ಗೋವಿಂದ ಪೈಕ್ಲೆನ ನಡತ್ ಬತ್ತಿಸಾದಿ ದಾದ? ಅರೆನ ಬದ್‌ಕ್ ಬರವು ದಾದ? ಅವೆನ್ ಅಜತ್ತ್‌ದ್ ಬರೆಪಿನಾಂಡ ಯೇರ್ಂದ್ ಕೇನ್ನಗ ಸುರುಟ್ಟು ಕೇಂದ್ ಬತ್ತಿನ ಪುದರ್ ಡಾ. ಕಿಶೋರ್ ಕುಮಾರ್ ರೈ ಶೇಣಿ. ಜಾನಪದ ಸಾಹಿತ್ಯೊನು ಅಧ್ಯಯನ ಮಲ್ತದ್, ತುಳು ಜನಪದ ನಲಿಕೆಲೆನ್ ವಿಶೇಷವಾದ್ ಪೊಸ ಮರ್ಗಿಲ್ಡ್‌ ತೂವರೆ ಸಾಮರ್ಥ್ಯ ಇತ್ತಿನಾರ್ ಡಾ. ರೈಕುಲು. ಡಾ. ಕೆ. ಚಿನ್ನಪ್ಪ ಗೌಡ್ರೆನ ನಿರ್ದೇಶನೊಡು 'ಉಳ್ಳಾಲ್ತಿ ಆರಾಧನೆ' ಪನ್ಪಿ ವಿಷಯೊಡು ಡಾಕ್ಟರೇಟ್ ಮಲ್ದಿನಾರ್, ಕುಡ್ಲದ ಸಂತ ಅಲೋಶಿಯಸ್ ಕಾಲೇಜಿಡ್ ಉಪನ್ಯಾಸಕೆರಾದ್ ಸೇವೆ ಮಲ್ಪುನಾ‌ರ್. ಯೇತೋ ಬೂಕುಲೆನ್ ಬರೆತಿನ ಅನುಭವ ಇತ್ತಿನಾರ್, ತುಳುಕ್ಕಾತ್ರ ಬದುಕುನಾರ್, ಗೋವಿಂದ ಪೈಕ್ಲೆನ ಬೂಕು ಬರೆಯರೆ ಒತೊಂಡೆರ್, ಅಯ್ಕಾತ್ರ, ಮಾತ ತುಳುವೆರೆನ ಪರವಾದ್, ಅಕಾಡೆಮಿದ ಗುರ್ಕಾರನ ನೆಲೆಟ್ಸ್ ಡಾ. ಕಿಶೋರ್ ಕುಮಾರ್ ರೈ ಶೇಣಿ ಮೆರೆಗ್ ಸೊಲ್ಮೆ ಸಂದಾವೆ.
'ಮದಪ್ಪೆರಾವಂದಿ ತುಳುವೆರ್' ಸಾಹಿತ್ಯ ಮಾಲೆ ಬೊಲ್ಪುಗು ಬರ್ರೆ ಪೊಣೆತಿನಕುಲು ದಿಂಜ ಜನ. ಉಂದೆತ ಜಬದಾರಿಗೆದ ಮಣೆಟ್ಸ್ ಕುಲ್ದು ಆಚ್ಚಿಮಲ್ಪರೆ ಅನುಕೊರಿನ ಅಕಾಡೆಮಿದ ರಿಜಿಸ್ಟ್ರಾರ್ ಬಿ. ಚಂದ್ರಹಾಸ ರೈ, ಅಂಚೆನೇ ನಮ್ಮ ಸದಸ್ಯೆರೆಗ್‌ಲಾ ಸೊಲ್ಮೆದ ನುಡಿಕ್ಕುಲು. ಪೊರ್ಲುಡು ಅಚ್ಚಿಮಲ್ತ್ ಕೊರಿನ ಆಕೃತಿ ಪ್ರಿಂಟ್ಸ್‌ದ ಕಲ್ಲೂರು ನಾಗೇಶೆರೆಗ್ ಬೊಕ್ಕ ಕೂಟದಕ್ಲೆಗ್‌ಲಾ ಸೊಲ್ಮೆಸಂದಾವೆ.
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ
vili
