'ತೌಲವೆರ್' ಪಂಡ್ದ್ ಪುದರಾಂಡ್.
ತುಲಾಭಾರ ಇತಿ ಪ್ರಾಹುಸ್ತಂ ನೃಪಂ ದ್ವಿಜಸತ್ತಮಾಃ|
ತುಲಾರಾಜಂ ತಮಪರೇ ತುಲಾದೇಶಾಧಿಪಂ ತಥಾ।
ತದ್ದೇಶೇ ಚ ಸ್ಥಿತಾಃ ಸರ್ವೇ ತೌಲವಾ ಇತಿ ಚಾ ಭವನ್||
ತುಲಾ ಪುರುಷೆ ಈ ನಾಡ್ದ ರಾಜೆ ಆದ್ ರಾಜ್ಯಭಾರ ಮಲ್ತ್ನೆರ್ದ್ ಈ ದೇಶೊಗ್ ತುಳುದೇಶ ಪನ್ಪಿ ಪುದರ್ ಬತ್ತ್ಂಡ್.
ಈ ಕಟ್ಟ್ಕತೆನ್ ಅಂಚನೆ ಬುಡೊಲಿ. ದಾಯೆಪಂಡ ಅಚ್ಚ ಅನಾರ್ಯ ದೇಶೊಲಾಯಿನ ಚೋಳ, ಪಾಂಡ್ಯ, ಚೇರಗ್ಲೆಗ್ ದ್ರಾವಿಡ ಬಾಸೆರ್ದ್ ಪುದರಾಯಿನಂಚ ದ್ರಾವಿಡ ಬಾಸೆರ್ದ್ ಪುಟ್ಟಿನ ತುಳು ಪನ್ಪಿ ಪುದರ್ನ್ ಸಂಸ್ಕೃತರ್ದ್ ಪುಟ್ಟಯೆರೆ ಬೋಡಾದ್ ಕಟ್ಟ್ದಿನ ಕಟ್ಟ್ಕತೆನ್ ನಂಬ್ಯರೆ ಸಾಧ್ಯತಿಜ್ಜಿ.
2. ಕುಂದಾಪುರ ತಾಲೂಕುದ ಕೋಟೇಶ್ವರಡ್ ಆಳಿನ ತುಳುಂಬ ಪೆರುಮಾಳ್ ಪನ್ಪಿ ರಾಜನ ಪುದರ್ರ್ದ್ ಈ ನಾಡ್ಗ್ ತುಳು ಪನ್ಪಿ ಪುದರಾಂಡ್ಗೆ, ಉಂದೆನ್ ಒಪ್ಪೆರಾಪುಜಿ. ದಾಯೆಪಂಡ ಅಯೆ ಐತಿಹಾಸಿಕ ಕಾಲಗ್ ದುಂಬುಡು ಇತ್ತೆ ಪ೦ಡ್ದ್ ಇತ್೦ಡಲಾ ಆಯೆಗ್ ಪೆರುಮಾಳ್ (ಅರಸ) ಪನ್ಪಿ ಅಚ್ಚ ತಮಿಳ್ದ ಬಿರ್ದ್, ತುಳುವ ಸಬ್ಬದ ತಮಿಳ್ ರೂಪಾಂತರವಾಯಿನ ತುಳುಂಬ ಪನ್ಪಿ ಪುದರ್ ಇತ್ತಿನ ಕಾರಣ, ಆಯೆ ಆ ಪುದರ್ಡ್ ಮುಲ್ಪ ಅತ್ತ್ ಆಯೆ ತಮಿಳುನಾಡ್ಡ್ ಪುದರ್ಗ್ ಬರೊಡಾಂಡ್ ಪನ್ಪುನವು ನಂಕ್ ಪ್ರತ್ಯಕ್ಷವಾದ್ ತೋಜುನ ಕಾರಣ ಆಯನ ಅಂಕಿತನಾಮನೇ ತುಳುಂಬ(ತುಳುವ) ಪಂಡ್ದ್ ಉಪ್ಪಂದೆ ತುಳುವೆರೆ ಅತ್ತ್ಂಡ ತುಳುದೇಶದ ಅರಸು ಆಯಿನೆರ್ದ್ ಆಯೆ ತುಳುಂಬ ಪೆರುಮಾಳ್ (ತುಳುವ ಅರಸು) ಪಂಡ್ದ್ ತಮಿಳು ದೇಶೊಡು ದಾಯೆ ಲೆತ್ತ್ದುಪ್ಪೆರೆ ಬಲ್ಲಿ? ಅಂಚಾಂಡ ಆಯರ್ದ್ ಈ ರಾಜ್ಯೋಗು ಎಂಚ ತುಳು ಪಂಡ್ದ್ ಪುದರ್ ಬತ್ತ್ ದುಪ್ಪೆರೆ ಸಾಧ್ಯ?
ಅಂಚನೆ ನನೊಂಜಿ ಊಹೆಲಾ ಉಂಡು ಪೆಲಕಾಯಿಡ್ ಗಟ್ಟಿ ಪಚ್ಚಲುಪ್ಪುನೆನ್ ಬರಿಕ್ಕೆ ಪಂಡ್ದ್ಲಾ ಮೆತ್ತನೆ ಉಪ್ಪುನೆನ್ ತುಳುವೆ ಪಂಡ್ದ್ ಲೆಪ್ಪುವೆರ್. ಅಂಚಾದ್ ತುಳುವೆ ಮೆತ್ತನೆ ಉಪ್ಪುನಕ್ಲ್, ಮೆತ್ತನೆದ ಸ್ವಭಾವದಕುಲು, ಎಡ್ಡೆಂತಿನಕುಲು, ಸಜ್ಜನೆರ್ ಪನ್ಪಿ ಅರ್ಥೊಡು ನೆರೆಕರೆತಕಲ್ ಲೆತ್ತ್ದುಪ್ಪೆರೆ ಯಾವು ಅಂಡ ಉಂದೆನ್ಲಾ ಒಪ್ಪೆರೆ ಆಪುಜಿ, ದಾಯೆಪಂಡ ಆಯಾ ಜನಕುಲೆನ ಗುಣ ಅವಗುಣನ್ ದಿವೊಂದು ಆಯಾ ನಾಡ್ಗ್ ಪುದರ್ ಬರಿಯೆರೆ ಸಾಧ್ಯ ಇಜ್ಜಿ.
ಅತ್ತಂದೆ ಸಮರ್ಥರ್, ಶಕ್ತೆರ್ ಪನ್ಪಿ ಅರ್ಥ ಉಪ್ಪುನ ಆರ್ಗಳ್' ಗುಣನಾಮನ್ “ಅರ್ಗಳೆನಲ್ ತುಳುವರ್' ಪಂಡ್ದ್ ಚತುರಾಸ್ಯ ನಿಘಂಟ್ಡ್ ತುಳುತಕ್ಲೆಗ್ ಹೊಂದಿಸಾಯಿನ ಉದಾರ್ಮೆ ಬಾರಿ ಇಂಚಿಪ್ಪದ. ತುಳುವಗತ್ತಿ ಪನ್ಪಿ ಕತ್ತಿಲಾ ಉಂಡು.ಆಂಡ ಈ ವಾದಡ್ ದಾದಾಂಡಲಾ ತಿರ್ಲ್ ಇತ್ತ್೦ಡ ಈ ನಾಡ್ದ ಕಡಲ ಕರೆತ ಮಣ್ಣ್ನ್ ಹೋಲಿಕೆಡ್ ಸಹಜವಾದ್ ಮತ್ತನೆ ಉಪ್ಪುನೆರ್ಧ್, ಮೆತ್ತನೆ ಮಣ್ಣ್ದ ಪ್ರದೇಶ ಪನ್ಪುನ ಆರ್ಥೊಡು ಈ ದೇಶೊಗ್ ತುಳುವ ಪನ್ಪುನ ಪುದರ್ ಬತ್ತ್ದ್
ರಾಷ್ಟ್ರಕವಿ ಗೋವಿಂದ ಪೈ / 13
