ತೊಂದರೆ ಬರಂದಿಲೆಕ ಆರ್ ತೂವೊಂದೆರ್. ಆರ್ ಬರೆಯಿನ 'ಗೊಲ್ಗೊಥಾ' (1931) ಬೊಕ್ಕ 'ವೈಶಾಖಿ' (1946) ರಡ್ಡ್ ಖಂಡ ಕಾವ್ಯೊಲೆಡ್ ಉಂದು ತೆರಿದ್ ಬರ್ಪುಂಡು.
ಗೋವಿಂದ ಪೈಕುಲು ಕವಿ ಸ್ವತಂತ್ರವಾದುಪ್ಪೊಡುಂದು ಪನ್ಪಿನಾರ್. ಆರ್ ಜಾತಿ ಧರ್ಮೋ ಬಾಸೆದ ಬಂಧನೊನು ಕಳೆದುಂತಿನಾರ್. ಸಾಹಿತ್ಯ ನಿರ್ಮಾನೊಡು ಆರ್ ಬಜೀ ಇಂಗ್ಲಿಷ್‌ನ್ ಮಾತ್ರ ಅನುಕರಣೆ ಮಲ್ಪಂದೆ ಭಾರತೀಯ ಬಾಸೆಲೆಗ್ಲಾ ದಿಂಜ ಪ್ರಾಮುಖ್ಯತೆ ಕೊರ್ತೆರ್. 'ಹೆಬ್ಬೆರಳು' ನೆಕ್ಕೊಂಜಿ ಉದಾರ್ಮೆಂದ್‌ ಪನೊಲಿ.
ಆರ್ ಸಾಹಿತ್ಯೊಡು ಸಾಹಸ ಪ್ರವೃತ್ತಿದ ಸಂಶೋಧನೆ ಮಲ್ತಿನಾರ್. ಆರ್ ತನ್ನ ಸಂಶೋಧನೆಡ್‌ ದಾನೆ ಆಂಡಲಾ ಒಂಜಿ ಪೊಸತ್ತ್‌ನ್ ನಾಡ್ ಪತ್ತೊಂದಿತ್ತೆರ್ ವಾ ಸಂಶೋಧನೆಡ್‌ಲಾ ಮಾನವೀಯತೆ ಮುಖ್ಯಂದ್ ಅರ್ ಪಂಡೊದಿತ್ತೆರ್. ರಾಷ್ಟ್ರಕವಿ ಬಿರ್ದ್ ಪಡೆಯೆರೆ ಆರ್ ಕವಿಯಾದ್ ಮಾತ್ರ ಅತ್ತ್ ಒರಿ ಧೀರೋದ್ಧಾತ ಗುಣೋತ ನರಮಾನಿಯಾದ್‌ಲಾ ಅರ್ಹತೆ ಇತ್ತಿನಾರ್. 'ನಂದಾದೀಪ' ಬೊಕ್ಕ ಹೃದಯರಂಗ ಕಬಿತೆಲೆಡ್ ಅರೆನ ದನಿ ಎಂಚಿನ ಪಂಡ್‌ದ್‌ ತೆರಿಯೊನೊಲಿ.
ಪೈಕುಲೆಗ್ ಯುರೋಪುದ ದಿಂಜ ಬಾಸೆಲೆನ ಪೊಲಬು ಇತ್ತಂಡ್ ಅಂಚಾದ್ ಅರೆನ ಕೃತಿಕುಲೆಡ್ ತರ್ಜುಮೆಗ್ ಎಚ್ಚ ಮನಸ್ಸ್ ಕೊರೆರೆ ಸಾಧ್ಯ ಆಂಡ್. 'ಗಿಳಿವಿಂಡು' ಕಬಿತೆದ ಕೋಪೆಡ್ ಆರ್ ಇಂಗ್ಲಿಷ್ ಕವಿ ವರ್ಡ್ಸ್‌ವರ್ತ್,ಇಕ್ಬಾಲ್, ಠಾಗೋರ್, ಒಮರ್ ಕಯ್ಯಾಮ್ ಬೊಕ್ಕ ಕೊರ್ನರ್ ಮುಕುಲೆನ ಕಬಿತೆಲೆನ ತರ್ಜುಮೆನ್ ಮಲ್ತ್‌ದೆರ್, ಅಂಚನೆ ನಾಟಕ ಬರೆನಗ ಜಪಾನಿಸ್ ನಾಟಕೊಲೆಡ್ದ್ ಉಮೇದ್ ಪಡೆತೆರ್. 'ತಾಯಿ ಮತ್ತು ನಾಟಕಗಳು' (1979) ಕೃತಿಟ್ ಈ ವಿಚಾರ ತೆರಿದ್ ಬರ್ಪುಂಡು. ಪೈಕುಲು ರಡ್ಡ್ ಉದ್ದೇಶ ದೀವೊಂದು ತರ್ಜುಮೆ ಮಲ್ತೊಂದ್ ಇತ್ತೆರ್. ಒಂಜಿ ರೀತಿಡ್ ಅರೆಡ ಯುರೋಪುದ ಸಾಹಿತ್ಯೊದ ಅಧ್ಯಯನ ಆಯಿಲೆಕ ಆವುಂಡು. ಉದಾರ್ಮೆಗ್ ಇಂಗ್ಲಿಷ್‌‌ದ 'ಸುನೀತ' (Sonet) ಅವು ಭಾರತೀಯ ಭಾಷೆಲೆಗ್ ಬೊಕ್ಕ ಬತ್ತಿನ ಪೊಸ ಛಂದಸ್ಸು. ಬೊಕ್ಕೊಂಜಿ ಉದ್ದೇಶ ಪಂಡ ಪಡೈಯಿ ಪುಡೆತ ಕಾವ್ಯ- ಛಂದಸ್ಸ್‌ಲೆನ್ ಭಾರತೀಯತೆಗೆ ಮರ್ಜಿ ಮಲ್ಲುನ ಉದ್ದೇಶೊ. ಇಂಚ ಆರೆಗ್ ತರ್ಜುಮೆ ಪಂಡ ಒಂಜಿ ಕಜ್ಜಕೊಟ್ಯ. ತರ್ಜುಮೆಡ್ ಪೈಕುಲು ಕನ್ನಡೊದ ಪೊಸ ಪರ ರಡ್ಡ್ ಪದೊಕುಲೆನ್ಲಾ ಬಳಕೆಗ್ ಕೊನವೊಂದಿತ್ತೆರ್. ಉದಾರ್ಮೆಗ್ ಆರೆನ 'ಚಿತ್ರಭಾನು' (1947) ನಾಟಕೊದ ಶೈಲಿಡ್ ನೆನ್ನ್ ತೂವೊಲಿ.
ಗೋವಿಂದ ಪೈಕುಲು ದೇಶ ವಿದೇಶೊಲೆಗ್ ಪೋಯಿನಾರತ್ತ್. ಅಪಗದ ಮದ್ರಾಸ್ ಪ್ರಾಂತ್ಯೊನು ಮಾತ್ರ ತೂದುಪ್ಪೆರ್. ಆಂಡ ಆರೆನ ಬರೆವಣಿಗೆ ಬಜೀ ತುಳುನಾಡ್‌ಗ್ ಮಾತ್ರ ಸಮ್ಮಂದ ಪಟ್ಟಿನವತ್ತ್. ಅವು ಇಡೀ ಜಗತ್ತ್‌ದ ಜನೊಕುಲೆಗ್ ಸಮ್ಮಂದ ಪಟ್ಟಿನವು. ಆರೆನ ಕಾಲೊಡು ಭಾರತೊ ಬ್ರಿಟಿಷರೆನ ವಸಾಹತು ಆದಿತ್ತ್ಂಡ್. ಪೈಕುಲೆನ ದೇಶಭಕ್ತಿನ್ ಮೂಜಿ ಮರ್ಗಿಲ್ಡ್ ತೂವೊಲಿ. ಒಂಜಿ ಆರೆಗ್ ಭಾರತೊದ ಮಿತ್ತ್ ಇತ್ತಿ ಭಕ್ತಿ, ಕುಡಒಂಜಿ ಕರ್ನಾಟಕದ ಮಿತ್ತ್ ಇತ್ತಿ ಪ್ರೀತಿ, ಬೊಕ್ಕೊಂಜಿ ತುಳುನಾಡ್‌ದ ಮಿತ್ತ್ ಆರೆಗಿತ್ತಿ ಮೋಕೆ. ಉಂದು ಅರೆ ಕಬಿತೆಲೆಡ್ ನೆಗತ್ತ್ ತೋಜುಂದು. 'ಭಾರತ ಭಾಗ್ಯ ವಿಧಾತ' 'ಕನ್ನಡಿಗರ ತಾಯಿ' ಬೊಕ್ಕ 'ತೌಳವ ಮಾತೆ' ಉಂದು
ರಾಷ್ಟ್ರಕವಿ ಗೋವಿಂದ ಪೈ / 31
