ನಡತೊಂದಿತ್ತಿನ ಬಾಸೆದ ಮಿನದನ, ವಿಷಯೊದ ಉತ್ರೇಕ್ಷೆ, ಸಬ್ದಾಲಂಕಾರ, ಬಹು ಆರ್ತೋಕೊರ್ಪಿ ಸಬ್ದೊಲೆನ ಬಳಕೆ ಉಂದು ಮಾತ ಕಮ್ಮಿ ಆವೊಂದು ಬರ್ಪಿಕಾಲ. ಸಹೃದಯರೆನ ಆಸಕ್ತಿ ತೂವೊಂದು ಪೋದು ಓದುನಕುಲೆನ ಉಮೇದ್‌ನ್ ಕೆಡ್ಸವೊಂದುತ್ತಿ ಸಾಹಿತ್ಯೋನ್ ಜನಕುಲೆನ ತಿರಸ್ಕಾರ ದಿಟ್ಟಿಡ್ ತೂವೊಂದಿತ್ತಿ ಕಾಲ. ವಾಸ್ತವ ವಿಚಾರಲೆನ್ ಪನಂದೆ ವಿಸಯೊನೇ ರಾಮಾಯಣ ಮಲ್ತ್‌ದ್ ಕತೆಕಟ್ಟೊಂದಿತ್ತಿ ಕವಿಕುಲೆನ್ ಮೆಚ್ಚಂದೆ ದೂರ ದೀವೊಂದಿತ್ತಿನ ಕಾಲ. ಈ ಪೊರ್ತುಗು ಪಡ್ಡೆಯಿ ದೇಶೋಲೆನ ಸಾಹಿತ್ಯೋಡು ಬಾರಿ ಬದಲಾವಣೆ ಅಂಡ್. ಬ್ರಿಟಿಷೆರ್ ನಮ್ಮ ದೇಶೋನು ಆಳೊಂದಿತ್ತಿನೆಡ್ಡಾವರ ಅಕುಲೆನ ಬಾಸೆ, ಸಾಹಿತ್ಯದ ಪ್ರಭಾವ ನಮ್ಮ ದೇಶದ ಬಾಸೆಲೆನ ಮಿತ್ತಾಂಡ್. ಸುರುಕು ಆ ಬಾಸೆದ ಪ್ರಭಾವ ಬತ್ತಿನೆ ಸುರುಕು ಮರಾಠಿ, ಬಂಗಾಲಿ ಬಾಸೆಲೆನ ಮಿತ್ತ್. ಇಂಗ್ಲಿಷ್ ಕವಿತೆಲು ಈ ಭಾಷೆಲೆಗ್ ತರ್ಜುಮೆ ಆಂಡ್. ಈ ಕಾಲೊಡು ನಡತಿ ಕಾರ್ಯೊಲೆನ್ ಗೋವಿಂದ ಪೈಕುಲು ಮರಾಠಿ ಬೊಕ್ಕ ಬಂಗಾಲಿ ಬಾಸೆಲೆಲ್ಡ್ ತೆರಿಯೊನೆಯೆರೆ ಸಾಧ್ಯ ಆಂಡ್. ಆ ಬಾಸೆಲೆನ ಶೈಲಿ ಕನ್ನಡೊಗ್ಲಾ ಬಳಕೆಗ್ ಬತ್ಂಡ್.
ಗೋವಿಂದ ಪೈಕುಲೆನ ಸಾಹಿತ್ಯಲೆನ್ ರಡ್ ವಿಭಾಗ ಮಲ್ಪೊಲಿ. ಒಂಜಿ ಸಂಶೋಧನೆ ಅತ್ತಂಡ ಬುದ್ಧಿವಂತಿಕೆದ ಬರವುಲು. ಕುಡ ಒಂಜಿ ಸೃಜನಶೀಲ ಸಾಹಿತ್ಯ. ಗೋವಿಂದ ಪೈಕುಲೆನ ಸಾಹಿತ್ಯ ಪಂಡ ಅವು ರಡ್ಡ್ ಬಾಯಿದ ಒಂಜೇ ಉದೆಟ್ ದೀಯರೆಗಾಪುನ ಕತ್ತಿಂದ್ ಕಯ್ಯಾರ ಕಿಞ್ಞಣ್ಣ ರೈಕುಲು ಪನ್ಪೆರ್. ಪೈಕುಲೆನ ಸಂಶೋಧನಾತ್ಮಕ ಕೃತಿಕುಲು ಏಪಲಾ ವಿರೋಧಾಬಾಸೊ ಕೊರ್ಪಿನಂಚಿನ ವತ್ತ್. ಸರಳವಾದಿತ್ತ್‌ದ್ ಮಾತೆರ್ಲ ಮೆಚ್ಚುನಂಚಿನ ಕೃತಿಕುಲೆ ರಚನೆ ಆರೆಡ್ದ್ ಆವೊಂದಿತ್ತಂಡ್. ಆರ್ ಚರಿತ್ರೆಡ್ ಅಂಚನೆ ತುಳುನಾಡ್, ಕನ್ನಡ ಸಾಹಿತ್ಯೊದ ಬಗೆಟ್ ದಿಂಜ ಸಂಶೋಧನೆ ಮಲ್ತ್‌ದರ್. ಆರ್ ದಿಂಜ ಬಾಸೆ ತೆರಿನಾರಾಯಿನೆಡ್ದಾವರ ಕನ್ನಡ ಬಾಸೆನ್ ಬಾಕಿ ಯುರೋಪುದ ಬಾಸೆಲೆನೊಟ್ಟಿಗೆ ತಾರ್ಕಣೆ ಮಲ್ತ್‌ದ್ ತೂವೊಂದಿತ್ತೆರ್.
ಡಾ. ಎ. ಕೆ. ರಾಮಾನುಜನ್ ಪನ್ಪುಲೆಕ ಭಾಷಾಂತರ ಮಲ್ಪುನೆ ಪಂಡ ಸುಲಬೊದ ಕಾರ್ಯ ಅತ್ತ್. ಆಯಿಕ್ ಕಾವ್ಯ ಸೃಷ್ಟಿದ ಕೌಶಲ್ಯ ಬೋಡು. ಅಯಿನೊಟ್ಟಿಗೆ ರಡ್ಡ್ ಬಾಸೆದ ಎಡ್ಡೆ ಪೊಲಬು ಬೋಡು. ಈ ದಿಟ್ಟಿಡ್ ಗೋವಿಂದ ಪೈಕುಲೆ ತರ್ಜುಮೆ ಎಡ್ಡೆ ತರ್ಜುಮೆಂದ್‌ ಪನೊಲಿ.
ಪೈಕುಲೆನ ಸೃಜನಶೀಲ ಸಾಹಿತ್ಯೊಲೆಡ್ ಕೆಲವು ತರ್ಜುಮೆಲು ಕೆಲವು ಕವಿತೆಲು ಬೊಕ್ಕ ಕೆಲವು ಸಂದರ್ಬೊಗು ಸರಿಯಾದ್ ಬರೆತಿನ ಲೇಖನೊಲು. ಕೆಲವು ಖಂಡಕಾವ್ಯೊಲು ಗೀತರೂಪಕೊಲು ಬೊಕ್ಕ ನಾಟಕೊಲು. ಕೆಲವು ಕೃತಿಕುಲು ಸಂಪ್ರದಾಯ ಬೊಕ್ಕ ಆಧುನಿಕತೆತ, ನಡುವೆ ನಡಪಿ ಸಂಘರ್ಷೊನು ತೋಜದ್ ಕೊರ್ಪುಂಡು. ಆರ್ ತನ್ನ ಸಂಸ್ಕೃತಿದ ಬಗೆಟ್ ದಿಂಜ ತೆರಿದಿತ್ತೆರ್ ಅಂಚನೆ ಬಾಕಿದಕುಲೆ ಸಂಸ್ಕೃತಿದ ವಿಚಾರೊಲಾ ಅರೆಗ್ ಗೊತ್ತಿತ್ತ್ಂಡ್. ಸಾಹಿತ್ಯೊನೇ ಆವಡ ಸಂಸ್ಕೃತಿಯೇ ಆವಡ್ ತನ್ನೆನ್ ಬುಡುದ್ ಪೊಸತ್‌ನ್ ದೆತೊನೊಡಾಂಡ ಆರ್ ಬಾರಿ ಆಲೋಚನೆ ಮಲ್ತೊಂದಿತ್ತೆ‌ರ್. ಸಾಹಿತ್ಯೋಡು ಆರ್ ದ್ವಿತೀಯಾಕ್ಷರ ಪ್ರಾಸೊನು ಬುಡ್ದು ಬುಡಿಯೆರ್. ಬೇತೆ ಧರ್ಮೊದ ಬಗೆಟ್ಟ್ ಸಾಹಿತ್ಯ ಬರೆನಗ ಒಲುಲಾ ಧಾರ್ಮಿಕ ಸಂಪ್ರದಾಯೊಲೆಗ್
ರಾಷ್ಟ್ರಕವಿ ಗೋವಿಂದ ಪೈ / 30
