35ವರ್ಸ ಒಂಜತ್ತ್ ಒಂಜಿ ಬೇಲೆಡ್ ಸೇರೊಂದಿತ್ತಿನ ನೆನೆಪುಡು ಆರ್ ಬರೆತಿನ 'ಭೀಷ್ಮ' ಕನ್ನಡ ನಾಟಕ ಮದ್ರಾಸ್ಡ್ ಆನಗ ಅಯಿತ ಸ್ಟೇಜ್ ಸೆಟ್ಟಿಂಗ್ದ ಪೂರಾ ಜವಾಬ್ದಾರಿನ್ ರಾಮಕಿರೋಡಿಯಾನೆರ್ಲಾ ಬೊಕ ವಾಸು ಸಾಲಿಯಾನ್ ವಹಿಸೊಂದಿತ್ತೆರ್. ಭೀಷ್ಮಾರ್ಜುನ ಕಾಳಗೊಡು ಪರಸ್ಪರ ಜಾಗೊಲು ಎದುರಾಪಿನ ಒಂಜಿ ಅಮೋಘ ಟ್ರಿಕ್ ಮಲ್ದಿನ ಎಂಕ್ ಇತ್ತೆಲಾ ನೆನೆಪು ಬರ್ಪುಂಡು ಪನ್ನೆರ್. ಭೀಷ್ಮ ಗಂಗೆಡ್ ಉದ್ಭವ ಆಪಿನ ಗಂಗಾದೇವಿ ಬಾಲೆನ್ ಮಿತ್ತ್ ಕನತ್ತ್ದ ಶಂತನು ಚಕ್ರವರ್ತಿಗ್ ಕೊರ್ಪಿನ ದೃಶ್ಯಲಾ ಒಂಜಿ ರೋಮಾಂಚನದ ಅನುಭವ ಪಂಡೆರ್. ಅಂಚೆನೇ ಶರಮಂಚೊಡು ಭೀಷ್ಮ ಜೆತ್ದುಪ್ಪಿನ ದೃಶ್ಯಲಾ ಆ ಕಾಲೊಡು ರಂಗಭೂಮಿಡ್ ಘನ ಪ್ರಯೋಗ, ನೆತ್ತ ಪಿರವುಡು ಗಣಪತಿ ಹಳೇ ವಿದ್ಯಾರ್ಥಿ ಸಂಘದ ಕಾರ್ಯದರ್ಶಿ ನಾರಾಯಣ ಶೆಣೈಲಾ ಇತ್ತೆರ್. "ಗೀತಾ ಇಲೆಕ್ಟಿಕಲ್ಸ್'ದ ಸಹಕಾರಲಾ ಇತ್ತಂಡ್. ಸುರುಟ್ಟು ಮುಂಡಪ್ಪಣೆ ಪನ್ನಿನ ಟೈಲರ್ ಅಂಗಡಿಡ್ ದುಂಬುದ ಶಾಂತಾ ಪ್ರೆಸ್ ಬರಿಟ್ಸ್ ಇತ್ತಿನ ಅಂಗಡಿಡ್ ಸಹಾಯಕರಾದ್ ಪೊಲ್ಲೊಂದಿತ್ತೆರ್. ಬೊಕ ದನಿ ಮುಂಡಪ್ಪಣೆ ತೀರಿಯೆರ್. ಆ ಅಂಗಡಿದ ಯಜಮಾನಿಕೆ ಮುಂಡಪ್ಪಣೆ ಬುಡೆದಿ ಇಂಬೆರೆಗ್ ಕೊರಿಯೆರ್. ಅಂಚ ಸ್ವಂತ ಅಂಗಡಿಯಾದ್ ಆರ್ ಕೆ. ಟೈಲರ್ ಆಯೆರ್. ಆ ಜಾಗ ಬೊಕ ವಿಜಯಾ ಬೇಂಕ್ದಕ್ಷೆಗ್ ಆಂಡ್. ವಿಜಯ್ ಬೇಂಕ್ದಕ್ಕೆಡ ಜನತಾ ಬಜಾರ್ದಕ್ಕು ದೆತ್ತೊಂದ, ಜನತಾ ಬಜಾರ್ದ ಪೊಸ ಕಟ್ಟೋಣ ಆನಗ ಇಂಬೆರೆಗ್ ಒಂಜಿ ಮಲ್ಲ ಅಂಗಡಿ ಜನತಾ ಬಜಾರ್ ಉಲ್ಯಾಡ್ಸ್ ಮಲ್ತ್ ಕೊರಿಯೆ ಕ್ರಮೇಣ ಅವು ಟೈಲರ್ ಅಂಗಡಿ ಪನ್ನಿನೆಡ್ ಲಾ ನಾಟಕದ ಕ್ಲಬ್ ಅತ್ತ್ಂಡ ನಾಟಕದ ಕಟ್ಟೆ ಆಂಡ್. ಅಕೇರಿಗ್ ಬೇಲೆಲಾ ಕಡಿಮೆ ಆಂಡ್. ನಾಟಕದ ವಿಚಾರೊಡು ಪನ್ನಿನಾಂಡ ದಾಂತಿನ, ಶುದ್ಧ ತುಳುತ್ತ ಸಂಸಾರ ಕುಲುದು ತೂಪಿನ, ಓದುನ ಬಾಸೆದ ಪ್ರಯೋಗ ಮಲ್ಪೆ, ನೃತ್ಯಗು'ಕಟ್ಟೆ' ಪೊಲ್ಪುನೆಟ್ ಕುಡ್ಲದ ಊರುಡು ಅರೆಗ್ ಮರ್ಯಾದಿತ್ತ್ಂಡ್, ಇಂಚೇನೇ ತಬ್ಲಾ, ಹಾರ್ಮೊನಿಯಂಡುಲಾ ತಾನ್ ಪಿರ ಇಜ್ಜಿಂದ್ ತೋಜಾದಿನ ಮಲ್ಲ ಮನುಷ್ಯ ಕಿರೋಡಿಯಾನರ್ ಇಂದ್ ಆರೆನ ಭಾವನೆ. ಕುಡ್ಲದ ಊರುಡು ತುಳು ರಂಗಭೂಮಿಡ್ ಜೆ.ರವೀಂದ್ರೆ ಮಲ್ಲ ಪುದರ್, ಮುಪ್ಪ ವರ್ಸ ಕಲಾಸೇವೆನ್ ಮಲ್ತ್ದ್ ಇತ್ತೆ ನಿವೃತ್ತೆರ್. ಆರೆನ ಪಾತೆರೊಡೆ ರಾಮ ಕಿರೋಡಿಯಾನೆ ವ್ಯಕ್ತಿತ್ವ ಇಂಚ ಪನ್ನೆರ್. ತುಳುನಾಡ್ ರಾಮಕಿರೋಡಿಯಾನರೆಲೆಕ್ಕಂತಿನ ಕಲಾವಿದೆ ಇತಿನೆಟ್ಟ ಪುಟ್ಟುದಿಜಿ. ನನ ಪುಟ್ಟೆರಿಜ್ಜಿ. ಅಂಚಿನ ಮಹಾ ವ್ಯಕ್ತಿತ್ವ ಇತ್ತಿನಾರ್ ಆರ್. ತುಳು ಶಬ್ಲೊಲೆನ್ ಆರೆನಾತ್ ಪೊರ್ಲುಡು ಪೆಜ್ಜಿದ್ ನಾಟಕ ರಚನೆ ಮಲ್ತಿನಕ್ಲು ಇಜ್ಜೆರ್. ಆರೆನ ಹೆಚ್ಚಿನ ನಾಟಕೊಡು ಮುಖ್ಯ ಪಾತ್ರ ಮತ್ತೊಂದು 43
