ಗುರ್ಕಾದ್ರೆನ ಮದಿಪು
ತುಳುವೆರ್ ಪಿರಾಕ್‌ಡ್ಡಿ೦ಚಿ ನಡತೊಂದು ಬತ್ತಿನ
ಆರಾಧನೆ, ಆಚರಣೆ, ನಂಬೊಳಿಗಲೆನ್ ಮಾತ ಒರಿತೊಂದು
ಬತ್ತಿನಕುಲು. ಅಂಚಾದದೇ ತುಳುನಾಡ್ ಪುಣ್ಯದ ನಾಡ್‌೦ದ್
ಪುದರ್ ಪಡೆನ್‌೦ಡ್. ಕರಿದ್ ಪೋಯಿನ ಎಡ್ಡೆ ವಿಸಯೊಲೆನ್
ಒರಿತೊಂದು ಪೋಪಿನವು ಎಡ್ಡೆ ಸಂಸ್ಕೃತಿ, ಸಂಸ್ಕೃತಿ
ವೈಜ್ಞಾನಿಕತೆದ ಸುತ್ತುಗಟ್ಟ್ ಉಪ್ಪೊಡು, ಸಾಮಾಜಿಕ ಪ್ರಜ್ಞೆ
ಬೊಕ್ಕ ಧಾರ್ಮಿಕ ನಿಲೆಗಟ್ಟಿ ಅಯಿಕ್ ಬೋಡು. ಅಂಚಿನ
ಸಂಸ್ಕೃತಿಯೇ ದುಂಬೊತೊಂದು ಪೋಪುಂಡು, ಬಾಸೆ,
ಸಾಹಿತ್ಯ, ಕಲೆ, ಪರಪೋಕು, ಸೇವೆ- ಉಂದು ಮಾತ
ಸಂಸ್ಕೃತಿದ ಬಾಗೊಲು. ನೆನ್ಸ್ ಒರಿತ್‌ದ್ ಬುಳೆಪಾಯರೆಗಾದ್
ಬೆಂದಿನ ತುಳುವೆರ್ ಏತೋಜನ, ತುಳುವರ್ ಪಂಡ ಬಜೇ
ತುಳು ಅಷ್ಟೆ ಬಾಸೆದಕುಲು ಮಾತ್ರ ಅತ್ತೆ ತುಳುನಾಡ್‌ಡ್
ಜಲ್ಮೊಗು ಬತ್ತಿನಕುಲು, ತುಳು ಬಾಸೆ ತೆರಿನಕುಲು, ತುಳುತ
ಬಗೆಟ್ ಉಡಲ್ ದಿಂಜಿ ಹೆಗ್ಗಳಿಕೆ ದೀವೊನ್ನಕುಲು ಮಾಶ
ತುಳುವೆರ್.
ಒವ್ವಾಂಡಲಾ ಒಂಜಿ ಮರ್ಗಿಲ್ಡ್ ತುಳುಬಾಸೆ ಸ೦ಸ್ಕೃತಿ ತುಳು ಸಂಪೊತ್ತುದ ಬುಳೆಚಿಲ್ ಗಾದ್ ಅಕುಲೆ ಸೇವೆ
ಸಂದ್‌ದಿತ್ತಂಡ ಆಂಚಿನ ಪುಣ್ಯಾತ್ಮರೆನ ಬದ್, ಸಾಧನೆಲೆನ್
ನೆಂಪುಡು ಒರಿತೊನುನವು ನಮ್ಮ ಧರ್ಮೊ. ಈ ನಿಲೆಟ್
ಕರಿದ ಫೋಯಿನಕುಲೆನ ಪುದರ್‌ಡ್ ಅಕಾಡೆಮಿ ಬೂಕುಲೆನ್
ಬರೆಪಾದ್‌ ಮದಪ್ಪೆರಾವಂದಿ ತುಳುವೆರ್ ಪನ್ನಿಗ್ರ೦ತ ಮಾಲೆಡ್
ಬೊಳ್ಪುಗು ಕನವೊಂದುಂಡು.
iii
