ಸಪ್ತಕೊಂಕಣ ಪಂಡ್‌ದ್ ಲೆಪ್ಪುವೆರ್. ಅಯಿಟ್ ತೆನ್ನಾಯಿರ್ದ್‌ ಬಡಕಾಯಿ ಬರ್ಪಿಲೆಕ 1. ಕೂಪಕ, 2. ಕೇರಳ, 3. ಮೂಷಿಕ, 4. ಆಲುವ, 5. ಪಶು, 6 ಕೋಂಕಣ ಬೊಕ್ಕ 7. ಪರಕೋಂಕಣ ಪಂಡ್‌ದ್ 7 ದೇಸೋಲುಲ್ಲ. ಅತ್‌ಂಡ ಈ ಏಳ್ ದೇಶೋಲ್ ಲ ಪಶ್ಚಿಮ ಕರಾವಳಿಯ ಉಲ್ಲೂ ಪನ್ಸುನ ವಿಸಯೊ ಉಂದೆರ್ಡ್ ತೆರಿಪುಂಡು. ಉಂದೆಟ್ಪ್ ಕೂಪಕ, ಕೇರಳ ಬೊಕ್ಕ ಮೂಷಿಕ ಪನ್ನಿ 3 ದೇಶೂಲು ಇತ್ತೆದ ತಿರುವಾಂಕೂರು ಸಂಸ್ಥಾನ, ಕೊಚ್ಚಿ ಸಂಸ್ಥಾನ ಬೊಕ್ಕ ಮಲೆಯಾಳ ಜಿಲ್ಲೆಲೆಗ್ ಸಮಾನ ಆದ್ ತೋಜುಂಡು, ಈ ಮೂಜೆಟ್ ಕೇರಲ ಬೊಕ್ಕ ಮೂಷಿಕ ಪತ್ನಿ 2 ಪುದರ್‌ಲ್ ಬಾದಾಮಿ ಚಾಳುಕ್ಯ ವಂಶದ ಅರಸೆ ಅದಿತ್ತಿನ ಮಂಗಲೇಶನ ಕ್ರಿ.ಶ. 602ತ ಮಹಾಕೂಟ ಸ್ತಂಭಲೇಖಡ್ ಉಂಡು. 6ನೆತ ಕೊಂಕಣ ಪಂಡ ಇತ್ತೆದ ಗೋವೆದ ಸೀಮೆನ್ ರತ್ನಗಿರಿ ಜಿಲ್ಲೆನ್ ಸೇರ್ಸವೊಂದು ಉಪ್ಪುನ ದಕ್ಷಿಣ ಕೊಂಕಣ ಬೊಕ್ಕ ಇನೆತ ಬೊಕ್ಕ ಕಡೆತ ಕೊಂಕಣ ಪಂಡ ಆ ದಕ್ಷಿಣ ಕೊಂಕಣದ ಬಡಕ್ಕಾಯಿ ಇತ್ತೆದ ಕುಲಾಭಾ ಬೊಕ್ಕ ಠಾಣಾ ಜಿಲ್ಲೆಲ್ ಉಪ್ಪುನ ಉಳ್ಳ ಉತ್ತರಕೊಂಕಣ. 5ನೆತ ಪಶು ಪನ್ನುನ ದೇಶ ಪಂಡ ಹೈಗ ದೇಶ ಪನ್ಪುನ ಇತ್ತೆದ ಉತ್ತರ ಕನ್ನಡ ಜಿಲ್ಲೆ. ದಾಯೆ ಪಂಡ ಪಶು ಪಂಡಲಾ ಅವ್ವ ಅರ್ಥದ ಕಪ್ರತ್ಯಯನ್ ಕೂಡ್‌ಡ ಪಶುಕ ಪಂಡ್‌ದ್ ಮಂಡಲಾ ಅರ್ಥ ಒಂಜೆ. ಪೈಗ ಹೈಗಂದ್ ಆಂಡ್, ಆ ಕಾರಣ ಪಶ್ಚಿಮ ಕರಾವಳಿ ದಕ್ಷಿಣದ ಮೂಷಿಕ ದೇಶ ಪನ್ಸುನ ಮಲೆಯಾಳ ದೇಶಗ್ ಪಂಡ ಇತ್ತೆದ ಮಲಬಾರ ಜಿಲ್ಲೆಗ್‌ಲಾ ಉತ್ತರ ಕನ್ನಡ ಜಿಲ್ಲೆದ ನಡುಟು ಆಲುವ ಪನ್ನುನ ದೇಶವಾಯಿನ ತುಳುನಾಡೇ ಪಂಡ್‌ದ್ ಗೊತ್ತಾಪುಂಡು.
ಟಾಲೆಮಿನ ಗ್ರಂಥೋಡು ತುಳುನಾಡನ್ ಒಲೊಇರ ಪಂಡ್‌ದ್ ಪಂತೆ. ಮಹಾಕೂಟದ ಸ್ತಂಭಲೇಖಡ್ ಕೇರಲ-ಮೂಷಿಕ ದೇಶಲೆನ ದುಂಬು ಬೊಕ್ಕ ಉತ್ತರಕನ್ನಡ ಜಿಲ್ಲೆಡುಪ್ಪುನ ಬನವಾಸಿ ಪನ್ನುನ ಊರುದ ಜತೆಟ್ 'ಆಳುಕ' ಪಂಡ್‌ದುಪ್ಪುನ ದೇಶನೇ ತುಳುನಾಡ್, ರಾಷ್ಟ್ರಕೂಟರನೇ ಗೋವಿಂದನ ಆಡಳಿತದ(ಕ್ರಿ.ಶ.791-814) ಮಾವಳಿದ ಶಿಲಾಶಾಸನಮ್ ಅಯಿನ್ ಆಳುವಖೇಡ' ಪಂಡ್‌ದ್, ಹೊಯಳೆ‌ನ ಮಸ್ತ್ ಶಾಸನಲೆಡ್ ಆಳ್ವಖೇಡ' ಪಂಡ್‌ದ್, ಕಣಕಟ್ಟಿದ ಕಲ್ಬರವುಡ್ (ಕ್ರಿ.ಶ.143)
ಕಂಬಾಳು ಶಿಲಾಲೇಖಡ್‌ ಲಾ(ಕ್ರಿ.ಶ.166) 'ಪಡುವಲಾಳ್ವಖೇಡ' ಪಂಡ್‌ದ್ ತುಳುನಾಡ್‌ನ್ ಲೆತ್ತದರ್, ಅವು ಟಾಲೆಮಿನ ಒಲೊಗೊಇರದ ರೂಪಾಂತರನೇ ಆಳುವಖೇಡ “ಆಳ್ವಖೇಡ ಪನ್ಸುನೆಟ್ ಸಂಶಯ ಇಜ್ಜಿ.
ತುಳುನಾಡ್ ಆಲುವ ಪಕ್ಷುನ ಪುದರ್ದ ಮೂಲಾರ್ಥದಾದ? ಅಯಿತ್ತ ಪುಟ್ಟು ಎಂಚ ಉಪ್ಪು?
1. ಮಹಾಕೂಟದ ಸಂಭಲೇಖಡ್ ತುಳುನಾಡ್‌ನ್ ಆಳುಕ ಪಂತ್‌ಂಡ್, ಆದಿಶೇಷಗ್ಲಾ ಆಲುಕ ಪಂಡ್‌ದ್ ಪುದರುಂಡು, ಆಲುಕ'ರ್ದ್ ಅಯಿತ್ತ ಕಡೆತ `ಕ'ಕಾರನ್ ಬುಡ್‌ಂಡ ಪಶುಕ ಪಂಡ ಪಶು ಆಯಿಲೆಕ್ಕನೇ ಆಲು ಪಂಡಲಾ ಆಲುಕ ಪಂಡ್‌ದೇ ಅರ್ಥ. ನೀರ್‌ಡುಪ್ಪುನ ಉಚ್ಚುಗು 'ಆಲ್' ಪನ್ನೆರ್, ತಮಿಳ್ಕೊಡ್ ಏಷ 'ಆಲ್' 'ಆಲಂ' ಪಂಡ್‌ದ್ ಉಚ್ಚುಗು 'ಆಲವಾಯ್' ಬಾಯಿಡ್ ವಿಷ ಇತ್ತಿನವು ಪಂಡ್‌ದ್ ಪನ್ಸರ್.
ರಾಷ್ಟ್ರಕವಿ ಗೋವಿಂದ ಪೈ / 24
