ಕಾವ್ಯಮಾರ್ಗೊಡ್ ಪೊಸ ಸಾದಿನ್ ತೋಜಾದ್ ಕೊರಿನ ಸುರುತಾರ್ ಪನ್ಪಿ ಪೆರ್ಮೆ ಮಂಜೇಶ್ವರ ಗೋವಿಂದ ಪೈಕುಲೆಗ್ ಬತ್ತ್ಂಡ್.
1925ಟ್ ಬಿ.ಎಂ. ಶ್ರೀಕಂಠಯ್ಯ ಮೆರೆನ 'ಇಂಗ್ಲಿಷು ಗೀತಗಳು' ಪನ್ಪಿ ಇಂಗ್ಲಿಷ್ ಪದ್ಯಲೆನ್ ಕನ್ನಡಗ್ ಅನುವಾದ ಮಲ್ತಿನ ಸಂಗ್ರಹ ಪ್ರಕಟವಾದಿತ್ತ್ಂಡ್. ಒಂಜಿ ಸರ್ತಿ ಪೈಕುಲೆನ ಜೊತೆತ್ತಾರಾದ್ದಿತ್ತಿ ಎಂ.ಎನ್. ಪ್ರಭುಕುಲೆನ ಇಲ್ಲದ ಚಾವಡಿಡ್ ಕುಲ್ಲ್ದ್ ಪಾತೆರೊಂದು ಉಪ್ಪುನಗ ಪಂಜೆದಾರ್ ಸಾದಿಡೆ ಪೋಪುನ ತೋಜಿದ್ ಅರೆನ್ ಲೆತ್ತೆರ್. ಆರ್ ಬತ್ತೆರ್. ಬೇತೆ ಬೇತೆ ಪಾತೆರೊಂದುಪ್ಪುನಗ ಅರೆನ ಕಿಸೆಟ್ ಒಂಜಿ ಬೂಕ್ ತೋಜಿಲೆಕಾಂಡ್, ಅವು ದಾದ ಬೂಕು? ಪಂಡ್ದ್ ಪೈಕುಲು ಕೇಂಡರ್. ಪಂಜೆದಾರೆಗ್ ದಾದ ನೆನೆಪಾಂಡ ದಾನ್ನ. 'ಈ ಐನ್ ತೂಯೆರೆ ಬಲ್ಲಿ' ಪಂಡೆರ್. ಕಿಸೆನ್ ಗಟ್ಟಿ ಪತೊಂದು ಪಿದಡಿಯರ್. ಪ್ರಭುಕುಲು ಒಂತೆ ಕುಸಾಲ್ದಾರ್, ಪಂಜೆದಾರನ ಪ್ರೀತಿದಾರ್ಲಾ. ಅರೆನ್ ಅಡ್ಡಕಟ್ಟಿದ್ ಆ ಬೂಕುನ್ ದೆತೊಂದ್ ಪೈಕುಲೆಡ ಕೊರಿಯೆರ್. ಬೂಕುನ್ ಪೈಕುಲು ತೂಯೆರ್. ಅವು 'ಶ್ರೀ' ಕುಲೆನ ಇಂಗ್ಲಿಷು ಗೀತಗಳು' ಅಡೆಮುಟ್ಟ ಅಯಿನ್ ಪೈಕುಲು ತೂದ್ ಇಜ್ಜಂಡ್. ಪುಟ ಪುಟ ತುವೊಂದು ಪೋಯೆರ್ಗೆ ಕೊಡಿರ್ದ್ ಕಡೆ ಮುಟ್ಟ ಪ್ರಾಸ ಒಲ್ಲಾ ಇಜ್ಜಿ. ಪಂಜೆದಾರಡ ಪೈಕುಲು ಕೇಂಡೆರ್ಗೆ `ದಾನೆ ಸ್ವಾಮಿ ಮೊನೆ ತೂದ್ ಮಣೆ ಪಾಡುವರ?' 'ಅತ್ ಮಾಮಿ ಪುಡತ್ತಿ ಪಾತ್ರನ?' ನನ ಆಂಡಲಾ ಒಪ್ಪುವರಾ?' ಅಯಿಕ್ಕ ಪಂಜೆದಾರ್ ಬಾಯಿನಿಲೆಕ ತೆಲಿತೆರ್ 'ನನ ಈ ಗೆಲ್ತ' ಪಂಡೆರ್ಗೆ ಇಂಚ ಪ್ರಾಸ ತ್ಯಾಗದ ಬಗೆಟ್ ಪೈಕುಲು ಬೊಕ್ಕ ಪಂಜೆದಾರನ ನಡುಟ್ಟು ನಡತ್ತಿನನ ಪಾತೆರಕತೆನ್ ಪೈಕುಲು ಬರೆತ್ತೆರ್.
ಮದಿಮೆ
ಮದ್ರಾಸ್ ಕಾಲೇಜ್ಡ್ ಬಿ.ಎ. ಪದವಿ ಪರೀಕ್ಷೆಗೆ ಬರೆವಂದೆ ಅರ್ದೊಡೆ ಊರುಗು ಬತ್ತ್ದ್ ಮಂಜೇಶ್ವರಡೇ ನಿಲೆ ಉಂತುನ ಪೈಕುಲೆಗ್ ಕೃಷ್ಣಾಬಾಯಿ ಪನ್ಪಿನಾರೆನ ಒಟ್ಟುಗು ಮದಿಮೆ ಆಂಡ್. ಕೃಷ್ಣಾಬಾಯಿಗ್ಲಾ ಸಾಹಿತ್ಯಡ್ ಮಸ್ತ್ ಆಸಕ್ತಿ ಇತ್ತಂಡ್. ಅಯಿರ್ದಾದ್ ಕಂಡನಿನ ಸಾಹಿತ್ಯದ ಬೇಲೆಗ್ ಬುಡೆದಿ ಬಾರಿ ಬೆರಿಸಾಯ ಕೊರೊಂದಿತ್ತೆರ್. ಕೃಷ್ಣಾಬಾಯಿ ಮರಾಠಿ ಬಾಸೆಡ್ ತಿಳುವಳಿಕೆ ಪಡೆಯಿನಾರ್. ಅಂಚಾದ್ ಪೈಕುಲು ಮರಾಠಿನ್ ಕಲ್ತೆರ್. 1911ತ ಏಪ್ರಿಲ್ ತಿಂಗೊಳುಡು ಪೈಕುಲು ಒಂಜಿ ತಿಂಗೊಳು ಬರೋಡಾ ರಾಜ್ಯದ ನವಸಾರಿಡ್ ಇತ್ತೆರ್ಗೆ. ಆ ಸಮಯಡ್ ಪೈಕುಲೆಗ್ ಕಾಕಾ ಕಾಲೇಲ್ಕರ್ ಮೆರೆನ ಒಟ್ಟುಗು ಉಪ್ಪುನ ಅವಕಾಶ ತಿಕ್ಕ್ಂಡ್. ಕಾಲೇಲ್ಕರ್ ಮರಾಠಿ ಬಾಸೆದ ಬಾರಿ ಮಲ್ಲ ವಿದ್ವಾಂಸರ್ ಆದಿತ್ತೆರ್. ಅಂಚಾದ್ ಅರೆಡ ಮರಾಠಿ ಬಾಸೆನ್ ಸರಿಯಾದ್ ಕಲ್ಪುಲೆ ಪಂಡ್ದ್ ಪೈಕುಲೆನ ಬುಡೆದಿ ಕಾಕಜಿ ಬರೆದಿತ್ತೆರ್ಗೆ. ಅಂಚಾದ್ ಯಾನ್ ಕೆಲವು ಮರಾಠಿ ಪದ್ಯೋಲೆನ್ ಅನುವಾದ ಮಲ್ತ್ ಕೊರ್ತೆ ಪಂಡ್ದ್ ಕಾಲೇಲ್ಕರ್ ಅರೆನ ಒಂಜಿ ಬರವುಡು ಬರೆತೆರ್.
ಗೋವಿಂದ ಪೈಕುಲು ಮಲ್ಲ ಇಲ್ಲಗ್ ಸೇರಿನಾರ್. ಅವತ್ತಂದೆ ಅಪ್ಪೆನ ಇಲ್ಲಲ್ರ್ದ್ನ್ ಬೋಡಾಪಿನಾತ್ ಸಾಯೊಲಾ ಅರೆಗಿತ್ತ್ಂಡ್. ಅಂಚಾದ್ ಬದ್ಕೆರೆ ಬೋಡಾದ್
ರಾಷ್ಟ್ರಕವಿ ಗೋವಿಂದ ಪೈ
