ನನಲಾತ್ ಎಚ್ಚಾವೊಂದು ಇತ್ತ್ಂಡ್. ಉಂದೆರ್ದ್ ಉಮೇದ್ ಪಡೆಯಿನ ಆರ್1895ಟ್ ಒಂಜಿ ಯಕ್ಷಗಾನ ಪ್ರಸಂಗನ್ ಬರೆಯೆರ್. ಆ ಪೊರ್ತುಡ್ ಬತ್ತಿನ ಬಾಸೆಲ್‌ಮಿಶನ್ ದಕ್‌ಲೆನ 'ಹಳೆಗನ್ನಡ ವ್ಯಾಕರಣ ಸೂತ್ರಗಳು' ಪನ್ಪಿ ಬೂಕು ಅರೆಗ್ ತಿಕ್ಕ್‌ದ್ ಅಯಿತ್ತ ಛಂದೊಬಾಗೊನು ಅಭ್ಯಾಸ ಮಲ್ತ್‌ದ್ ವೃತ್ತ, ಕಂದ, ಷಡ್ಪದಿಲೆಡ್ ಪದ್ಯಬರೆಯರೆ ಸುರು ಮಲ್ತೆರ್. ಆಯಿತ್ತ ಒಟ್ಟುಗು ಜೈಮಿನಿ ಭಾರತ, ಗದುಗಿನ ಭಾರತ,ಶಬರಶಂಕರ ವಿಳಾಸ- ಇಂಚಿತ್ತಿ ಮಹಾಕಾವ್ಯಲೆನ್ ಓದ್‌ದ್ ಅಯಿಟ್ಸ್ ಬತ್ತಿನ ಬೇತೆ ಬೇತೆ ಛಂದಸ್ಸುನು ತೂದ್ ಅಂಚನೆ ಬರೆಯೆರೆ ಅಭ್ಯಾಸ ಮಲ್ತೆರ್, ಪೈಕುಲು ಇಂಚ ಓದುದ್ ಬರೆಪುನ ವಿಷಯ ಅರೆನ ಅಪ್ಪೆ ಅಮ್ಮಗ್ ತೆರಿದಿತ್ತ್‌ಜಿ, ಒಂಜಿ ಸರ್ತಿ ಅಣ್ಣೆ ಮೆಗ್ಯನಕ್‌ಲೆನ ನಡುಟ್ಟ್ ದಾದನ ಕಾರಣೊಗು ಲಡಾಯಿ ಬತ್ತ್‌ನ ಪೊರ್ತುಡು ಈ ವಿಷಯೊನು ಅಪ್ಪೆಡ ಮೆಗ್ಯನಕುಲು ದೂರು ಪಂಡೆರ್‌ಗೆ, ಪೈಕುಲೆನ ಅಪ್ಪೆ ಪಿರಾಕ್‌ದ ಸಂಪ್ರದಾಯೊಡು ಬುಲೆಯಿನ ಪೊಂಜೋವು. ಆ ಕಾಲೊಡು ಯಕ್ಷಗಾನದ ಮಲ್ಲ ಕವಿಕುಲಾದ್‌‌ತ್ತಿನ ಮೂಲ್ಕಿ ವಾಸುದೇವ ಪ್ರಭು ಪನ್ಪಿನಾರ್ ಯಕ್ಷಗಾನದ 'ಬಿಲ್ಲಹಬ್ಬ' ಪನ್ಪಿ ಪ್ರಸಂಗನ್ ಬರೆನಗ ಅರೆಗ್ ಮರ್ಲ್ ಪತ್ತ್ಂಡ್‌ಗೆ. ಆಯಿರ್ದ್ ಬೊಕ್ಕ 'ಸಮುದ್ರಮಥನ' ಪನ್ಪಿ ಪ್ರಸಂಗನ್ ಬರೆದಾನಗ ಅರೆಗ್ ಪತ್ತಿನ ಮರ್ಲ್ ಬುಡ್ಂಡ್‌‌ಗೆ. ಅಂಚಾದ್‌ ಪದ್ಯ ಬರೆಂಡ ಮರ್ಲ್ ಪತ್ತುಂಡು ಪಂದ್ ನಂಬುದಿತ್ತಿನ ಅಪ್ಪೆ ಪದ್ಯ ಬರೆಪುನ ಪೈಕುಲೆನ ಮರ್ಲ್‌ನ್ ಬುಡ್ಪಾಯೆರೆಗಾದ್ ಅರೆಗ್ ಬೇತೆ ಬೇತೆ ಶಿಕ್ಷೆ ಕೊರಿಯರೆ ಸುರು ಮಲ್ತೆರ್.ಆಯಿರ್ದ್ ಬೊಕ್ಕ ಕೆಲವು ಸಮಯ ಇಲ್ಲಲ್ ಪದ್ಯ ಬರೆಯೆರೆ ಆವಂದೆ ನಡತೊಂದು ಪೋನಗ, ಸಾದಿಬೀದಿದ್ ಪುರುಸೊತ್ತು ಆನಗ ಸಾಲೆಡ್ ಪದ್ಯ ಬರೆವೊಂದಿತ್ತೆರ್.
1893ಡು ಕುಡಲಗ್ ಸಾಂಗ್ಲಿದ ಮರಾಠಿ ನಾಟಕ ಕಂಪೆನಿ ಒಂಜಿ ಬತ್‌ಂಡ್, ಗೋವಿಂದ ಪೈಕುಲು ಮರಾಠಿ ನಾಟಕ ತೂಯೆರ್ ಅಪಗ ಆರೆನ ಪ್ರಾಯೊ 10ವರ್ಸೊ. ನಾಟಕೊದ ಕೆಲವು ಪದೊ ಮನಸ್ಸ್‌ಡೇ ದೀವೊಂದು ಕತೆನ ಜೋಡ್ಸಾದ ಒಂಜಿ ನಾಟಕ ತಯಾರ್ ಮಲ್ತೆರ್. ಅವು ಒಂಜಿ ಏಕಾಂಕ ನಾಟಕ. 1895 ಮುಟ್ಟ ಓಯಿನ್‌ಲಾ ಕಾಕಜಿಡ್ ಬರೆತ್‌ಜಿ ಪಂದ್ ಆರ್ ಪಂಡೊನುವೆರ್, ಬೊಕ್ಕ ಅರೆಗ್ ಬರೆಯರೆ ಪೊಲಬು ತಿಕ್ಕ್‌ನೆ ಪಂಡ ನೂಲ ಮದಿಮೆದ ದೊಂಪಡ್ ಕೇಂಡಿನ ಪದೊಕುಲೆನಸಮ್ಮಂದ ದೀವೊಂದು ವೃತ್ತ, ಕಂದ ಛಂದಸ್ಟ್ ದೀವೊಂದು ಒಂಜಿ ನಾಟಕ ಬರೆಯೆರ್ 'ಅಪಗ ಆರೆಗ್ ಪದ್ರಾಡ್ ವರ್ಸೊ. ದಶಾವತಾರೊದ ಆಟೊಲೆನ್ ತೂದ್ ಮಸ್ತ್ ಯಕ್ಷಗಾನದ ಪದ್ಯೊಲೆನ್ ಬೇತೆ ಬೇತೆ ಛಂದೋ ರೂಪಡ್ ಬರೆದ್ ಪರಿತ್‌‌ದ್ ದಕ್ಕಿನ ವಿಷಯೊನ್ ಅರೆನ ಆತ್ಮ ಕಥನೊಡು ಬರೆತೆರ್.
ಅರೆನ ಪದಿನಾಜಿನ ವರ್ಷ ಪ್ರಾಯೊಡು ಪಂಡ 1899ಟ್ ಶೇಕ್ಸ್‌ ಪಿಯರ್‌ನ "Twelth Night'ದ ಸುರುತ ಅಂಕದ ಕೆಲವು ನೋಟೊಲೆನ್ ವೃತ್ತ, ಕಂದಡ್ ಬರೆಯಿನವು ಇತ್ತೆ ತಿಕ್ಕುಜಿ. ನಂಕ್ ಬೊಕ್ಕ ತಿಕ್ಕುನೆ ಪಂಡ 1900ನ ಆಗಸ್ತ್ ತಿಂಗೊಳುಡು ಬರೆಯಿನ 'ಸುವಾಸಿನಿ' ಸುದ್ದಿ ಪತ್ರಿಕೆಡ್ ಅಚ್ಚಾಯಿನ ಮೂಜಿ ಕಂದ ಪದ್ಯೊಲು, ಆ ಪೊರ್ತುಡು ಪತ್ರಿಕೆ ನಡಪಾಯಿನ ಕಬಿತೆ ಬರೆಪುನ ಪಂತೊಡು ಸುರುತ ಇನಾಮು ಪೈಕುಲೆಗ್ ತಿಕ್ಕ್ಂಡ್.
ರಾಷ್ಟ್ರಕವಿ ಗೋವಿಂದ ಪೈ / 4
