ಉಪ್ಪೆರೆ ಯಾವು. ಪಶ್ಚಿಮ ಕರಾವಳಿಡ್ ಕಚ್ಚ್ (ಜವುಗು) ಭೂಮಿದ ಪ್ರದೇಶ ಪಂಡ್ದ್ ಮಹಾಭಾರತದ ಭೀಷ್ಮ ಪರ್ವಡ್ ಬರ್ಪಿ ಉದಾರ್ಮೆ ಇಂಚ ಉಂಡು-
ತತಃ ಕಚ್ಚಗತೋ ಧೀಮಾನ್ ದೂತಾನ್ ಮಾದ್ರವರೀಸುತಃ
ಕಟ್ಟೋ ಗೋಪಾಲಾಕಕ್ಷಾಶ್ಚ ಜಾಂಗಲಾಃ ಕರುಕರ್ಣಕಾಃ
ಚೇರ್‌ ಪಂಡ್ಂಡ ಕೆಸ‌ರ್ ಪನ್ಪುನೆರ್ದ್ ಚೇರ ಪಂಡ್ದ್ ಕೇರಳಗ್ ಪುದರಾಂಡ್. ತಮಿಳ್‌ನ್ ದಿವೊಂದು ತುಳುತ್ತ ನಿಷ್ಪತ್ತಿನ್ ತೂಪುಂಡ ತಮಿಳ್‌ಡ್ ತುಳ್ಯೆ ಪಂಡ ನೀರ್‌ಡ್ ಜಲ್ಲಪಾಡ್‌ ಪಂಡ್ದ್, ತುಳ್ಳ ಪಂಡ ಮುರ್ಂಗ್, ನೀರ್‌ಡ್ ಗೊಬ್ಬು ಪಂಡ್ದ್, ತುಳ್ಳೆಯಮ್ ಪಂಡ ನೀರ್‌ಡ್ ಗೊಬ್ಬುನೆ ಪಂದ್ ಅರ್ಥಉಂಡು. ಹರಿವಂಶರ್ದ್ ತುಳುನಾಡ್‌ದ ಜನಕ್‌ಲೆನ ಬಗೆಟ್ಟ್
ತಸ್ಯ ದಾಶಾ ಜಲೇ ಮಗ್ನಾ...... ಸಮುದರಚಾರಿಣಃ॥
ಕಡಲ ಕರೆತ ಪ್ರದೇಶವಾದಿತ್ತಿನ ಈ ನಾಡ್‌ಡ್ ಆ ಕಾಲದ ಅಂಬಿಗೆರ್, ಮೀನ್ ಪತ್ತುನ ಬೆಸ್ತೆರ್ ಸಹಜವಾದ್ ಮಸ್ತ್ ಇತ್ತೆರ್. ದಾಶಭೂಯಿಷ್ಟವಾದ್ ಪ್ಪೊಡಾಯಿನ ಈ ದೇಶ ಆಯಿರ್ದ್ ಆದೇ ತುಳು ಪಂಡ್ದ್ ಲೆಪ್ಪವೊಂದುಪ್ಪೆರೆ ಯಾವು.
ಹೊಯ್ಸಳೆರೆನ ಕಲ್ಬರವುಲೆಡ್ ತುಳುನಾಡ್‌ನ್ ಆಳ್ವಖೇಡ' ಪಂಡ್ದ್ 'ತುಳುನಾಡ್' ಪಂಡ್ದ್ ಲೆತ್ತ್‌ನೆನ್ ತೂನಗ ಈ ದೇಶ ರಡ್ಜ್ ಪುದರ್‌ಡ್ ಲೆಪ್ಪವೊಂದ್‌ ಇತ್ತಂಡ್ ಪಸ್ಪುನವು ತೆರಿದ್ ಬರ್ಪುಂಡು.
ತುಳುನಾಡ್ ಬಾರಿ ಪಿರಾಕ್‌ಡ್ ನಾಗ ಪನ್ಪಿ ಜನಕುಲು ಬದುಕೊಂದು ಇತ್ತೆರ್. ಆಕ್‌ಲ್ ನಾಗನ ಪೂಜೆ ಮಲ್ತೊಂದು ಇತ್ತಿನ ಕಾರಣ ಅಕ್‌ಲೆನ್ 'ನಾಗೆರ್' ಪಂದ್ ಲೆತ್ತೊಂದಿತ್ತೆರೋ ಅತ್ತ್ಂಡ 'ನಾಗೆ' ಅಕ್‌‌ಲೆನ ಲಾಂಛನವಾದಿತ್ತಿನ ಕಾರಣ ಅಕ್‌ಲೆಗ್ ಆ ಪುದರ್ ಬತ್ತಂಡ ಪನ್ಪಿನೆನ್ ಸ್ಪಷ್ಟವಾದ್ ಪನಿಯೆರ ಅಪುಜಿ. ತುಳುನಾಡ್‌ಡ್ ಮಸ್ತ್ ನಾಗಾರಾಧನೆದ ದೇವಸ್ಥಾನೊಲು ಉಲ್ಲ ಸುಬ್ರಹ್ಮಣ್ಯ, ಮಂಜೇಶ್ವರ, ಕುಡುಪು, ಬಳ್ಳಮಂಜ, ಕಾಟುಕುಕ್ಕೆ ಅಂಚನೆ ಪ್ರತಿಯೊಂಜಿ ಇಲ್ಲಲ್‌ಲಾ ಪ್ರತಿವರ್ಸ ನಾಗರಪಂಚಮಿದಾನಿ ಆಂಡಲಾ ನಾಗಾರಾಧನೆ ನಡಪುಂಡು. ಅಂಚಾದ್ ಪಿರಾಕ್‌ರ್ದೆ ನಾಗ ಆಚರಣೆ ಮಲ್ತೊಂದು ಬತ್ತಿನೈರ್ದ್ ಈ ಪುದರ್ ಬತ್ತ್‌ದಿಪ್ಪು. ಅಂಡ ತುಳುನಾಡ್‌ನ್ ಬೊಕ್ಕ ಕೇರಳದ ದೇವಸ್ಥಾನೊಲೆಡ್ ನಾಗದೇವತೆನ್ ಶ್ರೀ ಶಿವನ ಮಗೆ ಆಯಿನ ಸ್ಕಂದನೊಟ್ಟುಗೆ ಸ್ವೀಕರಿಸಾದ್ ಸುಬ್ರಹ್ಮಣ್ಯ ಪನ್ಪಿ ಪುದರ್‌ಡ್ ಪೂಜೆ ಮಲ್ಪುನೆ. ಅತ್ತಂದೆ ನಾಗದೇವಾಲಯ‌ಡ್ ಅಪುನ ಪ್ರತಿ ಸಾಂವತ್ಸರಿಕ ರಥೋತ್ಸವನ್ ಮಾರ್ಗಶಿರ ಶುಕ್ಲ 6ದ ಸ್ಕಂದ ಷಷ್ಠಿದಪಗ ನಡಪವೆರ್. ಉಂದು ಬೇತೆ ವಾ ಜಾಗೆಡ್ಲಾ ತೋಜುಜಿ.
ನನೊಂಜಿ ಪುದರ್ ಪೋಯಿನ ಜಾಗೆ ಪಂಡ ಧರ್ಮಸ್ಥಳ, ಅಡೆಗ್ ದುಂಬು 'ಕುಡುಮ' ಪನ್ಪಿ ಪುದರ್ ಇತ್ತ್ಂಡ್. ಉಡುಪಿದ ಅಷ್ಟಮಠಕ್ಕುಲೆಡ್ ಒಂಜಾಯಿನ ಸೋದೆ ಮಠತ್ತ ಶ್ರೀ ವಾದಿರಾಜ ಸ್ವಾಮಿಲ್ (ಕ್ರಿ.ಶ.1480-1600) ಒರ ಕುಡುಮದ ಸಾದಿಯಾದ್ ಪೋನಗ 'ದೇವಸ್ಥಾನ ಇಜ್ಯಂದಿನವುಲ್ ಎಂಕುಲು ಉಂತಯ, ಬಿಕ್ಷೆ
ರಾಷ್ಟ್ರಕವಿ ಗೋವಿಂದ ಪೈ / 14
