ಶ್ರೀ ಕಾಸರಗೋಡು ಚಿನ್ನ ಅತ್ತಂದೆ ಕನ್ನಡದ ಮಾ ಮಲ್ಲ ನಟೆ ಅಂಬರೀಶ್ ಬೊಕ್ಕ ಆರೆನ ಬುಡೆದಿ ನಟಿ ಸುಮಲತಾ-ಮೊಕ್ತ ಒಟ್ಟುಗ್ ಆರೆನ್ ಮಲ್ಲ ಬಿನ್ನೆ ಆದ್ ಮಿಲ್ಲಿನ ಸಂಮಾನ, ಆರನ ನಾಟಕ ಉಂದೆನ್ ಮಾತಾ ಎನ್ನನಗ ಒಂಜಿ ಕನತ ಲೆಕ ತೋಜುಂಡು. ಕಲಾಜ್ಯೋತಿ ಡಾ. ರಾಜಕುಮಾರ್ ಅಭಿಮಾನಿಲೆನ ಕುಡ್ಡದ ಸಂಘದನ್ನು 1984ಟ್ 'ಆರೆಗ್ ಸುರುತ್ತ ಸ್ಥಾನ' ತುಳು ನಾಟಕ ಕೃತಿ ಸ್ಪರ್ಧೆಡ್ (24-10-84) ಕೊರ 'ಹಿಂದೂ ಸೇವಾ ಸಮಿತಿ' ಉರ್ವ ಅಶೋಕನಗರ ಉಂದೆತ್ತ ಅಧ್ಯಕ್ಷೆರಾದಿತ್ತಿನ ಶ್ರೀ ಕೆ. ರಾಮಚಂದ್ರ ಶೆಟ್ 29-8-95ನಾನಿ 'ಚೌತಿ ಪರ್ಬದ' ಗೌಜಿದ ದಿನಾನಿ ಆರೆನ್ ಲೆತ್ತ್ದ್ ಪುಟು ಬಲತಿ ಊರುದ ಸನ್ಮಾನ ಮಲೈ, ಆರೆನ ಸಂಮಾನ ಪತ್ರೋಡು ಇಂಚ ಬರೆತೆರ್. ನಾಟಕ ಬರೆಪಿನೆಟ್ಸ್, ನಟನೆ ಮಲ್ಪುನೆಟ್ ಬೊಕ್ಕ ನಿರ್ದೇಶನೊಡು ಮಲ್ಲ ಪುದರ್ ಆರೆನ ನೆಡ್ಡಾತ್ರ ಉರ್ವ ಅಶೋಕನಗರೊಗು ಮಾತ್ರ ಕೀರ್ತಿ ಅತ್ತ್. ಇಡೀ ಕುಡ್ಡ ತುಳುನಾಡ್ಗ್ ಪುದರ್ ಕೊನದ್ ಬತ್ತೆರ್. ಆರ್ ಬರೆದ್ ದಿಗ್ದರ್ಶನ ಮಲ್ಲಿನ 'ಕೋಟಿ ಚೆನ್ನಯ ಆಕಾಶವಾಣಿಡ್ ನಾಲ್ ಸರ್ತಿ ಪ್ರಸಾರ ಆಂಡ್, 35 ವರ್ಸೊಡ್ಡುಂಬು ಬೆಂಗಳೂರು ಆಕಾಶವಾಣಿಡ್ 'ಮಗೆ ಮಂಜಣೆ' ಇನ್ನಿ ನಾಟಕ ಪ್ರಸಾರ ಮಲ್ತ್ಂಡ್. 'ಕಾಂಪರನ ಕಟಿಪಿಟಿ' ಅರಬ್ ದೇಶೂಡ್ ಮಲ್ಲಿನ ಸುರುತ್ತ ತುಳು ನಾಟಕ. 'ಕಂಡುಲುಲ್ಲೆರ್ ಜೋಕೆ!', 'ಬದ್ಕ್ ಬಿಲೆ' ಆರೆನ ಕುಡ ರಡ್ ನಾಟಕೊಲು, 50ಡುಲಾ ಎಚ್ಚ ನಾಟಕ ಆರ್ ಬರೆತ. ಸಿನೇಮೊಲೆಗ್ ಪದ್ಯ ರಚನೆಲಾ ಮಲ್ಲೆರ್. ಬಿಸಬಾಬು, ಬೊಳ್ಳಿದೋಟ, ನ್ಯಾಯೊಗಾದ್ ಎನ್ನ ಬದ್ಕ್, ಸೆಪ್ಟೆಂಬರ್ 8, ಬಂಗಾರ್ಪಟ್ಟೆ, ಸರ್ಪ ಸಂಕಲೆ, ನೆಕ್ ಮಾತಾ ಗೀತೆ ಬರೆದ್ ಕೊರೆರ್, ಸರ್ಪಸಂಕಲೆ ಸಿನೇಮಾಲಾ ಆತ್ಂಡ್. ನೇಕ್ ಸನ್ಮಾನ ಪತ್ರ ಕೊರ್ದು ಗೌರವ ಸಲ್ಲಿಸಾದರ್. ಗಾಂಧಿನಗರ ಫ್ರೆಂಡ್ಸ್ ಕ್ಲಬ್ನ್ನು 2-5-96ಟ್ ಆರೆಗ್ ಸನ್ಮಾನ ಮಲ್ಲೆರ್. ಆರೆಗ್ ಕೊರಿನ ಸನ್ಮಾನ ಪತ್ರ ಇಂಚ ಉಂಡು. -ತುಳುನಾಡ್ ಅಭಿಮಾನೊಡು, ಸಂಸಾರೊಡು ಬತ್ತಿ ಬೇರೆ ಬೇಸರಿಕನ್ ಗಾಂದ ತುಳುವಪ್ಪೆ ಸೇವೆಗಾದ್ ಜೀವೊನೇ ಮುಡಿಪು ದೀತಿನ ತುಳು ನಾಟಕಗಾರ ಶ್ರೀ ಬಿ. ರಾಮ ಕಿರೋಡಿಯಾನೆರೆಗ್ ದಿಂಜಿನ ಉಡಲ್ಡ್ ಸಂದಾವುನ ಸನ್ಮಾನ ಪತ್ರ ಇಂದ್ ಪಂಡೆರ್. ತುಳು ನಾಟಕ ಬರೆದ್, ತುಳು ಬಾಸೆದ ಮಿತ್ತ್ ಗೌರವ ಇಚ್ಚಾಂದ ತಾತ್ಸಾರ ದೃಷ್ಟಿಡ್ ತುಳುವೆರೆನ್ 32
