ಬುಡೆದಿ ತೀರಿ ಬೊಕ್ಕ ಪೈಕುಲು ಪದ್ಯೊಲೆನ್ ಬರೆಪುನೆನ್ ಕಮ್ಮಿ ಮಲ್ತ್‌ದ್ ಸೋದನೆದ ಕಡೆಕ್ಕ್ ಮನಸ್ ಕೊರಿಯೆರ್. ದಾಯೆಪಂಡ ಪದ್ಯೊಲೆನ್ ಬರೆಯೆರೆ ಪೊಂಡ 'ಕಾವ್ಯಗತಿ ಮನಸ್ಸ್‌ಗ್ ಬೇನೆ ಕೊರ್ಪುನವು, ನವರಸ ಪೂರ್ಣವಾಯಿನ ಆಯಿಕ್ಕ್ ಮನಸ್ ಕೊರಿನಾತ್ ಸಂಸಾರದ ಕಳೆಯಿನ ಬದ್‌ಕ್‌ದ ಲೌಕಿಕ ಸುಕೊತ್ತ ಬೇನೆ ಬರಿಯೆರೆ ಶುರು ಆಪುಂಡು. ಅಂಚಾದ್ ಸೋದನೆಗ್ ಪೊಂಡ ಅವು ಸತ್ಯೊನ್ ತೆರಿಯೆರೆ ಸಾದಿ ಆಪುಂಡು. ಅವುಲು ಭಾವನೆಗ್ ಜಾಗೆ ಇಜ್ಜಿ. ಪೂರಾ ಸತ್ಯ ತೆರಿಯೆರೆ ಏಕಾಗ್ರತೆ ಬೋಡು. ಅಪಗ ಪಿರಾಕ್‌ದ ನೆಂಪು ಬರ್ಪುಜಿ ಪನ್ಪಿ ಪಾತೆರ ಪೈಕುಲು ಪಂಡ್‌ದ್‌ ಸಂಸೋದನೆಗ್ ತಿರ್‌ಗ್ಯೆರ್.
ಬುಡೆದಿನ ಮಿತ್ತ್ ಇತ್ತಿನ ಮೋಕೆಗಾದ್ ವೇಣೂರುಡು ನಡತಿನ ಗೊಮ್ಮಟ ಮಸ್ತಕಾಭಿಷೇಕದ ಪೋರ್ತುಡು ಮುಪ್ಪತ್ತ ಐನ್ ವೃತ್ತ ಇತ್ತಿನ ಪ್ರಾಸರಹಿತವಾಯಿನ 'ಗೊಮ್ಮಟ್ಟ ಜಿನಸ್ತುತಿ' ಪನ್ಪಿನ ಪದ್ಯೋನ್ ಬರೆದ್ 1928ಟ್ ಅಚ್ಚ್ ಮಲ್ತ್‌ದ್ ಬುಡೆದಿಗ‍್ ಕಾಣಿಕೆ ಆರ್ ಕೊರ್ಯರ್.
ಕಡೇ ಮುಟ್ಟಲಾ ಖಾದಿನೇ ಪಾಡೊಂದು ಇತ್ತಿನ ಪೈಕುಲು ದೇಶೋದ ಸ್ವಾತಂತ್ರ್ಯಗಾದ್ ಬಂಧಮುಕ್ತಿಗಾದ್ ಏತೋ ಪದ್ಯೋಲೆನ್ ಬರೆಯೆರ್.
{{Left|ಕಿಲ್ಲೆ ಬೊಕ್ಕ ಪೈಕುಲೆ ಸಮ್ಮಂದ ಮಂಜೇಶ್ವರ ಗೋವಿಂದ ಪೈಕುಲು ಬೊಕ್ಕ ನಾರಾಯಣ ಕಿಲ್ಲೆರ್ ಬಾರಿಮಲ್ಲ ಇಷ್ಟೆರಾದ್‌‌ತ್ತೆರ್ ಪದ್ರಾಡ್, ಪದಿಮೂಜಿ ವರ್ಷೊಡು ಕೆಲವೇ ಕೆಲವು ಸರ್ತಿ ಒಟ್ಟುಗು ಇತ್ತದ್ ಪಾತೆರೊಂದೆರ್೦ಡಲಾ ಅಕ್‌ಲೆನ ಪಿರ್ತಿ ಲೆಕ್ಕೊಗು ತಿಕ್ಕಂದಿನಾತ್. ಕನ್ನಡಡ್ ಒಂಜಿ ಪಾತೆರ್ ಇಂಚ ಉಂಡು 'ಮಾತಿಗೆ ಕಿವಿಗಳಿಲ್ಲ - ಕಿವಿಗೆ ಮಾತಿಲ್ಲ' ಪಂಡ ಪಾತರೊಗ್ ಕೆಬಿ ಇಜ್ಜಿ ಕೆಬಿಕ್ ಪಾತೆರ ಇಜ್ಜಿ.
ಕಿಲ್ಲೆದಾರ್‌ಲಾ ಪೈಕುಲುಲಾ ಬಾರಿ ಮಲ್ಲ ದೊಸ್ತಿಲಾದಿತ್ತೆರ್ಂಡಲಾ ಒಟ್ಟುಗು ತಿಕ್ಕದ್ ಪಾತೆರ್‌ದಿನವು ಕೆಲವೇ ಕೆಲವು ಸರ್ತಿ ಮಾತ್ರ ಉಪ್ಪುಗೆ. ತಿಕ್ಕನಪಗ ಮಾತ್ರ ಬಾಯಿ ನಿಲಿಕೆ ಪಾತರಂದೆ ಕಾರ್ ದುಂಬು ದಿವೊಂದು ಇಜ್ಯಂಡ್‌ಗೆ.
ಒಂಜಿ ದಿನ ಕಾಮತೆರೆಗ್ ಕುಡ್ಲದ ಜೆಪ್ಪುಡು ವೈದ್ಯ ಗುರು ಶ್ರೀ ಎಂ.ಆರ್. ಭಟ್ರೆನವುಲು ಸಮ್ಮೂನದ ಒಂಜಿ ರಾತ್ರೆ ಒಣಸ್ ಇತ್ತ್ಂಡ್. ಪೈಕುಲುಲಾ ಪೋದಿತ್ತೆರ್‌ಗೆ. ಕಿಲ್ಲೆರ್‌ಲಾ ಅವುಲಿತ್ತೆರ್‌ಗೆ. ನನಲಾ ಕೆಲವು ಮಲ್ಲ ಮಲ್ಲ ನರಮಾನಿಲ್ ಇತ್ತೆರ್‌ಗೆ. ಒಣಸ್ ಆಯಿ ಬೊಕ್ಕ ಭಾಷನೊಲ್ ಅವೊಡೊಂದು ಪಂಡರ್, ಆನಿದ ವಿಷಯ 'ಹರಿಜನಕ್ಕ್‌ಲೆನ ದೇವಾಲಯ ಪ್ರವೇಶ' ಕಾಮತೆರೆನ ಭಾಷಣ ಆಯಿ ಬೊಕ್ಕ ಪೈಕುಲೆಗೆ ಬಾಳ್‌ಕಟ್ಟ್‌ದ್ ಬುಡಿಯೆ‌ರ್‌ಗೆ ಪೈಕುಲ್ ಪಾತೆರ್ ಪಾತೆರ್‌ದ್‌ ಇಂಚ ಮುಗಿತೆರ್‌ಗೆ - 'ಮೇಲ್ಜಾತಿಂದ್ ಪನ್ಪಿನ ಜಾತಿದಕುಲು ಹರಿಜನಕುಲೆನ್ ದೇವಸ್ಥಾನದ ಉಳಯಿ ಪೋಯೆರೆ ಬುಡುಪುಜೆರ್ಂದ್ ಆಂಡ, ಅಕ್‌ಲೆನೊಟ್ಟುಗು ಲಡಾಯಿ ಮಲ್ತ್‌ದ್ ನಮ್ಮ ಸಮಯನ್ ಹಾಳ್ ಮಲ್ಪುನೆ ಅತ್ತ್ ಇತ್ತೆನೇ ಬೇತೆ ಬೇತೆ ಆಯಿನ ಹಿಂದು ಧರ್ಮೊಡು ಅಂತರ್ಯುದ್ಧದ ಪೊಸತೊಂಜಿ ಯಾದವಿ ಕಲಹ ಸುರು ಆಪುನೆರ್ದಾವರ ಅಕ್‌ಲೆನ ಸುದ್ದಿನ್ ಬುಡುದು
ರಾಷ್ಟ್ರಕವಿ ಗೋವಿಂದ ಪೈ / 9
