ಇತ್ತಿನ ಸಂಸ್ಕೃತ ಕನ್ನಡ ಶಾಸನರ್ದ್ ತೆರಿವುಂಡು. ಆ ಮೂರ್ತಿನ್ ಪುಂಜಳಿಕೆದ ಅರಸು ತಿಮ್ಮರಾಜೆ ಕ್ರಿ.ಶ. 1604ತ ಮಾರ್ಚಿ 1ನೇ ತಾರೀಕ್‌ದ ಗುರುವಾರದಾನಿ ಪ್ರತಿಷ್ಠೆ ಮಲ್ಪಾಯೆ ಪನ್ನಿ ಮಾಹಿತಿ ತೆರಿದ್ ಬರ್ಪುಂಡು.
ಮಾಡಬಿದರೆಡ್ ಮಸ್ತ್ ಜೈನ ಬಸದಿಲ್ ಉಂಡು. ಅಯಿಟ್ಟ್ ಶಿಲ್ಪದ ದಿಟ್ಟಿಡೇ ಶೇಷ್ಟವಾಯಿನ ಬೊಕ್ಕ ಸಾವಿರ ಕಂಬದ ಬಸ್ತಿಂದೇ ಪ್ರಸಿದ್ದವಾಯಿನ ತ್ರಿಭುವನ ಚೂಡಾಮಣಿ ಪನ್ಪಿ ಚೈತ್ಯಾಲಯನ್ ಕ್ರಿ.ಶ.1431ನೇ ಜನವರಿ 18ತ ಗುರುವಾರ ಕಟ್ಟಿಯೆರ್ ಪನ್ಪಿ ಬರವು ಅಯಿತ್ತ ಗದ್ದಿಗೆ ಮಂಟಪದ ಕಲ್ಬರವುಡು ಉಂಡು. ಆಯಿಟ್ಟ್ ತುಳುದೇಶನ್, ಕುಡ್ಲನ್ ಇಂಚ ಬಣ್ಣನೆ ಮಲ್ತ್ದೆರ್-
ಸಾರತರ ದುಮಪ್ರತತಿಯಿಂ ಪರಿಶೋಭಿಪ ಗೋಪ್ರತಾನದಿಂ
ತೀರ ಮರಾಳ ಸಾರಸದಿನೊಪ್ಪುವ ನಂದನ ವೃಂದದಿಂ ಪಯಃ
ಪೂರ ಸರಃ ಸರೋಜವನದಿಂ ಬಿನದಕ್ಕೆಡೆಯಾದ ತಾಣದಿಂ
ದಾರ ಮನಕ್ಕೆ ಮಾಡದೊಲವಂ ತುಳುದೇಶಮನೇಕ ದೇಶದೊಳ್ ||5||
ಆ ತುಳುದೇಶದಲ್ಲಿ
ಚಲದೂರ್ಮ್ಮಿವ್ರಾತಜಾತ ಪ್ರಹರಣರಣಕೃದ್ವಾರ್ಧಿಯಿಂ ಮುಂದೆ ಸಾಲಂ
ಬಳಸಲ್ನಾನಾ ಮಣಿಪ್ರಸ್ಫುರಿತ ಪರಿವೃಢಾಗಾರದಿಂ ವಾರನಾರೀ
ಕುಲದಿಂ ಸ್ವರ್ಣಾದಿ ಪೂರ್ಣಾಪಣಗಣದಿನಣಂ ಶೋಭಿಕುಂ ಮಂಗಲೂರಾ
ಸ್ಥಲದೊಳ್ ವ್ರೀಹ್ಯಾದಿ ಸಸ್ಕೋತೃರುಷ ಹರುಷಿತಾತ್ಮೀಯ
ಪೌರ ಪ್ರತಾನಂ
ಆ ಬಸದಿಡ್ ಭೈರಾದೇವಿ ಮಂಟಪದ ತಿರ್ತಕಲ್ಲ್‌ಲೆಡ್ ಜಿರಾಫೆ ಪನ್ಪಿ ಆಫ್ರಿಕದ ಕಾಡ್‌ದ ಜಿಂಕೆದಂಚಿನ ಉದ್ದದ ಕೆಕ್ಕಿಲುಪ್ಪುನ ಪ್ರಾಣಿದ ಬೊಕ್ಕ ಚೀನ ದೇಶದ ಪುರಾಣ ಪ್ರಾಣಿಯಾದುಪ್ಪುನ ಡ್ರೆಗನ್ ಪನ್ಪಿನ ಜೀವಿದ, ಭಾರತ ವರ್ಷಡ್ ಪ್ರಾಯಃ ಆ ಕಾಲದ ಕಟ್ಟೊಣೊಡು ತುಯೆರೆ ತಿಕ್ಕಂದಿನ ಬಾರಿ ವಿಸ್ಮಯ ಕೊರ್ಪಿನಂಚಿನ ಚಿತ್ರೊಲು ಆಯಿಟ್ಟ್ ಕೆತ್ತ್ದುಂಡು. ಅಂಚನೇ ಚೌಟೆರೆ ಅರಮನೆಟ್ಟ್ ಬಾರಿ ಪೊರ್ಲುದ ಮರತ್ತ ಕೆತ್ತನೆಲ್, ಜಾಲಾಕ್ಷ ಕಂಡಿಲು, ಕಂಬೊಲುಲಾ ಉಲ್ಲೊ. ಅಯಿಟ್ಟ್ ಪಟ್ಟದ ಚಾವಡಿಡ್ ಉಪ್ಪುನ ಕಂಬೊಲೆಡ್ ಕೆತ್ತ್‌ದ್‌ನ ಪಂಚನಾರೀ ತುರಂಗ, ನವನಾರೀ ಕುಂಜರ ಬಾರಿ ಪೊರ್ಲುದವು.
ಇತ್ತೆದ ಉಡುಪಿ ಪನ್ಪುನ ಊರುದ ಪುದರ್‌ ನಿಜವಾದ್ ಅಂಚತ್ತ್. ಅಲ್ಪದ ಕಲ್ಬರವುಡ್ ಕೆಳದಿನೃಪವಿಜಯಡ್‌ಲಾ ಅಯಿತ್ತ ಷಷ್ಠೀ ವಿಭಕ್ತಿದ ಏಕವಚನ 'ಉಡುಪಿನ' ಪಂದ್ ಉಪ್ಪುನೆರ್ದ್ ಅವು 'ಉಡುಪು' ಪಂದ್ ಉಪ್ಪೊಡ. ತುಳುಟ್ಟು ಅಯಿನ್ 'ಉಡ್ಪು - ಒಡ್ಪು' ಪಂಡ್‌ದ್ ಪನ್ಪೆರ್.
ಉಡುಪಿಡ್ ಪ್ರಖ್ಯಾತವಾಯಿನ ಶ್ರೀ ಕೃಷ್ಣನ ಮಠ ಉಂಡು. ಅಲ್ಪದ ಶ್ರೀ ಕೃಷ್ಣನ ಮೂರ್ತಿನ್ ಶ್ರೀ ಮಧ್ವಾರ್ಚಾಯೆರ್ (ಕ್ರಿ.ಶ.1238-1318)ಕ್ರಿ.ಶ.ಸು. 1270-80ಡ್ ಪ್ರತಿಷ್ಟಾಪನೆ ಮಲ್ತ್ದೆರ್. ಆ ಮಠಟ್ಟ್ ಮಸ್ತ್ ಕಲ್ಬ್‌ರವುಲು ಉಂಡು. ಅಯಿಟ್ಟ್ ರಡ್ಡ್ ಕಲ್ಬರವುಡ್ ಪೊರ್ತುಗೀಸೆರೆನ ಬಲಾತ್ಕಾರಗ್ ಗುರಿಯಾದ್ ಅಕ್‌ಲೆನ ಅಪ್ಪೆನೆಲವಾಯಿನ
ರಾಷ್ಟ್ರಕವಿ ಗೋವಿಂದ ಪೈ / 16
