ಬಿರಳ್ ಗಣಿಪೊಲಿತ್ತ್ಂಡ್, ಅಂಚಾದ್ ಕಾರಂತೆರೆಗ್ ತುಳು ತೆರಿಯಂದ ಉಪ್ಪರೆ ಸಾಧ್ಯನೇ ಇಜ್ಜಿ. ಆಂಡ ಆರ್ ತುಳು ಬಾಸೆಡ್ ಪಾತೆರೊಂದಿತ್ತಿನ ಕಮ್ಮಿ. ಪುತ್ತೂರುಡು ಪುನಗ ಕನ್ನಡ ಬರಂದಿನ ಚಾಕಿರಿದಕುಲು ಬಾಲವನೊಟ್ಟಿತ್ತೆರ್. ಅಕುಲು ಪನ್ಸಿ ಪಿರ್ಕಾರೊ ಆ ತುಳುಟು ಪಾತೆರೊಂದಿಾಂಡ್. ಆಂಡ ಅಕುಲೆಗ್ ಅರ್ಥ ಆಯೆರೆ ಬೋಡಾದ್ ಕೆಲವು ಸಬ್ಯೂಲೆನ್ ಪವೊದರ್, ಬಚ್ಚಿರೆನ್ ವೀಳ್ಯದೆಲೆ ಪನ್ನಿ ಬದಲ್ ಬಚ್ಚಿರೆಂದೇ ಪನ್ನೆದರ್, ಜಗಲಿದ ಬರಿಟಿತ್ತಿ ಚಿಟೈನ್ (ತಿಟೈ) ಅಂಚನೇ ಪನ್ನೆದೆರ್. ಕಾರಂತೆರೆಗ್ ತುಳು ಬಾಸೆ, ಸಂಸ್ಕೃತಿದ ಬಗ್ಗೆ ಪ್ರೀತಿ ಉಂಡಾಯರೆಗ್ ಆರ್ ತುಳುವೆದಿ ಪೊಣ್ಣನ್ ಮದಿಮೆ ಆಯಿನಲಾ ಒಂಜಿ ಕಾರಣೆ, ಕಾರಂತೆರೆ ಬುಡೆದಿ ಲೀಲಮ್ಮ ಬಂಟ ಸಮಾಜೊಡ್ಡು ಬತ್ತಿನಾರ್, ಆರೆನ ಅಮ್ಮೆರ್ ಕಾಮು ಡಿ, ಆಳ್ವ ಮೂಲತ ತುಳುವೆ. ಆಂಡಲಾ ಬೊಂಬಾಯಿಗ್ ಪೋದು ಬೇರೊದ ಕಸುಬುಡು ಅಲ್ಪನೇ ಪ್ರಾಥಮಿಕ ಸಾಲೆಡ್ ಮರಾಠಿ ಓದಿಯೆರ್. ಆಂಡ ಆರ್ ಇಲ್ಲಲ್ ತುಳುವೇ ಪಾತೆರೊಂದಿತ್ತೆರ್. ಆಳ್ವರೆಗ್ ಐನ್ ಜನೋ ಪೊಣ್ಣು ಜೋಕುಲು, ಅಯಿಟ್, ಲೀಲಾ (1920 - 1986) ರಡ್ಡನೆದಾರ್, ಆರೆನ ಬುಡೆದಿ ತೀರ, ಕುಡ ಒಂಜಿ ಮಧ್ಯೆ ಆಯೆ. ಬೇರೊಡು ಬಾರಿ ಸೋಲಾಂಡ್, ಬೊಂಬಾಯಿ ಬುಡು ಕುಡಲಗ್ ಬತ್ತೆರ್, ಕುಡಲಡ್ ಲೀಲಮ್ಮನ್ ಬೆಸೆಂಟ್ ಬಾಲಿಕಾ ಪಾಠಶಾಲೆಗ್ ಸೇರಯೆರ್. ಅಲ್ಪ ಲೀಲಮ್ಮ ಕನ್ನಡ, ಇಂಗ್ಲಿಷ್ ಕಲೆರ್. ಆರ್ ಹೈಸ್ಕೂಲುಡು ಇಂಗ್ಲಿಷ್ ಕಾದಂಬರಿಲೆನ್ ಓದುದು ಅರ್ಥ್ ಮಲ್ಲೊನ್ನಾತ್, ಬೇತೆ ದೇಶದಕುಲೆಡ ಪೊರ್ಲುಡು ಪಾತೆರುನಾತ್ ಕರ್, ಸುರು ಕಲ್ಲಿನ ಮರಾಠಿನಾ ಮದತ್ಜೆರ್, ಮಧ್ಯೆ ಆಯಿ ಬೊಕ್ಕ ಹರಿನಾರಾಯಣ ಆಪ್ಟೆನ 'ಪಣೆ ಲಕ್ಷಾಂತು ಕೋಣ್ ಘತೋ ಪತ್ರಿ ಮರಾಠಿ ಪುಸ್ತಕೊನು ಯಾರು ಲಕ್ಷಿಸುವವರು ಪನ್ನಿ ಪುದರ್ಡ್ ಕನ್ನಡೊಗು ತರ್ಜುಮೆ ಮಲ್ತ್ದ್ ಕಂಡಡೆ ಸಾಬಾಸ್ಗಿರಿ ಪಡೆತೆ. ಅಂಚನೆ ಬಾಲವನೊಟುಪ್ಪುನಗಲಾ ಬತ್ತ್ ಪೋಪಿನ ಇಷ್ಟೆರೆಡ, ಬಂಧುಲೆಡ, ಬೇಲೆದಕುಲೆಡ ಪೊರ್ಲುದ ಕುಡಲದ ತುಳುಟ್ ಪಾತೆರೊಂದಿತ್ತೆರ್. 66 ಲೀಲಾ ಒರ್ತಿ ಎಡ್ಡೆ ನೃತ್ಯ ಕಲಾವಿದೆ. ಆರ್ ಬೆಸೆಂಟ್ ಸಾಲೆಡ್ ಒರ್ಂಬೋ ಕ್ಲಾಸ್ಡ್ ಕಲ್ಲೊಂದುಪ್ಪುನಗ ಕಾರಂತೆರ್ ಆರೆಗ್ ನಾಟ್ಯ - ನಾಟಕ ಕಲ್ಪಯೆರೆ ಮಾಸ್ಟಾದ್ ಬತ್ತೆರ್. ಲೀಲಾ ಕಾರಂತೆರೆನ ವಿದ್ವತ್, ಕಲಾವಂತಿಗೆ, ವ್ಯಕ್ತಿತ್ತೊಗು ಮರ್ಲಾಯೆರ್. ಯಾನ್ ಕಾಂತೆರೆನೇ ಮದಿಮೆ ಆಪುನೆಂದ್ ಅಮೆರೆಡ ಪಂಡೆರ್. ಆಳ್ವರ್ ಪೊಸ ಮರ್ಜಿದಾರ್. ಆಂಡಲಾ ಸುರುಕೊಂತೆ ನರ್ಂಗ್ಯ, ಅಕೇರಿಗ್ ಒತ್ತೊಂಡೆರ್. ಕಾರಂತೆರೆಡನೆ ಪೋದು ಲೀಲಾ 'ಎನನ್ ಮಧ್ಯೆ ಆಪರಾಂದ್' ಕೇಂಡರ್, ತನ್ನ ಒಟ್ಟುಗೆ ನಿಕ್ ಜೀವನೋ ಮಲ್ಪರೆ ಬಂಜ ಆವುಂದು ಕಾರಂತೆರ್ ಪಂಡಲಾ ಕೇನಂದೆ ಲೀಲಾ ಕಾರಂತೆರೆನ್ ಮದಿಮೆ ಡಾ. ಕೋಟ ಶಿವರಾಮ ಕಾರಂತೆರ್ /7
