ಇಂಚಿತ್ತಿ ವಿದೇಸೊದ ಬಾಸೆಲೆನ್ ಇಂಚ ಒಟ್ಟು ಇರ್ವತ್ತರಡ್ಡ್ ಬಾಸೆಲೆನ್ ಓದ್ಯೆರೆ, ಬರೆಯರೆ, ಪಾತೆರೆರೆ ತೆರಿದಿತ್ತಿನಾರ್. ಆರೆರ್ದ್ ಬೊಕ್ಕ ಅತ್ತಂಡ ದುಂಬು ಕನ್ನಡದ ಒರಿ ನರಮಾನಿ ಈತ್ ಬಾಸೆಲೆನ್ ತೆರಿದುಪ್ಪುನವೇ ಇಜ್ಜಿ ಪಕ್ಷುನವು ಖಂಡಿತ.
ಬರವುದ ಪೊಸ ಮರ್ಗಿಲ್
ಪಂಜೆ ಮಂಗೇಶರಾಯೆರ್ ಬೊಕ್ಕ ಮುನ್ನೂರು ಶಿವರಾಮಯ್ಯೆರ್ ಪೈಕುಲೆಗ್ ಕನ್ನಡದ ಗುರುಕುಲು ಆದ್ ಇತ್ತೆರ್. 1899-1900ದ ಪೊರ್ತುಡು ದ್ವಿತೀಯಾಕ್ಷರ ಪ್ರಾಸ ಪನ್ಪಿನವು ಕನ್ನಡ ಪದ್ಯೊಲೆನ ಜುವ' ಪನ್ಪುನ ಮುಟ್ಟದ ಅನಿವಾರ್ಯತೆ ಇತ್ತ್ಂಡ್. ಈ ಪ್ರಾಸನ್ ಬುಡುದು ಬರೆಯೆರೆ ಬಲ್ಲಿ ಪನ್ಪಿ ಭಾವನೆ ಮಾತ್ರ ಕನ್ನಡದ ಕವಿಕುಲೆಡ ಇತ್ತಂಡ್. ಆಂಡ ಪ್ರಾಸ ಬುಡುದು ಬರೆಂಡ ದಾನೆ ತಪ್ಪು? ಪನ್ಪಿ ಭಾವನೆ ಪೈಕುಲೆಗ್ ಬತ್ತಂಡ್. ಪ್ರಾಸ ಬಜೀ ಶಬ್ದಾಲಂಕಾರ ಆತೆ. ಅಯಿಟ್ ಅರ್ಥ ಕೌಶಲ್ಯ ಅತ್ತ್ಂಡ ಭಾವನಾ ಪ್ರಚೋದನೆ ಆವಡ್ ದಾಲಾ ಇಜ್ಜಿ. ಸಂಸ್ಕೃತ, ಇಂಗ್ಲಿಷ್ ಇಂಚನೆ ಭಾರತದ ಬೊಕ್ಕ ಪರದೇಶದ ಸಾಹಿತ್ಯೊಲೆನ್ ಬರೆಯಿನ ಮಹಾಕವಿಕುಲು ಏರ್ಲಾ ದ್ವಿತೀಯಾಕ್ಷರ ಪ್ರಾಸನ್ ದೀದ್ ಬರೆತ್‌ಜೆರ್ ಅಂಚಾದ್ ಕನ್ನಡದ ಈ ಸಂಪ್ರದಾಯನ್ ಮೀರ್ಂಡ ದಾನೆ? ಪನ್ಪಿ ವಿಚಾರ ಪೈಕುಲೆಗ್ ಬತ್ತಂಡ್. ಪಂಜೆ ಮಂಗೇಶ ರಾಯರ್ ಆ ಪೊರ್ತುಡೇ ಪುದರ್‌ಡ್ ಉಪ್ಪುನ ವಿದ್ವಾಂಸೆ‌ರ್, ಕವಿಕುಲು, ಅವತ್ತಂದೆ ಪೈಕುಲೆನ ಕನ್ನಡದ ಗುರುಕುಲು. ಅಂಚಾದ್ ಪಂಜೆ ಮಂಗೇಶ ರಾಯೆರೆಡ ಈ ವಿಷಯೊನು ಕೇಂಡೆರ್. ಅಯಿಕ್ ಆರ್ ಆವು ಅತ್ತ್ಂಡ ಅವಂದ್ ಪನ್ಸುನ ಓವ್ವೆ ಒಂಜಿ ಉತ್ತರ ಪನಂದೆ ಆಡೆಗೆ ಐನ್ ಗಾಳಿಡ್ ತೇಲಾದ್ ಬುಡಿಯೆರ್. ಅಂಚಾದ್ ಅಯಿಡ್ದ್ ಬೊಕ್ಕ ಪೈಕುಲು ಈ ವಿಷಯದ ಬಗೆಟ್ ಏರ್‌ಡಲಾ ಪ್ರಸ್ತಾವ ಮಲ್ಪಂದೆ ಪ್ರಾಸ ಬುಡುದು ಬರೆಪುನೆ ಬರೆಯಿನೆನ್ ಪರಿತ್‌ದ್ ದಕ್ಕುನೆ ಇಂಚನೆ ಕೆಲವು ಸಮಯ ಕಳೆಯೆರ್. 1911ನೇ ಇಸವಿದ ಏಪ್ರಿಲ್ ತಿಂಗೊಳುಡ್ ಬರೋಡಾ ರಾಜ್ಯದ ನವಸಾರಿಡ್ ಉಪ್ಪುನ ಪೊರ್ತುಡು ನನ ಮೀನಾ ಮೇಷ ಗೆನ್ಪುನ ದಾಯೆ ಪಂಡ್‌ದ್ ಧೈರ್ಯ ಮಲ್ತ್‌ದ್ ಬುಡ್‌ದ್ ಬರೆಪುನೆ ಪನ್ಪಿ ದೃಢ ನಿರ್ಧಾರ ಮಲ್ತ್‌ದ್ ರವೀಂದ್ರೆರೆನ 'ಆಯಿಭುವನ ಮನೋಮೋಹಿನಿ' ಪನ್ಪಿ ಬಂಗಾಳಿ ಪದ್ಯೊನು ಪ್ರಾಸ ಇಜ್ಜಂದೆ ಕನ್ನಡಡ್ ಬರೆಯೆರ್. ಇಕ್ಬಾಲೆರೆನ 'ಹಿಂದೂಸ್ತಾನ್ ಹಮಾರ' ಪನ್ಪಿ ಉರ್ದು ಪದ್ಯೊ ಕನ್ನಡಗ್ ಅನುವಾದ ಮಲ್ತೆರ್. `ಹೊಲೆಯನು ಯಾರು?' ಪನ್ಪಿ ಅರೆನನೇ ಪದನ್ ಪ್ರಾಸ ಬುಡುದು ಬರೆಯೆರ್. ಈ ಮಾತ ಪದೊಕುಲು ಕುಡ್ಲದ 'ಸ್ವದೇಶಾಭಿಮಾನಿ' ಪತ್ರಿಕೆಡ್ ಅಚ್ಚಾಂಡ್. ಆ ಪೊರ್ತುಡು ಕನ್ನಡ ಸಾಹಿತ್ಯ ಕ್ಷೇತ್ತೊಡು ಬಾರಿ ಬಾರಿ ವಾದ ವಿವಾದೊಲು ಸುರು ಆಂಡ್. ಆನಿ ಪೈಕುಲು ಒರಿಯೆ ಪರಿ ಮಲ್ತ್ ನುರ್ಕ್‌ದ್ ನಡತ್‌ನ ಸಾದಿ ಬೊಕ್ಕ ಬೊಕ್ಕ ರಾಜಮಾರ್ಗ ಆದ್ ಪೋಂಡು, ಆ ಪಾತೆರ 'ಇನಿ ಏಡ್ ಪೋಪುನ ಸಾದಿ" ದುಂಬುಗು ಆನೆ ಪೋಪುನ ಸಾದಿ ಆಂಡ್' ಪನ್ಪಿನಂಚ ಆಂಡ್, ಆಯಿರ್ದ್ ಬೊಕ್ಕ
ಕುಡ್ಲ, ಬೆಂಗಳೂರು, ಮೈಸೂರು, ಧಾರವಾಡ- ಇಂಚ ಮಾತ ಊರುದ ಕವಿಕುಲು ಪ್ರಾಸ ಬುಡುದ್ ಬರೆಯೆರೆ ಸುರು ಮಲ್ಲೆರ್. ಅಂಚಾದ್ ಕನ್ನಡ ಸಾಹಿತ್ಯದ
ರಾಷ್ಟ್ರಕವಿ ಗೋವಿಂದ ವೈ / 6
