ಕುಸಾಲ್ಡಿತ್ತಿ ಎಂಕ್ ಇತ್ತೆ ಒಂತೆ ಪೋಡಿಗೆ ಆಂಡ್, ಯಾನ್ ಪುತ್ತೂರುದಾಯೆ. ಕರಾವಳಿ ಉತ್ಸವ ಇಡೀ ಜಿಲ್ಲೆಗ್ ಪೋಡಿದ್ ಪೋಡಿದ್ ಪಂಡೆ. ತೂಲೆ, ಈರೆನ ಪುತ್ತೂರು ಕರಾವಳಿ ಅತ್ತ್. ಸಹ್ಯಾದ್ರಿದ ಪಡ್ಡಯಿ ಮೆಯಿಕ್ ಅರಬಿ ಕಡಲ ಬರಿಮುಟ್ಟ ಕಾಸರಗೋಡುಡ್ಡು ಇಂಚಿ ಕುಂದಾಪುರ ಮುಟ್ಟ ತುಳುನಾಡ್, ಎನ್ನ ಕೋಟಡ್ ತುಳು ಬಾಸೆ ಇಜ್ಜಂಡಲಾ ತುಳು ಸಂಸ್ಕೃತಿ ಉಂಡು. ಅಂಚಾದ್ ಎಂಕ್ ದಕ್ಷಿಣ ಕನ್ನಡ ಜಿಲ್ಲೆನ್ ವಿಭಜನೆ ಮಲ್ಪುನ ಬಾರಿ ಬೇಜಾರೊದ ಸಂಗತಿಯಾದಿತ್ತ್ಂಡ್, ನನ್ನ ಪೇಪರ್ ಲಾ ಬರೆಯೆ, ಎನ್ನ ಈ ವಿರೋಧೋನು ತೂದು ಕೆಲವೆರ್ ಹಿಹ್ಮತ್ ಮರ್, ಎನನ್ ದುಂಬುದೀವೊಂದು ಎನಡ ಕೇನಂದನೇ ಕೋರ್ಟುಗು ಪೋಯೆರ್. ಅವು ಎಂಕ್ ಆಯಿಜಿ. ಕೂಡ್ಲೆ ಎನ್ನ ವಿರೋಧೋನು ಪಿರ ದತೊಂಡೆ ಪಂಡೆರ್. ત્ર ಆತ್ ಪಾತೆರೊ ಕೇಂಡ್ದಾಪುನೆನೆ ಎಂಕೊಂತೆ ಧೈರ್ಯ ಬತ್ತ್ಂಡ್. ತುಳುನಾಡ್, ತುಳು ಬಾಸೆದ ಮಿತ್ತೆ ಆರೆಗಿತ್ತಿ ಅಭಿಮಾನೂ ತೆರಿಂಡ್. ಮೆಲ್ಲಡೆ ಈರ್ ತುಳು... ಯಾನ್ ತುಳುಲಾ ಪಾತೆರುಜಿ, ಕೋಟದ ಕನ್ನಡಲಾ ಪಾತೆರುಜಿ, ಯಾನ್ ಪಾತೆರುನೆ ಶುದ್ಧ ಕನ್ನಡ, ಅತ್ತಂಡ ಇಂಗ್ಲಿಷ್'. ಅಡೆಗೇ ಉಂತಯೆ, ಲೇಖನೊ ಒಂಜಿ ಬರೆದ್ ಕೊರೊಡುಂದು ಕೇಂಡೊಂಡೆ. “ನಿಕುಲೆನ ನೆಂಪು ಸಂಚಿಗ್ ಕರಾವಳಿಂದ್ ಪುದರ್ ದೀವೊಡ್ಡಿ. 'ಸಹ್ಯಾದ್ರಿ ಸಂಪದ'ಂದ್ ದೀಲೆ ಪಂಡ್ದ್ ಉಂತಯರ್, ಯಾನ್ ಬತ್ತ ಅಂಚನೆ ಸಮಿತಿದಕುಲೆಡ ಪಂಡೆ. ಆಂಡ ಅಧಿಕಾರಿನಕುಲೆಗ್ ಸರಕಾರೊದ ಆದೇಶೂನೇ ಮಲ್ಲ ಅತ್ತೇ? ಡಾ. ಶಿವರಾಮ ಕಾರಂತೆರ್ ನೆಂಪು ಸಂಚಿಗಾದ್ ಬರೆದ್ ಕೊರಿನ ಲೇಖನೊದ ತರ್ಜುಮೆನ್ ಮೂಲು ಕೊರೊಂದುಲ್ಲೆ. 'ದಕ್ಷಿಣ ಕನ್ನಡ ಜಿಲ್ಲೆನ್ ಕುಡ ಒಂಜಿ ಪುದರ್ ಲೆಪ್ಪುಂಡೂಂದಾಂಡ, ಅವು ಸಹ್ಯಾದ್ರಿ ಪರ್ವತ ಮಾಲೆ ಮುಲ್ಪದ ಜೀವಿಲೆಗ್ ಕೊರಿನ ನಿಸರ್ಗ ಸಂಪತ್ತೆಂದ್ ಪನೊಲಿ. ಹಿಂದೂ ಸಾಗರೊದ ಒಂಜಿ ಬರಿತ ಅರಬೀ ಕಡಲ್ಲ ನೂದು ಮೈಲ್ ಉದ್ಯೋಗ್ಲಾ ಪರೊಂದುಪ್ಪಿ ನೀಲ ಮೃತ ಕಡಲ ಸೆರಂಗ್, ಅ ಐನಾಜಿ ಸಾರೊ ಮೈಲ್ ದೂರ ಪಡ್ಡಯಿಗ್ ವಾ ಅಡೆತಡೆಲಾ ದಾಂತೆ ಕಡಲ ಪಯಣ ಮಲ್ಲೊಲಿ, ಇಂಚ ಪಯಣ ಮಲ್ಡ್ದೇ ಈಡೆಗ್ ಕ್ರಿಸ್ತಶಕ ಸುರು ಆಪಿ ಪೊರ್ತುಗು ರೋಮ್ ದೇಶದಕುಲೆನ ಕಪ್ಪಲುಲು ಬತ್ತೋ. ಆಫ್ರಿಕದ ನರಮಾನ್ಯ ಜನ್ಮದ ತೊಟ್ಟಿಲ್ಂದ್ ಪುದರ್ ಪಡೆಯಿನ ಎಬಿಸೀನಿಯಾ, ಸೂಡಾನ್ ಪ್ರಾಂತೊಲೆಡ್ ಅನಾದಿ ಕಾಲೊದ ನರಮಾನ್ಯ ನಡತ್ಬರ್ಪಿ ಸಾದಿಡ್ ಏಷ್ಯಾ ಖಂಡೊದ ತೆನ್ನಾಯಿ ಪುಡೆಕ್ಕಾದ್ ಈ ಜಿಲ್ಲೆಗ್ ಕ್ರಿಸ್ತಶಕ ಸುರು ಆಪಿನೆಗ್ ದುಂಬೇ ಬತ್ತದರ್, ಕ್ರಿಸ್ತ ಶಕೊತ ಸುರುತ ಶತಮಾನೊಡು ಬರೆಯಿನ ಒಂಜಿ ಗ್ರೀಕ್ ಕಿನ್ಯ ಡಾ. ಕೋಟ ಶಿವರಾಮ ಕಾರಂತೆರ್ /3
