ಪುಟ:ರಾಷ್ಟ್ರಕವಿ ಗೋವಿಂದ ಪೈ.pdf/೨೧

ತುಳುತ್ತ ಬಗೆಟ್ ಗೋವಿಂದ ಪೈಕುಲು ಬರೆಯಿನ ವಿಚಾರೊಲು
ಮಂಜೇಶ್ವರ ಗೋವಿಂದ ಪೈಕುಲು ತುಳು ಬಾಸೆಗ್ ಸಮ್ಮಂದವಾದ್ ಭೊಕ್ಕ್ಕ ತುಳುತ್ತ ಪುಟ್ಟುದ ಬಗೆಟ್ ಮಸ್ತ್ ಬರೆತೆರ್.ಅಯಿಟ್ ಕೆಲವು ಭಾಗೊನು ಮಾತ್ರ ಈ ಬೂಕುಡು ಕೊರೊಂದುಲ್ಲೆ.ವಿವರವಾದ ಪೈಕುಲೆನ ಬಗೆಟ್ ಮಸ್ತ್ ಜನ ಕನ್ನಡಡ್ ಬರೆತೆರ್. ಪಂಚವ ಮಹಾರಾಯ ಪನ್ಪಿ ಕೊಂಗಾಳ್ವೆ ಒರಿ ರಾಜನ ಕ್ರಿ.ಶ. 1012ದ ಬಲ್ಕುರಿಕ ಕಲ್ಬರವುಡ್ 'ತುಲುವ' ಪಂಡ್‌ದ್ ತುಳುನಾಡ್‌ದ ಪುದರ್ ಉಂಡು ಉಂದುವೇ ಇಡೆ ಮುಟ್ಟ ತಿಕ್ಕನ ಕಲ್ಭರವುಲೆಡ್ ಪ್ರಾಯಃ ಸುರುತ್ತ ಉಲ್ಲೇಖನ ದಾನ್ನೊ ಪನ್ನೆರ್. ಹೊಯ್ಸಳ ವಿಷ್ಣುವರ್ಧನನ (ಕ್ರಿ.ಶ.1111-41) ಒಂಜಿ ಕಲ್ಬರವುಡ್ ಏಳ್ತುಳುದೇಶೂಲೆನ ಬಗೆಟ್ ಪಂತ್‌ಂಡ್. ಅವು ಸಪ್ತಕೊಂಕಣದ ಆ ಏಳ್ ದೇಶೋಲೆನೆ ತುಳು ದೇಶೂಲುಂದ್ ಪಂಡ್‌ದಿಪ್ಪೆರೆ ಯಾವ? ಹೊಯ್ಸಳರೆನ ನನಲಾತ್‌ ಕಲ್ಬರವುಲೆಡ್ತುಳುನಾಡ್‌ದ ಬಗೆಟ್‌ ದಾಖಲೆಲು ತಿಕ್ಕುಂಡು. ವಿಜಯನಗರದಕ್‌ಲೆನ ಆಡಳಿತ ಕಾಲೊದ ಕಲ್ಬರವುಡ್ ತುಳುದೇಶ, ತೌಳವದೇಶ,ತುಳುರಾಜ್ಯ ಅತ್ತಂದೆ- ಬಾರಕೂರರಾಜ್ಯ, ಬಾರಕೂರ ತುಳುರಾಜ್ಯ, ಮಂಗಲೂರ ಬಾರಕೂರ ರಾಜ್ಯ, ಮಂಗಲೂರ ರಾಜ್ಯ ಪನ್ನಿನ ಬರವುಲು ಉಂಡು. ಹರಿಹರನ (ಕ್ರಿ.ಶ. 1150-1230) ಬಸವರಾಜ ದೇವರ ರಗಳೆಡ್ - `ಇದು ತುಳುವ ಮಲೆಯಾಳ ದೇಶಗಣ ದೊತ್ತೊತ್ತಿ ಪನ್ಪಿನವುಲು ತುಳು ದೇಶದ ಪುದರುಂಡು.
ತುಳುನಾಡ್‌ಡ್ ಬ್ರಾಣೆರತ್ತಂದಿನಕುಲು ಆರಾಧನೆ ಮಲ್ಪುನ ಬೊಕ್ಕ ಬ್ರಾಣೆರ್ಪೂಜೆ ಮಲ್ಲುನ ಭೂತೊಲು ಉಂಡು, ಅಯಿಟ್ಟ್ ಪ್ರತ್ಯೇಕ ಭೂತೊಲೆಗ್ ಅಯಿನ ಚರಿತ್ರೆನ್ ಪುಗರುನ ಪಾಡ್ದ್ ನ(ಸಂಸ್ಕೃತೊಡು ಪ್ರಾರ್ಥನೆ) ಪನ್ಪಿ ತುಳು ಬಾಸೆದ ಮಸ್ತ್ ವಚನ ಕಾವ್ಯೊಲುಂಡು. ಅಯಿನ್ ಆಯಾ ಭೂತದ ಆಯನ (ಉತ್ಸವ)ದ ಸಮಯೊಡು ದರಿಪ್ಪುನಾಯನ ಒಟ್ಟುಗುಪ್ಪುನಕುಲ್ ಅಯಿತ್ತ ಭೂತಸ್ಥಾನದ ಕಯಿತ್ತಲ್‌ಡ್ ಕುಳ್ಳುದ್ಪನ್ನೆರ್, ಆ ಪಾಡ್ಡನಲೆಡ್ ತುಳುರಾಜ್ಯ ಪಂಡ್‌ದ್‌ ಉಂಡು, ಉದಾರ್ಮೆಗ್ 'ತುಳು ರಾಜ್ಯೋಗಟ್ಟ ಜಪ್ಲೊಡು ತುಳುವೆರೆನ್ ತೂವೊದಂದರ್ ಪನ್ಪಿ ಸಬ್ಬೊಲು ಬರ್ಪ.
ತುಳು ಪದತ್ತ ನಿಷ್ಪತ್ತಿ ಎಂಚ ಪನ್ನಿನೆತ್ತ ಬಗೆಟ್ ರಡ್ಡ ಐತಿಹ್ಯಲೆನ್ ಪೈಕುಲು ಪರ್-
1.ಪರಶುರಾಮೆ ಸಮುದ್ರರಾಜರ್ದ್ ಈ ಭೂಮಿನ್ ಪಡೆವೊಂದು ಅಯಿನ್ಆಳಿಯೆರೆ ರಾಮಭೋಜ ಪನ್ಪುನ ಬ್ರಾಣ ಅರಸುನ್ ನೇಮಕ ಮಲ್ಲುವೆ. ಆ ರಾಜೆ ರಜತ ಪೀಠ (ಇತ್ತೆದ ಉಡುಪಿ)ಡ್ ಆಯನ ಅರಮನೆ ಮಲ್ತ್‌ದ್ ಬಾರಿ ಮಿನದನೊಡು ಆಡಳಿತನ್ ಭಾರ್ಗವನ ಆಜ್ಞೆದ ಪ್ರಕಾರವಾದ್ ನಡಪಾವೊಂದು ಇತ್ತೆ. ಆಯೆ ಒಂಜಿ ಸರ್ತಿ ಉಚ್ಚುನು ಕೆರೆನ್ ಪಾಪ ನಿವಾರಣೆಗಾದ್ ತುಲಾದಾನ ಮಲ್ಲೊಡಾದ್ ಬತ್ತ್ಂಡ್.
ತುಲಾಪುರುಷ ದಾನಾನಿ ತುಲಾಭಾರಾಂಶ್ಚ ಸರ್ವಶಃ ಬಂಗಾರ್‌ಡ್‌ ತುಲಾಭಾರ ಮಲ್ತ್‌ದ್, ಆಯಿನ್ ದಾನ ಮಾಲ್ತಿನೆರ್ದ್ ಬೊಕ್ಕ ಆಯನ್ ತುಲಾಭಾರ, ತುಲಾರಾಜ, ತುಲಾದೇಶಾಧಿಪ ಪನ್ಪಿ ಪುದರ್‌ಡ್‌ ಲೆತ್ತೆರ್.ಆ ರಾಜ್ಯನ್ ಆಳುನಾಯಗ್ 'ತುಲಾಪುರುಷೆ'ಂಧ್ಲಾ ಆ ರಾಜ್ಯಡ್ ಉಪ್ಪುನಕ್‌ಲೆಗ್
ರಾಷ್ಟ್ರಕವಿ ಗೋವಿಂದ ಪೈ / 12