ಮೂಲಧರ್ಮವಾಯಿನ ಭೂತಪೂಜೆಲಾ ಇತ್ತಂಡ್. ಭೂತಪೂಜೆ ಪಂಡ್ಂಡ ಪ್ರಕೃತಿ ಅತ್ಂಡ ಸಂಸಾರಡ್ ವಿಶೇಷ ದರ್ಶನ ಅಷ್ಟೊಂಡ ಘಟನೆ ಅಂಡ ಜನಕ್ಸಲೆನ್ ಕಣ್ಣೆಗ್ ತೋಜುನ ಮನಸ್ಸಿಗೆ ಬರ್ಪುನ ವಿಷಯಲೆನ್ ದೇವೆರೆನ ಮಟ್ಟಿಗೆ ಕೊನೊದು ಆರಾಧನೆ ಮಲ್ಲುನೆ. ಆ ಜನಕ್ಕೊಲೆನ್ ತುಳುಟ್ಟು ದೆಯೊಂಗುಳು, ದೆವ್ವ ದೈವ ಪಂಡ್ದ್ ಲೆಪ್ಪುವ ಭೂತೊಲೆಡ ಆಣ್, ಪೊಣ್ಣು ಪುನವುಲಾ ಉಂಡು. ಉದಾರ್ಮಗಾ ಅಣ್ ದೈವೊಲುಂದು ಲೆಪ್ಪುನ ಅಣ್ಣಪ್ಪ, ಜಾರಂತಾಯೆ, ಮಗ್ರಂದಾಯೆ, ಕಲ್ಕುಡೆ, ಕೋಟಿ-ಚೆನ್ನಯೆ ಅಂಚನೆ ಪೊಣ್ಣು ದೈವೊಲುಂದು ಲೆಪ್ಪುನ ಉಳ್ಳಾಳಿ, ಜುಮಾದಿ, ಕಲ್ಲುರ್ಟಿ, ದೇಯಿ ಬೈದ್ಯೆದಿ ಇಂಚ ಉಂಡು. ಗಟ್ಟದ ಮಿತ್ತರ್ದ್ ಬತ್ತಿನವುಲಾ ಉಂಡು ಉದಾರ್ಮಗೆ ತೋಡಕುಕ್ಕಿನಾರ್, ಮುಲ್ಪದವೇ ಊರುದ ಜನಕ್ಕಲ್ ಸೈತ್ ಭೂತವಾಯಿನವುಲಾ ಉಂಡು. ಉದಾರ್ಮೆಗ್ ಕೋಟಿ-ಚೆನ್ನಯೆ, ಕಾಂತುನೆಕ್ಕಿ, ದೇಯಿ ಬೈದ್ಯೆದಿ ಇಂಚ. ಕೆಲವು ಭೂತೊಲು ಸನಾತನ ಧರ್ಮದ್್ರ ಬತ್ತಿನವುಲಾ ಉಂಡು. ಉದಾರ್ಮೆಗ್ ಜುಮಾದಿ ಪಂಡ ಧೂಮಾವತಿ, ಪಂಜುರ್ಲಿ ಪಂಡ ವಾರಾಹಿ, ಚಾವುಂಡಿ ಪಂಡ ಚಾಮುಂಡಿ ಇಂಚ ಭೂತೊಲೆಗ್ ವರ್ಸೊಗ್ ಒರ ಬಂಡಿ, ನೇಮ, ಆಯನ ಪಂಡ ಉತ್ಸವ ಕೊರ್ಪುನ ಕ್ರಮ ತುಳುನಾಡ್ಡ್ ಉಂಡು. ಭೂತೊಲೆನ ಚರಿತ್ರೆನ್ ಅದ್ಭುತವಾದ್ ಪಸ್ಪುನ ಪಾಡ್ಡನ ಪಂಡ ಪ್ರಾರ್ಥನೆ ಪದ್ದುನ ವಚನ ಕಾವೊಲು ಉಲ್ಲ. ಆಯಾ ಸಾನ (ಗುಡಿ)ದ ಎದುರುಡು ತೂಳು (ದರ್ಶನ) ಬರ್ಪುನಾಯನ ಬಳಗದಕ್ಲ್ ಅಯಿನ್ ಪನ್ಸರ್, ಆ ಪಾಡ್ಡನೆಲೆಡ್ ಪಳ್ಳಿ ಪಂಡ ಮಸೀದಿ, ಮಕ್ಕ ಪಂಡ ಅರಬಸಾನದ ಮಕ್ಕಾ ಪೇಂಟೆದ ಪುದರ್, ಚಾಕರಿ, ಮೈದಾನ್, ಸುಲ್ತಾನ ಕಜಾನೆ, ಅಂದಾಜಿ, ಖಲಾಸಿ ಪಂಡ ಹಡಗದ ಜನ- ಇಂಚಿನ ಅರಬಿ, ಪಾರ್ಶಿ ಶಬ್ಬೊಲು ಬಾಳ್ ಪಕ್ಷುನ ಪರಂಗಿ ಶಬ್ದ ಇಂಚಿಪ್ಪದ ಶಬ್ದಲಾಯಿನೆರ್ದಾವರ ಬಾರಿ ಪಿರಾಕ್ಗ್ ಪೋಪುನ ಅಗತ್ಯ ತೋಜುಜಿ.
ತುಳುನಾಡ್ (ದಕ್ಷಿಣ ಕನ್ನಡ ಜಿಲ್ಲೆದ) ಪಿರಾಕ್ ದ ಪುದರ್ಲ್:
ಶಾಂತಿಕ: ಕ್ರಿ.ಶ. 3ನೇ ಶತಕರ್ದ್ ಪಿರಾಕ್ ಪಲ್ಟಿ 'ಮಾರ್ಕಂಡೇಯ ಪುರಾಣ'ಡ್ (ಅಧ್ಯಾಯ 58) ಜಂಬುದ್ವೀಪ ಎಮೆದ ರೂಪಡ್ ಮೂಡಾಯಿಗ್ ಮೋನೆ ಪಾಡ್ದ್ ಉಂತ್ದ್ನ ಶ್ರೀ ಮಹಾವಿಷ್ಣುಡ ನೆಲೆ ಆತ್ಂಡ್ ಪಂಡ್ದ್ ಆ ಏಮೆಚಕ್ರದ ಆಯಾ ಅಂಗೊಲೆಡ್ ಬದುಕುನ ಜನಪದಕ್ಕಲ್ ಇಂಚಿಂಚಿನ ಪಂಡ್ದ್ ಪಂತ್ಂಡ್. ಆ ಏಮೆದ ಬೀಲಡ್ ಪಂಡ ಪಡ್ಡೆಯಿ ದಿಕ್ಕಡ್ ಬೊಕ್ಕ ಪ್ರತ್ಯಕ್ಷವಾದ್ ಪಶ್ಚಿಮ ಸಮುದ್ರಬರಿಟ್ಸ್ ಬದುಕುನ ಜನಪದೆರೆಡ್ ಕೆಲವೆರೆ ಪುದರುಂಡು-
ಅಪರಾಂತಿಕಾ ಹೈಹಯಾಶ್ಚ ಶಾಂತಿಕಾ
ವಿಪ್ರಶಸ್ತಕಾಃ ಕೋಂಕಣಾಃ ಪಂಚನದಕಾ
ವಾಮನಾ ಹೃವರಾಸ್ತಥಾ ॥34॥
ರಾಷ್ಟ್ರಕವಿ ಗೋವಿಂದ ಪೈ / 21
