ಅಧ್ಯಕ್ಷೆರೆನ ಪಾತೆರ 19233 ಕುಡ್ಲ ಕೈತಲ್ದ ಸಸಿಹಿತ್ತುಡು ಪುಟ್ಟಿನ ರಾಮ ಕಿರೋಡಿಯನ್ನೆರ್ ತನ್ನ ಮೂರ್ತಿನ್ ತಾನೇ ಕೆತ್ತೊನ್ನ ಕಲಾ ಶಿಲ್ಪಿ, ಎಲಿಮೆಂಟ್ರಿ ಸಾಲದ ಬರವುನು ಪತ್ತೊಂದು ಟೈಲರ್ ಕೆಲಸೊಡು ಬಂಜಿ ದಿಂಜಾವೊಂದು ತುಳುತ ಬಾಸೆಗ್ ಪೊಲಿಗೆ ಪಾಡ್ಜ್ ಬೇತೆ ಬೇತೆ ನಮೂನೆದ ತುಳು B ನಾಟಕೊಲೆನ್ ಸೃಷ್ಟಿ ಮಲ್ಡ್ನಾರ್. ತುಳು ನಾಟಕೊನ್ ನಾಟಕದ ಕಳಟ್ಟಿ, ನಾಟಕ ಬರೇದ್, ನಾಟಕ ಗೊಬ್ಬಾದ್, ಗೊಬ್ಬಾಯಿನಾರ್. ಸುಮಾರ್ ಐವೊಡ್ ಮಿತ್ತ್ ತರತರತ ತುಳು ನಾಟಕೊಲೆನ್ ಬರೆಯಿನಾರ್, ಮೆರೆನ ಕಾಂಪರನ ಕಟಿಪಿಟಿ, ಈ ಪ್ರಾಯೊಡುಲಾ ಬರವಾ, ಸರ್ಪ ಸಂಕಲೆ ಇಂಚಿತ್ತಿನ ನಾಟಕೊಲು ಅಚ್ಚಾತೊ. ಆಂಡ ಸುಮಾರ್ ಐವೊದಾತ್ ತುಳು ನಾಟಕೊಲು ಅಚ್ಚಾವಂದೇನೇ ಒರಿದೊ. ಪುರಾಣದ, ಚರಿತ್ರೆದ ಇತ್ತೆದ ಕಾಲದ ನಾಟಕೊಲೆನ್ ಬರೆಯಿನ ಕಿರೊಡಿಯನೆ, ರೇಡಿಯೋಲೆಗಾದ್ ನಾಟಕ ಬರತೆ, ಕುಡಲದ ಬೊಕ್ಕ ಬೆಂಗಳೂರ್ ಆಕಾಶವಾಣಿಡ್ ಸುರುಟು ಪ್ರಸಾರ ಆತ್ನ ತುಳು ನಾಟಕೊಲು ರಾಮಕಿರೋಡಿಯನೆರ್ನ. ತುಳು ಸಿನೆಮದ ಕಳಟ್ ಎಡ್ಡೆನಾ ಬೇಲೆ ಬೆಂದಿನ ಕಿರೋಡಿಯನ್ನೆ ಒಟ್ಟು ಆಜಿ ಸಿನೇಮೊಲೆಗ್ ಪದ ಬರೆತೆರ್. ಸರ್ಪ ಸಂಕಲೆ ಸಿನೇಮೊಗು ಕತೆಲ್ಲಾ ಬರೆತೆರ್. ರಾಮ ಕಿರೊಡಿಯನೆರೆಗ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ 1997ಟ್ ಅಕಾಡೆಮಿದ ಗೌರವ ಪ್ರಶಸ್ತಿನ್ ಕೊಯ್ದು ಸನ್ಮಾನ ಮಲ್ಪುನ ಬಾಗೊನು ಪಡೇಂಡ್, ಅಕಾಡೆಮಿ ನಡಪಾಯಿನ ದೂಮಪ್ಪ ಮಾಸ್ಟನ್ ನೆಂಪುದ ಕಾಠ್ಯಕ್ರಮೊನು ಕಿರೊಡಿಯನೆರ್ ಉದಿಪನ ಮಲ್ಲೆರ್, ತುಳುತ ಮಲ್ಲ ನಾಟಕಕಾರರನಕ್ಕೆ ಗುರು ರಾಮ ಕಿರೋಡಿಯನೆರ್ 5-9-1997 ನಾನಿ ಕಾಯ ಬುಡುದು ಕೈಲಾಸ ಸಂದಿಯೆರ್. ಆರ ಮಿತ್ತ್ ದಿಂಜ ಗೌರವ ಪ್ರೀತಿನ್ ದೀವೊನ್ನಾರ್ ಶ್ರೀ ಮುಂಡಪ್ಪ ಬೋಳೂರು. ಆರೆನ ಬದ್ಕ್ ಬರವುದ ದಿಂಜ ಸಂಗತಿನ್ ಒಟ್ಟು ಮಲ್ತ್ದ್ ಪೊರ್ಲುಡ್ ಈ ಬೂಕುನು ಬರೆತೆರ್. ಆರೆಗ್ ಅಕಾಡೆಮಿದ ಪುದರ್ಡ್ ಸೊ ಸಂದಾದ್ ಈ ಬೂಕುನು ಪೊರ್ಲು ಪೊಲಿಗೆಡ್ ಅಚ್ಚಿ ಮಲ್ಲಿನ ಜಯ ಆಫ್ಸೆಟ್ ಪ್ರಿಂಟರ್, ಕಾರ್ಸ್ಟ್ರೀಟ್ ಅಂಚೆನೆ ಸೇರಿಗೆದನ್ ಅಕಾಡೆಮಿ ನೆನೆತೊನುಂಡು, ಪ್ರೊ. ಬಿ. ಎ. ವಿವೇಕ ರೈ ನವೆಂಬರ್ 98
