ತುಳುಟ್ ಪಾತೆರೆದೆರ್. ಬಯ್ಯದ ಪೊರ್ತುಗು ಲೀಲಮ್ಮ ತನ್ನ ಜೋಕುಲೆನ್ ಬೊಕ್ಕ ತಂಗಡಿಯಡಿಕುಲೆನ್ ಕೂಡೊಂದು ಜಗಲಿದ ಚಿಟ್ಟೆಡ್ ಕುಲ್ಲೊಂದು ಬತ್ತಿನ ಪೊಂಜೊವಡ ಸುಕೊದುಕ್ಕೊ ಪಾತೆರೆದ, ಬತ್ತಿನಕುಲು ಅಕುಲೆ ಬಂಜ - ಬಗಲೆ ಪಂಡೊನೆದರ್, ಲೀಲಮ್ಮ ಅಕುಲೆನ್ ಪೂರಾ ಸಾಂತ್ವನ ಮಲ್ಪೆದೆರ್. ಯೇಪಲ ಬರ್ಪುನಕುಲೆಡ್ ಒರ್ತಿ ಮುಸ್ಲಿಂ ಪೊಂಜೊವು. ಆಳ್ ಬಾರಿ ಬಡತನೊಟು ಇತ್ತಿನಾಲ್. ಅಯಿತ ಮಿತ್ತ್ ಆಳೆನ ಮಗಕ್ ಮರ್ಲ್, ಆಳೆನ್ ಲೀಲಮ್ಮ ಬ್ಯಾರ್ತಿಂದೇ ಲೆಪ್ಪದರ್. ಬ್ಯಾರ್ತಿ ಪಂಡ ಲೀಲಮ್ಮಗಾಂಡ್. ಪೇರೊ - ನೀರೊ ಇತ್ತಿಲೆಕ, ಬೊಕ್ಕೊರ್ತಿ ಕ್ರಿಶ್ಚನ್ ಪೊಂಜೊವು, ಆಳೆನ್ ಕಾರಂತೆರ್ ಗೋಳಿಕಟ್ಟೆ ಬಾಯಮ್ಮಾಂದ್ ಲೆಪ್ಪದ, ಇಲ್ಲದ ಚಾಕಿರಿಗ್ ಬತ್ತೊಂದಿತ್ತಿನಾಲ್ ಕಾರ್ಮಿನ್ಬಾಯಿ, ಅಪಗ ಪರ್ಲಡ್ಕಡೊಂಜಿ ಅಜ್ಜಿನ ಹೋಟೆಲ್ ಇತ್ತ್ಂಡ್. ಆ ಅಜ್ಜಿ ಕಾರಂತೆರೆನಾಡೆ ಬೊರೆರೆ ಬತ್ತೊಂದಿತ್ತಲ್. ಆಳೆಗ್ ತುಳುತ ಅಜ್ಜಿಕತೆ ದಿಂಜ ಬರ್ಪೆದ್ಂಡ್, ಪಾರ್ದನೊ ಪನ್ನೆದಲ್, ಬಯ್ಯದ ಪೊರ್ತು ಲೀಲಮ್ಮ ಜೋಕುಲೆ ಒಟ್ಟುಗೆ ಆಳೆನ ಸುತ್ತ ಕುಲ್ಲುದು ಕತೆ, ಪಾರ್ದನ ಕೇಂಡೊಂದಿತ್ತೆರ್. J ಡಾ. ಕೋಟ ಶಿವರಾಮ ಕಾರಂತೆರ್ / 8
