ಪೈಕುಲೆನ್ ಓದ್ಯೆರೆ ದುಂಬು...
ರಾಷ್ಟ್ರಕವಿ ಮಂಜೇಶ್ವರ ಗೋವಿಂದ ಪೈಕುಲೆನ ಬಗೆಟ್ಸ್ ಒಂಜಿ ಬೂಕು ಬರೆವೊಡು ಪಂಡ್ದ್ ಒತ್ತಾಯ ಮಲ್ಲಿನಾರ್ಕ ರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರಿಕಾರ್ ಆಯಿನ ಡಾ. ಪಾಲ್ತಾಡಿ ರಾಮಕೃಷ್ಣ ಆಚಾರ್ ಮೇರ್.ಗೋವಿಂದ ಪೈಕುಲೆನ ಬಗೆಟ್ಟ್ ಬರೆವೊಡು ಪನ್ನಗ ಒಂಜಿ ನೆಲೆಟ್ಟಿ
ಸಂತೋಸ್ ಆಂಡಲಾ ರಾಷ್ಟ್ರಕವಿ ಆಯಿನ ಇರ್ವತ್ತರಡ್ಡ್ ಬಾಸೆಲೆನ್ ಓದೆರೆ ಅಂಚನೆ ಬರೆಯೆರೆ ಕಲ್ತ್ದದ್ ಇತ್ತಿನ ಪೈಕುಲೆನ್ ಅಜಿಪ್ಪ ಪುಟೊಟ್ಟು ಎಂಚ ಬರೆಪುನೆ ಪನ್ಪಿ ಯೋಚನೆ ಎನ್ನ ಉದಲ್ದುಲಾಯಿ ಕೊರೆಯರೆ ಸುರುವಾದಿತ್ತ್ಂಡ್. ಆಂಡಲಾ ಧೈರ್ಯಡೆ ಈ ಕೆಲಸನ್ ಒತ್ತೊಂಡೆ.
ಪೈಕುಲು ತುಳುಬಾಸೆದ ಬಗೆ ತುಳುನಾಡ್ದ ಬಗೆಟ್ಟ್ ಮಲ್ತಿ ಸಂಶೋಧನೆ, ತಿರ್ ಗಿನ್ ಜಾಗ್, ಅಧ್ಯಯನ ಮಲ್ತಿ ವಿಸಯೊದ ಬಗೆಟ್ಬ ಬರೆ೦ಡನೆ ಅವು ಕೆಲವು ನೂದು ಪುಟಕ್ಕಲ್ ಅವುಂಡು. ಅಂಚಿನ ಪೈಕುಲೆನ ತುಳುಬಾಸೆದ, ಸಂಸ್ಕೃತಿದ ಬರವುದ ಕೆಲವು ಭಾಗೊನಂಡಲಾ ಮದಪ್ಪೆರಾವಂದಿ ತುಳುವೆರ್ ಪತ್ನಿ ಬೂಕುಡು ಬರೆಯೆರೆ ಸಾಧ್ಯ ಅಂಡ್ ಪನ್ಸಿ ಸಂತೋಸ್ ಎ೦ಕ್ ಉಂಡು.
ರಾಷ್ಟ್ರಕವಿ ಮಂಜೇಶ್ವರ ಗೋವಿಂದ ಪೈಕುಲೆನ ಬಗೆಟ್ಟ್ ಬೂಕು ದುಂಬೇ ಬರೊಡಂಡ್ ದಾಯೆಪಂಡ ಇತ್ತೆ ಮಂಜೇಶ್ವರ ಕೇರಳ ರಾಜ್ಯೋಗ್ ಸೇರ್ದಿತ್ತ್೦ದಲಾ ಒಂಜಿ ಕಾಲೊಡು ಅವು ತುಳುನಾಡ್ ಒಂಜಿ ಭಾಗ. ಗೋವಿಂದ ಪೈಕುಲೆನ ಅಪ್ಪೆ ಭಾಷೆ ಕೊಂಕಣಿ ಆಂಡಲಾ ಆರ್ ನಾಡ್ದ ಭಾಷೆ ತುಳುತ್ತ ಬಗೆಟ್ಟ್ ವಿಶೇಷ ಮೋಕೆ ಅಭಿಮಾನ ದೀವೊನ್ನಾರ್. ಎನ್ನಪ್ಪೆ ಕೊಂಕಣಿತಿ ಅಂಡಲಾ, ಈ ಮಣ್ಣೆದಪ್ಪ ತುಳುವೆದಿ ಎನ್ನ ಸಾಂಕಣದಪ್ಪ ಕನ್ನಡತಿ ಪಂಡ್ದ್ ಆರ್ ಬರೆತೆರ್. ತೌಳವ ಮಾತೆಂದ್ ಒಂಜಿ ತುಳುವಪ್ಪೆನ ಸುಗಿಪುದ ಗೀತನ್ ಕನ್ನಡೊದು ಬರೆತ್ತೆರ್. ಅಂಚಾದ್ ಗೋವಿಂದ ಪೈಕುಲು ಸುದ್ದ
ತುಳುವೆ. ಅಂಚಾದ್ ಅರೆನ್ ತುಳುವೆರಾಯಿನ ನಮ ಏಪೊಗ್ಲಾ ಮರಪೆರೆಬಲ್ಲಿ ತುಳುಬಾಸೆದ ಮಿತ್ತ್ ತುಳು ಸಂಸ್ಕೃತಿದ ಮಿತ್ತೆ ಪೈಕುಲು ಬೆಂದಿನ,ತುಳುಟ್ಟ್ ಮಲ್ಲ ಬೂಕಾದ್ ಬರಡ್ ತುಳುತಕ್ಲೆಗ್ ಅರೆನ ಬೆನ್ನಿದ ಪ್ರಯೋಜನ
ತಿಕ್ಕಡ್ ಪಂಡ್ದ್ ಈ ಪೊರ್ತುಡು ಕೆಂಡೊನುವೆ.
ಈ ಬೂಕುನು ಬರೆಯೆರೆ ಅನುವು ಮಲ್ ಕೊರಿನ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆರೆಗ್, ರಿಜಿಸ್ಟಾರ್ ಬೊಕ್ಕ ಸರ್ವ ಸದಸ್ಯೆರ್ನಕ್ಷೆಗ್ ಮಾತೆರೆಗ್ಲಾ ಸೊಲೆ ಸಂದಾವೊಂದು, ಬೂಕುನು ಓದಿ ಬೊಕ್ಕ ಒಂಜಿ ಸಾಲ್ ಎಂಕ್ ಬರೆಲೆ, ದುಂಬುಗು ಅನುಕೂಲ ಆಪುಂಡು.
02.10.2011ಡಾ. ಕಿಶೋರ್ ಕುಮಾರ್ ರೈ, ಶೇಣಿ
Vi
