ದಿವಂಗತ ದಾಮೋದರ ಆರ್. ಸುವರ್ಣೇರ್, ದ.ಕ. ಜಿಲ್ಲೆದ ನಾಟಕ ಕಲಾವಿದರೆ ಸಂಘದ ಅಧ್ಯಕ್ಷರಾದಿತ್ತೆರ್ - ಆರ್ ಬರೆತೆರ್. 'ತುಳು ನಾಟಕದ ದಿಗ್ವಿಜಯ ಮಲ್ಲಿನ ರಾಮಕಿರೋಡಿಯಾನೆರೆಗ್ ಸನ್ಮಾನ ಇನ್ನಿ ಸುದ್ದಿ ತೆರಿದ್ ದಿಂಜ ಸಂತೋಷ ಆಂಡ್. ನಾಟಕ ರಂಗೊಗು ಸರ್ವಸ್ವಲ್ಲಾ ಅರ್ಪಣೆ ಮಲ್ಲಿನ ಅರೆನ ಜೀವನನೇ ಒಂಜಿ ತ್ಯಾಗ. ತುಳು ಸಿನೇಮೊಗು ರಾಷ್ಟ್ರ ಪ್ರಶಸ್ತಿ ಪಡೆತಿನ ನಿರ್ದೇಶಕೆ ಡಾ. ರಿಚಾರ್ಡ್ ಕ್ಯಾಸ್ಟೋಲಿನೋ 24 ಗಂಟೆಡ್ "ಸೆಪ್ಟೆಂಬರ್ 8" ಇನ್ನಿನ ಸಿನೇಮಾ ಮಲ್ತ್ದ್ ಗಿನ್ನಿಸ್ ದಾಖಲೆ ಮಲ್ಪೆರ್. ಆರ್ ಕಿರೋಡಿಯನರ್ನ ಸ್ನೇಹಿತೆ. ಆರ್ ಪನ್ಸರ್, ತುಳುಟು ದಿಂಜ ಶಬ್ದಲೆನ್ ನಾಡ್ ಪತ್ತೆ ತುಳು ಸಂಸ್ಕೃತಿಗೆ ಗೌರವ ತಾಯಿನ ಕೀರ್ತಿ ರಾಮಕಿರೋಡಿಯನೆರೆಗ್ ಸಂದುಂಡು, ಆರ್ ಒಂಜಿ ತುಳು ಶಬ್ದಕೋಶ (Encyclopedia). ಆರ್ ಗೌರವಾನ್ವಿತ ವ್ಯಕ್ತಿ, ನಮ್ಮ ಉಡಲ್ ಏಪಲಾ ಮರಪರಾವಂದಿ ಅಪ್ಪಟ ತುಳು ವ್ಯಕ್ತಿ. ವಿ.ಜಿ. ಪಾಲ್ ತುಳು ನಾಟಕೊಡು ಬೊಕೊಂಜಿ ಪುದರ್ ಅರೆನ ಮಾತಾ ನಾಟಕೊಡ್ಲಾ ಪಾರ್ ಮಲ್ಲೊಂದಿತ್ತೆ, ಸಿನೆಮಾ ಬೊಕ್ಕ ನಾಟಕದ ವಿಮರ್ಶಕ. ಇಂಬೆರ್ ಬೊಂಬಾಯಿಡ್ ತುಳುನಾಡ ತುಡರ್ (ರಾಣಿ ಅಬ್ಬಕ್ಕ) ಗೊಬ್ಬೆರೆ ಪೋದು ಬಿದ್ದಾ ಮಾತೋಶ್ರೀ ಸಭಾಗೃಹೊಟು ನಾಟಕ ಗೊಬೈ, ಬಾರಿ ಗೌಜಿದ ಎಡ್ಡೆ ಪ್ರದರ್ಶನ ಆಂಡ್. ದಿ. ಸೋಮಶೇಖರ್ ಪುತ್ರನ್ ಈ ನಾಟಕ ಗೊಬ್ಬಯರ್, ನಾಟಕ ತೂಯಿನ ಬೊಂಬಾಯಿದ ಕಲಾವಿದೆ ಇಂಚಿತ್ತಿ ನಾಟಕೊನು ಬರೆಯಿನ ಲೇಖಕರ್ ಏರ್ ಪಂಡ್ದ್ "ಗ್ರೀನ್ ರೂಮ್"ಗ್ ಕೇನೊಂದು ಬತ್ತೆರ್, ಐನ್ ಅಡಿ ಉದ್ದದ ರಾಮಣ್ಣನ್ ತೂದ್ ಅಕ್ಸೆಗ್ ಅಚ್ಚರಿ ಆಂಡ್. ಈ ಚಲ್ಪಟ್ ಜವನಿಯ ಈತ್ ಪೊದ ರಾಣಿ ಅಬ್ಬಕ್ಕನ್ ಸೃಷ್ಟಿ ಮಲ್ತ್ದ್ ಬರೆತಿನ ಭಾಷೆಗ್ ಖುಶಿ ಪಡೆಯೆ. ದಿ. ಶಿವರಾಮ ಕಾರಂತೆರ್, ಬಿ.ವಿ. ಕಾರಂತೆರ್, ಗಿರೀಶ್ ಕಾರ್ನಾಡ್ ಮೊದ್ಲು ಮಾತಾ ಎಂಚ ಕನ್ನಡ ನಾಟಕೊಲೆಡ್ ಬಿಗಿತ್ತ ಪುದರ್ ದೆತೊಂದರಾ, ಅಂಚೆನೇ ತುಳುನಾಟಕೊಗು ರಾಮಕಿರೋಡಿಯನ್ ಒಂಜಿ ಮಲ್ಲ ಆಸ್ತಿ ಆದಿತ್ತೆರ್. 3 ಗಣಪತಿ ಹೈಸ್ಕೂಲ್ ನಿವೃತ್ತ ಮುಖ್ಯೋಪಾಧ್ಯಯರ್ ಬೊಕ್ಕ 'ಗುಲ್ವಾಡಿ ಆರ್ಟ್ಸ್'ದ ಮಾಲಿಕ ಆದಿತ್ತಿನ ಗೋಪಿನಾಥ ಗುಲ್ವಾಡಿ ಪನ್ನೆರ್ 'ತುಳು ನಾಟಕ ಕುಡ್ಲದ ಊರುಡು'ನಾಂದಿ' ರಾಮಕಿರೋಡಿಯಾನ ಇಂಡ್ದ್ ಅರೆನೊಟ್ಟುಗು 42
