ಎತ್ತರದ ಗಟ್ಟಿ ಮುಟ್ಟಾಯಿನ ಸರೆ, ಉರುಂಟು ಮೋನೆ, ದಪ್ಪ ಮೀಸೆ, ಬೊಲ್ಲುಪಂಚೆ ಅಯಿತ್ತ ಮಿತ್ತ್ ಮೈಕೊಂಜಿ ಸಾದಾ ಬಣ್ಣದ ಜುಬ್ಬ, ಕಣ್ಣ್ಗ್ ಕನ್ನಡಕ, ಬರೆಯೆರೆ ಕುರ್ಸು ಡೆಸ್ಕ್ ಪುರುಸೊತ್ತುಡು ಕುಲೊನಿಯೆರೆ ಆರಾಮ ಕುರ್ಸು ಉಂದುಪೈಕುಲೆನ ರೂಪೊ ಸುರ್ಪೊ.
ಪುಟ್ಟು, ಬಳಕೆ
ಕಿಸ್ತಶಕ 1883ನೇ ಇಸವಿ ಮಾರ್ಚ್ ತಿಂಗೊಲ್ದ 23ನೇ ದಿನ ಕುಡ್ಲದ ಶ್ರೀಮಂತೆರಾಯಿನ ಸಾಹುಕಾರ ಬಾಬಾ ಪೈಕುಲೆನ ಮನೆತನದ ಶ್ರೀ ಸಾಹುಕಾರ ತಿಮ್ಮ ಪೈ ಬೊಕ್ಕ ಶ್ರೀಮತಿ ದೇವಕಿಯಮ್ಮನ ಮಗೆ ಆದ್ ಮಂಜೇಶ್ವರಡ್ ಪುಟೈರ್, ಮಂಜೇಶ್ವರ ಅಪ್ಪೆನ ಇಲ್ಲ್. ಅಪ್ಪೆ ಮಂಜೇಶ್ವರಡ್ ಪುದರ್ ಪಡೆಯಿನ ಶ್ರೀಮಂತೆರಾಯಿನ ಲಕ್ಷ್ಮಣ ಶ್ಯಾನುಭಾಗೆರೆ ಮಗಳ್ ದೇವಕಿಯಮ್ಮ. ಅಮ್ಮೆರೆನ ಇಲ್ಲ್ ಕುಡ್ಲಡೇ ಇತ್ತ್ಂಡಲಾ ಗೋವಿಂದ ಪೈಕುಲು ಬೊಕ್ಕ ಅರೆನ ಮೆಗ್ಯಡಿಕುಲಾಯಿನ ನಾರಾಯಣ ಪೈ, ಅನಂತಪೈ, ಸುಬ್ರಾಯ ಪೈ ಬೊಕ್ಕ ಮೂಜಿ ಜನ ಮೆಗಿದಿನಕುಲು ಪುಟ್ಟುದು ಬುಲೆಯಿನಿ ಮಂಜೇಶ್ವರದ ಇಲ್ಲಲೆ, ಕುಡ್ಲಡ್ ಕಲ್ತೊಂದು ಉಪ್ಪುನಗಲಾ ಶಾಲೆಗ್ ರಜೆ ತಿಕ್ಕ್ನಗಲಾ ಮಂಜೇಶ್ವರಗೇ ಬತ್ತೊಂದಿತ್ತೆರ್. ಅಂಚಾದ್ ಗೋವಿಂದ ಪೈಕುಲೆನ ಪುದರ್ದ 'ಮಂ', ಎಂ' ಉಂದು ಅಮ್ಮೆರೆನ ಇಲ್ಲ್ ಕುಡ್ಲನ್ಲಾ ಅಪ್ಪೆ ಇಲ್ಲ್ ಮಂಜೇಶ್ವರನ್ಲಾ ಒಂಜೇ ವಿದೊಟ್ಟ್ ತೋಜಾವುಂಡು. ಕುಡ್ಲ ಅಮ್ಮೆರೆ ಇಲ್ಲ್ ಅಂಡಲಾ ಮಂಜೇಶ್ವರಡೇ ಇತ್ತ್ದ್ ಅರೆನ ಸಾಹಿತ್ಯೊದ ಬೇಲೆಲೆನ್ ಮಲ್ತೊಂದು ಇತ್ತ್ನೆರ್ದ್ ಆದ್ ಆರ್ ಮಂಜೇಶ್ವರ ಗೋವಿಂದ ಪೈ ಪಂಡ್ದೇ ಪುದರ್ ದೆತೊಂಡೆರ್. ಒಂಜಿ ಲೆಕ್ಕೊಡು ಆರ್ ಕುಡಲದ ತಿಮ್ಮ ಪೈಕುಲೆನ ಮಗೆ ಆಯಿನೆಡ್ಡಾವರ ಮಂಗಳೂರು ಗೋವಿಂದ ಪೈಲಾ ಅಂದ್ಂದ್ ಪನೊಲಿ.
ಬಾಲ್ಯ
ಗೋವಿಂದ ಪೈಕುಲೆನ ಸುರುತ ಬರವು ಕುಡ್ಲದ ಮಿಶ್ಯನ್ ಸಾಲೆಡ್ ನಡತ್ಂಡ್. ಹೈಸ್ಕೂಲುದ ಕಲಿಕೆ ಕೆನರಾ ಹೈಸ್ಕೂಲ್ಡ್ ಆಂಡ್. ಕನ್ನಡಡೇ ಪುದರ್ ಪಡೆಯಿನ ನನೊರಿ ಬರವುದ ಶ್ರೀ ಎಂ. ಎನ್. ಕಾಮತೆರ್ಲಾ ಇಂಬೆರೆನ ಒಟ್ಟಿಗೆ ಕಲ್ತಿನಾರ್. ಬಂಟ್ವಾಳ ವಾಮನ ಬಾಳಿಗೆರ್, ಬಂಟ್ವಾಳ ಪುಂಡರೀಕ ಬಾಳಿಗೆರ್ ಮೆರೆನ ಕನ್ನಡದ ಮಾಸ್ಟ್ರನಕುಲು ಆದಿತ್ತೆರ್, 1899ಟ್ ಕೆಲವು ಜನ ಸಾಲೆದ ಜೊಕುಲು ಸೇರ್ದ್ (ಕರ್ನಾಟಕೋಡೇ ಆತ್ತ್೦ಡ) ತುಳುನಾಡ್ಡೇ ಸುರುತ ಸುದ್ದಿಪತ್ರಿಕೆ ಆಯಿನ “Tngel' ಪನ್ಪಿನ ಇಂಗ್ಲಿಷ್ ಕೈ ಬರವುದ ಪತ್ರಿಕೆನ್ ಕನತ್ ದಿತ್ತೆರ್. ಆಯಿಟ್ ಪೈಕುಲೆನ, ಕಾಮತೆರ್ನ ಕವಿತೆಲು, ಲೇಖನೊಲು ಬರೊಂದಿತ್ತ್ಂಡ್. ಶಾಲೆ ಇಜ್ಯಂದಿನ ಪೋರ್ತುಡು ಮಂಜೇಶ್ವರೊಗು ಬರೊಂದಿತ್ತಿನ ಪೈಕುಲು ದಶಾವತಾರದ ಆಟೊಲೆನ್ ತೂವೊಂದಿತ್ತೆರ್. ಆಟೊಲೆಡ್ ಇತ್ತಿನ ಪ್ರಸಂಗದ ಪದ್ಯೊಲು, ಚೆಂಡೆ, ಮದ್ದಳೆ, ವಾದ್ಯೊಲು ಪೌರಾಣಿಕ ವೇಷಭೂಷಣ, ನಲಿಕೆ, ಪಾತೆರೊಲು ಪೈಕುಲೆನ ಉಡಲ್ಡಿತ್ತಿ ಸಾಹಿತ್ಯದ ಮೋಕೆನ್
ರಾಷ್ಟ್ರಕವಿ ಗೋವಿಂದ ಪೈ / 3
