ಹರಿಜನಕ್ಲೆಗ್ ಸುರುಕು ಎಲ್ಯನೇ ಆಂಡಲಾ ದೇವಸ್ಥಾನ ಕಟ್ಟದ್ ಕೊರ್ದ್ ಹರಿಜನಕ್ಲೆನ ಉದ್ಧಾರಗ್ ಬಾಸೆ ಪಾಡೊನ್ನ ನಮ್ಮ ನಮ್ಮ ದೇವಸ್ಥಾನಲೆಗ್ ಪೋಪನೆನ್ ಬುಡ್ಡು ಹರಿಜನಕ್ಲೆನ ದೇವಸ್ಥಾನಗ್ ಪೋಪುನ ಎಡ್ಡೆ ಅತ್ತ?' ಪಂಡೆರ್ಗೆ ಪೈಕುಲು. ಪೈಕುಲೆರ್ದ್ ಬೊಕ್ಕ ಪಾತರ್ನ ಹರಿಜನಕ್ಸ್ಲೆನ ಉದ್ದಾರ ಮಲ್ಪೊಡು ಪಂಡ್ದ್ ದೃಢ ಸಂಕಲ್ಪ ಮಲ್ತ್ದ್ ಇತ್ತಿನ ಕಿಲ್ಲೆರ್ ಪೈಕುಲ್ ಮಲ್ತ್ನ ಸೂಚನೆ ಸರಿಯಿಜ್ಜಿ. ದಾಯೆ ಪಂಡ ಉಚ್ಚ ಜಾತಿದಕುಲು ಹರಿಜನಕ್ಲೆನ್ ನಮ್ಮ ದೇವಸ್ಥಾನದ ಉಲಯಿ ಬರಿಯೆರೆ ಬುಡಂದೆ ಉಪ್ಪೋಲಿ ಅತ್ತಂದೆ, ಆಕ್ಲ್ ಹಿಂದು ಧರ್ಮದಕಲ್ ಅತ್ತ್ಂದ್ ಪನೆರೆ ಸಾಧ್ಯ ಇಜ್ಜಿ. ಅಂಚಾದ್ ಅಕ್ಲೆಗ್ ಬೇತೆ ದೇವಸ್ಥಾನ ಕಟ್ಟಾದ್ ಕೊರ್ಂಡ ಅಕ್ಲೆನ ಅಸ್ಪೃಶ್ಯತೆ, ಅಕ್ಲೆನ ಸಮಸ್ಯೆ ಅಂಚನೇ ಉಪ್ಪುಂಡು ಅಯಿನ್ ಪರಿಹಾರ ಮಲ್ತಿಲೆಕ ಆಪುಜಿ. ಅಯಿಕ್ಕ್ ಉಪ್ಪುನ ಒಂಜೇ ಸಾದಿ ಪಂಡ ಉಚ್ಚ ಜಾತಿದಕ್ಲ್ ಹರಿಜನಕ್ಲೆನ್ ನಮ್ಮ ದೇವಸ್ಥಾನದ ಉಲಯಿ ಬುಡುಪುನವೇ. ಅಯಿಟ್ಟ್ ನಮ್ಮ ಶಕ್ತಿ ಕಾಲ ಹಾಳ್ ಅಯರ ಇಜ್ಜಿ ಅವು ದುರ್ವ್ಯಯ ಅತ್ತ್, ಸದ್ ವ್ಯಯನೇ ಸರಿಂದ್ ಪಂಡೆರ್. ಆ ಪೊರ್ತುಗು ಪೈಕುಲೆನ ಕಣ್ಣ್ ಬುಲ್ಲಯಿಲೆಕಾಂಡ್ಗೆ. ಅರೆನ ಪಾತೆರನ್ ಪೈಕುಲ್ ಒಪ್ಪ್ಯೆರ್ಗೆ, ಅರೆನ್ ಭಲೆ ಪಂಡೆರ್ ಅಗತ್ಯ ಇಜ್ಜಂದಿನ ಚರ್ಚೆಗ್ ಎನ್ನ ಶಕ್ತಿ ಹಾಳಾದ್ ಪೋಪುನೆನ್ ಸರಿಯಾಯಿನ ಸಾದಿಗ್ ಕೊನತ್ತ್ನ ಕಿಲ್ಲೆರೆನ ಶಕ್ತಿ, ಅವೆನ್ ಸಾದಿಸವುನ ಗುರಿಲಾ ಅರೆಡ ಇತ್ತಂಡ್.
1941 ಜುಲಾಯಿ 20ಕ್ಕ್ ಕಾಮತೆರ್ನ ಗೌರವಾರ್ಥವಾದ್ ಕುಡ್ಲದ ಬೆಸೆಂಟ್ ಬಾಲಿಕಾ ಸಾಲೆಡ್ ಒಂಜಿ 'ಸರ್ವೆಷಾಂ ಮಹಾಜನಾಂ ಐಕ್ಯ ಭೋಜನ' ಆಂಡ್. ಅಯಿನ್ ಕಿಲ್ಲೆರ್ ಏರ್ಪಾಡ್ ಮಲ್ತ್ದಿತ್ತೆರ್. ಆರೆಡ್ಡಾದ್ ಅವು ಬಾರಿ ಪೊರ್ಲುಡೆ ಆಂಡ್. ಅಯಿಕ್ ಬರಂದ್ನ ಜಾತಿ ಇಜ್ಜಿ. ತುಳುನಾಡ್ದ ಮೂಲ ನಿವಾಸಿಲ್ ಪಂಡ್ದ್ ಲೆಪ್ಪುನ ಕೊರಗೆರ್ಲಾ ಅಯಿಕ್ಕ್ ಬತ್ತ್ದಿತ್ತೆರ್, ಒಣಸ್ದ ಪೊರ್ತುಡು ಕಿಲ್ಲೆದಾರ್ ಭಾಷಣ ಮಲ್ತ್ದ್ ಅಸ್ಪೃಶ್ಯತೆ ನಿವಾರಣೆ ಮಲ್ಪೊಡು ಪನ್ಪಿ ಮಹಾತ್ಮಗಾಂಧಿ ಬೋಧನೆ ಮಲ್ತಿನ ತತ್ತ್ವದ ಬೇರ್ಗ್ ಈ ಜಿಲ್ಲೆರ್ದ್ ನಮಲಾ ಒಂತೆ ನೀರ್ ಮೈತ್ತಿಲೆಕಾಂಡ್" ಪಂಡ್ದ್ ಪಂಡೆರ್.
1949ನೇ ಜನವರಿ 31ನಾನಿ ಪೈಕುಲು ಆರೆನ ಮಲ್ಲಕ್ಕಡ ಪಾತೆರ್ದ್ ಬರ್ಪೆಂದ್ ಕುಡ್ಲಗ್ ಪೋಯೆರ್. ಅಕ್ಕಡ ಪಾತೆರ್ದ್ ಪಿರ ಮಂಜೇಶ್ವರೊಗು ಪಿದಾಡ್ಡುಂತುನಗ ಬಾಕಿಲ್ಗೊಂಜಿ ಜಟ್ಕಾಗಾಡಿ ಬತ್ತ್ಂಡ್, ಗಾಡಿ ಉಂತದ್, ಬತ್ತಿನ ಜಟ್ಕಾದಾಯೆ ಪೈಕುಲೆಡ 'ಈರ್ ಅರ್ಜಂಟಾದ್ ಕಿಲ್ಲೆರೆನೊರ ತೂದು ಪಾತೆರೊಡುಗೆ' ಆರ್ ರಥ ಬೀದಿಡುಪ್ಪಿನ ಬಂಟ್ವಾಳ ದಾಮೋದರ ಬಾಳಿಗೆರೆನ ಪುಸ್ತಕೊದಂಗಡಿಡ್ ಕುಲೊಂದುಲ್ಲೆರ್. ಬಲೆ ಜಟ್ಕಾಡ್ ಪೋಯಿ ಪಂಡೆ.' ಪೈಕುಲು ಜಟ್ಕಾ ಮಿತೇರ್ದ್ ಕುಲ್ಲುದು ರಥ ಬೀದಿದ ಬಾಳಿಗೆ ಅಂಗಡಿದಾಡೆ ಬತ್ತೆರ್. ಅಲ್ಪ ಕುಲ್ದಿನ ಕಿಲ್ಲೆರ್ ಪೈಕುಲೆನ್ ತೂದು ಪಿದಯಿ ಬತ್ತ್ದ್ 'ಈರ್ ಇತ್ತೆ ಮಂಜೇಶ್ವರೊಗು ಪಿದಾನ್ನಾರಾಂದ್' ಕೇಂಡೆರ್. ಅಯಿಕ್ ಪೈಕುಲು 'ಅಂದ್, ರೈಲ್ಗ್ ಪೊರ್ತಾಂಡ್' ಪಂಡೆರ್. 'ಅಪಗ ಪಾತೆರೊಂದೇ ಪೋಯಿ' ಪಂಡ್ದ್ ಕಿಲ್ಲೆರ್ ಪೈಕುಲೆನೊಟ್ಟಿಗೆ ನಡತೊಂದು ರೈಲ್ವೇ ಸ್ಟೇಶನ್ ದಂಚಿ
ರಾಷ್ಟ್ರಕವಿ ಗೋವಿಂದ ಪೈ / 9
