ತುದೆ ಮುಟ್ಟ ಉಪ್ಪುನ ಕೇರಲ ಪುತ್ರೆರ್ ಆಯನ ಸಾಮ್ರಾಜ್ಯದ ಪಿದಯಿದ ಗಡಿನಾಡ್ಲೆಡ್ ಇತ್ತೆರ್ಂದ್ ತೆರಿಪುಂಡು. ಅತ್ತ್ಂಡ ಅಕ್ಲ್ ಅಶೋಕನ ಸಾಮ್ರಾಜ್ಯಗ್ ಸೇರಂದೆ ಆಕ್ಲ್ನಾತೆಗೇ ಸ್ವತಂತ್ರವಾದ್ ಇತ್ತ್ದ್ ಉಪ್ಪೊಡು. ಮೊಕ್ಲೆಡ ಕೇಲಲ ಪುತ, ಕೇರಲ ಪುತ್ರ ಪಂಡ ಕೇರಳ ಪಂಡ ಮಲೆಯಾಳ ದೇಶದಕ್ಲ್ ಪನ್ಪುನ ಮರ್ಯಾದೆಡ್ ಸತಿಯ ಪುತ್ರ ಅತ್ಂಡ ಸಾತಿಯ ಪುತ್ರ ಅತ್ಂಡ ಸಾತಿಯ ಪನ್ಪುನ ಪುದರ್ಪ್ಪುನ ದೇಶದಕ್ಲ್ ಪನ್ಪುನವು ಸರಿಯಾದ್ ಅರ್ಥ ಅಪುಂಡು. ಅಯಿಕ್ಕ್ ಉದಾರ್ಮೆಯಾದ್ ಗಂಗಾನದಿತ್ತ ಬರಿಟ್ಟ್ ಆಯಾ ಊರಿನಕ್ಲೆನ್ ಗಂಗಾಪುತ್ರೆರ್ಂದ್ ಪನ್ಪಿ ಲೆಕ್ಕನೇ ಮುಲ್ಪದಕ್ ಲೆನ್ ತೆರಿಯೊನೊಲಿ. ಅಂಚಾಂಡ ಆ ಸತಿಯ ಅತ್ತ್ಂಡ ಸಾತಿಯ ಪನ್ಪಿ ದೇಶ ಓವ್ವು?
ಸತಿಯ ಅತ್ಂಡ ಸಾತಿಯ ದೇಶಲಾ ಕೇರಳಲಾ ಒಂಜೆಕೊಂಜಿ ಪತೊಂದು ಇತ್ತಿನ ಪಂಡ ಕಯಿತ್ತಲ್ದ ದೇಶೂಲಾದಿಪ್ಪೆರೆ ಯಾವು. ಅಂಡ ಪಾಂಡ್ಯಗ್ಲಾ ಕೇರಳಗ್ಲಾ ನಡುಟ್ ತಾಮಪರ್ಣಿ ಮಾತ್ರ ಇತ್ತ್ದ್ ಬೇತೆ ವಾ ದೇಶಲಾ ಇಜ್ಜಂದಿನ ಕಾರಣ ಈ ಶಿಲಾಲೇಖಡ್ ಚೋಡಾ/ಪಂಡಿಯಾ ಸ(ಸಾ)ತಿಯ ಪುತ್ರೋ ಕೇರಲ ಪತ್ರೋ' ಪನ್ಪುನಲು ಒಂಜಿ ಕಡೆಟ್ ಚೋಳ-ಪಾಂಡ್ಯರೆಗ್ ಬೊಕೊಂಜಿ ಕಡೆತ ಸ(ಸಾ)ರುಯ ಪುತ್ರ-ಕೇರಲ ಪುತ್ರಗ್ಲಾ ನಡುಟ್ ತಾಮ್ರಪರ್ಣಿನ್ ಗಡಿಯಾದ್ ದೀವೋ=ಒಂದು ಆ ಕಡೆಟ್ ಮೂಡಾಯಿ ಕರಾವಳಿದ ಚೋಳೆರೆನ್ ಪಂಡಿಬೊಕ್ಕ ಅಕ್ಲೆಗ್ ತಾಗ್ದ್ ತೆನ್ಕಾಯಿಡ್ ಉಪ್ಪುನ ಪಾಂಡ್ಯೆರೆನ್ ಪನ್ಪುನ ಕ್ರಮರ್ದಾದ್ ಈ ಕಡೆಟ್ ಸ(ಸಾ)ತಿಯ ಪುತ್ರೆರೆನ್ ಪಂಡಿಬೊಕ್ಕ ಅತ್ತ ಕೇರಲಪುತ್ರೆರೆನ್ ಪನ್ಪುವ ಕ್ರಮ ಅತ್ತ. ಸತಿಯ ಅತ್ತಂಡ ಸಾತಿಯ ದೇಶ ಕೇರಳ ದೇಶಗ್ ತಾಗ್ದ್ ಅಯಿತ್ತ ಬಡಕ್ಕಾಯಿಗೆ ಉಪ್ಪೊಡು. ಅಂಚಾಂಡ ಕೇರಳಗ್ ಬಾರಿ ಕಯಿತ್ತಲ್ಡ್ ಅಂಚನೇ ಬಡಕ್ಕಾಯಿದ ಕರಾವಳಿಡ್ ಉಪ್ಪೊಡು. ಅಂಚಾಂಡ ಕೇರಳದ ಬಡಕ್ಕಾಯಿದ ಪಶ್ಚಿಮ ಕರಾವಳಿಡ ಸತಿಯಪುತ್ರ ಅತ್ಂಡ ಸಾತಿಯಪುತ್ರ ದೇಶಪಂಡ ತುಳುನಾಡ್ ಪನ್ಪುನ ದಕ್ಷಿಣಕನ್ನಡ ಜಿಲ್ಲೆ ಅತಂದೆ ಬೇತೆ ಓವ್ವು? ಅಂಚಾದ್ ಅಶೋಕನ ಶಾಸನದ ಸಾತಿಯ ಪುತ್ರ ಅತ್ಂಡ ಸತಿಯಪುತ್ರ ಪುನ್ಪುನ ದೇಶನೇ ಶಾಂತಿಕ ದೇಶನೇ. ಆ ಶಾಂತಿಕ ದೇಶನೇ ಅಪಗದ ತುಳುನಾಡೇ ಸರಿ.
ಆಲುವ
ಪರಶುರಾಮೆ ಪಶ್ಚಿಮ ಸಮುದ್ರರ್ದ್ ದೆತೊಂಡೆಂದ್ ಪನ್ಪುನ ಕಡಲ ಕರೆತ ಭೂಮಿನ್ 'ಪ್ರಪಂಚ ಹೃದಯ' ಪನ್ಪಿ ಸಂಸ್ಕೃತ ಗ್ರಂಥೊಡು 'ಸಪ್ತ ಕೋಂಕಣ' ಪಂದ್ ಉಂಡು-
ಸಹ್ಯಪಾದೇ ಪರಶುರಾಮ ಭೂಮಿಃ ಸಾ ಸಪ್ತ ಕೋಂಕಣಾಖ್ಯಾ
ಕೂಪಕ ಕೇರಲ ಮೂಸ್ಷಿಕ ಆಲುವ ಪಶು ಕೋಂಕಣ
ಪರಕೋಂಕಣ ಭೇದೇನ ದಕ್ಷಿಣಣೋತ್ತರಾಮಾಮೇನ ಚ ವ್ಯವಸ್ಥಿತಾ
ಪಂಡ ಸಹ್ಯಾಚಲದ ಉಪತ್ಯಕಾ ಪ್ರದೇಶವಾಯಿನ ಪರಶುರಾಮನ ಭೂಮಿನ್
ರಾಷ್ಟ್ರಕವಿ ಗೋವಿಂದ ಪೈ / 23
