ಬೈದಿನ ಆರ್ ಪನ್ಸೆರ್. ಪ್ರತೀ ನಾಟಕ ಬರೆನಾಗ ಸ್ಥಳ ಪುರಾಣ, ಪಾತ್ರದ ವ್ಯಕ್ತಿತ್ವ ಉಂದೆನ್ ಪೂರಾ 'ಸ್ಟಡಿ' ಮಲ್ತ್ದ್ ನಾಟಕ ಬರೆತೆ, ಕಾಂತಾಬಾರೆ ಬುದಾಬಾರೆ ಬರೆನಗ ಬಡಕ್ಯಾಮೈಟ್ ಊರುಗು ಪೋದು ಒಂಜೊಂಜಿ ದೃಶ್ಯ ಬೋಡಾಯಿನ ಊರುದ ಶಬ್ಯೂಲೆನ್ ಧ್ಯಾನ ದೀದ್ ಪೆಜ್ಜಿದ್ ಬರೆತೆರ್. ಮಾಮಲ್ಲ ಸಜ್ಜನಿಕೆ, ಬೂಟಾಟಿಕೆ ಇಚಾಂದಿನ ಮೃದು ವ್ಯಕ್ತಿತ್ವ, ಎಲ್ಯ ಜವನೆರೆಗ್ಲಾ ಅವೆನ್ ಅರ್ಥ ಮಲ್ತ್ದ್ ವಿವರಿಸಾದ್ ಪನ್ನೊಂದಿನ ಶೈಲೆ ನನೊರಿಯಗ್ ಬರಾಂದ್. ಯಾನ್ ಪಿನಾಯೆ. ತನ್ನ ಬಡಪತ್ ಏತ್ ಬಂಜ ಆಂಡಲಾ 'ನಾಟಕ ಪ್ರಾಕ್ಟಿಸ್' ಮಲ್ಪೆರೆ ಬರೊಂದಿತ್ತೆರ್, ವಾ ಕಾರಣೋಗ್ತಾ ಅವೆನ್ ತಪ್ಪಾವೊಂದು ಇತ್ತೀಜೆರ್, ಆರ್ ಬರೆತಿನ ನಾಟಕ ಸಂಭಾಷಣೆ ಇನಿಗ್ತಾ ಬಾಯಿಪಾಠ ಬರುಂಡು. ಅಂಚಿನ ಸಂಭಾಷಣೆ ಜೀವನ ಇಡೀ ನಮ್ಮ ನಾಲಾಯಿಡ್ ಒರಿಯೊಡಾಂಡ ಅಯಿತ ಬಿರುಸ್ ಅರ್ಥ ಮಲ್ಲೊನೊಡು ಆರೆನ ಸಂಭಾಷಣೆದ ಪೊರು, ತುಳುತ ಪೊರ್ಲು, ಶಬ್ದಲೆನ್ ಪೆಜ್ಜೆ ಹೆಜ್ಜಿದ್ ಪಾಡುನ ಪೊರ್ಲು ಆ ನಾಟಕ ತೂಯಿನಾಯೆನೇ ಪನೊಡು, ಕೇಂಡಿನಾಯಗ್ ಗೊತ್ತಾಪುಂಡು. ಆರ್ ತುಳು ಸಿನೆಮೊಗು ಬರೆತಿನ ಗೀತೆಲು 1. ಶರವು ಮಹಾ ಗಣಪತಿ 2. ಕೊಲ್ಲೂರ ಮಲ್ಲಪ್ಪ, ಮೂಕಾಂಬಿಕೆ 3. ತೆಲ್ಲೊಂದು ನಟೊನುವೆ ಸ್ವಾಮಿ ಮಂಜುನಾಥ 4. ಸುಗಿತ್ ನಟೊನುವೆ ಸ್ವಾಮಿ ಮಂಜುನಾಥ 5. ಮಂಗಳಾಂಬಿಕೆ ಮಹಾ ದೇವಿಯ 6. ಶ್ರೀ ದೇವಿ ಮೈಮನ ಕಟೀಲ್ ಉಲ್ಲಾಲ್ಲಿ ಮಾಯೆನೆ 7. ಸುಬ್ಬಪ್ಪ ದೇವರೆ ಈರೆ ಆದಿ ಮಹೇಶ್ವರ 8. ಯೋಗಿ ಸನ್ಯಾಸಿ ಈರೆ ಗುರು, ಯೋಗ ಸನ್ಯಾಸಿ ಈರೆ ಗುರು 9. ಏರ ಲೆಪ್ಪುನಾ ಏರಾ ಕಾಪುನಾರ್ 10. ಮಣ್ ಗುಣತ ದೇವರೆ ನಂಬುದು ಸ್ವಾಮೀ 44
