ನಾಟಕೊಡು ನಮತೂಪ, ವೇಣೂರ ತಿಮ್ಮಣ್ಣಾಜಿಲರೆನ ಎದುರು ಯುದ್ಧ ಮಲ್ಪೆರೆ ಸಾಯ ಕೊರ್ಜಲ್ ಪಂಡ್ದ್ ಬಂಗರಸು ತಿರುಮಲನ್ ಮೊಸೊಡು ರುಂಡ ಕಡ ಕತೆ ಎಂಕ್ಲನ್ ದುಕ್ಕದ ಕಡಲ್ಡ್ ಮುರ್ಕಾವುಂಡು. ಕೊನೊಪಿನ ಎಷ್ಟೇ ನಾಟಕೊಡು ಬೋಡಾಪಿನ ಪೂರಾ ಲಚ್ಚನೊಲಾ ರಾಮಕಿರೋಡಿಯಾನೆರೆನ ನಾಟಕೊಲೆಡ್ ತೋಜಿ ಬರುಂಡು. ಅವು ಐತಿಹಾಸಿಕ ನಾಟಕ ಆವಡ್, ಸಾಮಾಜಿಕ ನಾಟಕ ಆವಡ್ ತುಳು ಬಾಸೆದ ಜೀವನಾಡಿ ಐಟ್ ಜಿಂಜಿದುಂಡು. ಇತಿಹಾಸೊನು ಅಭ್ಯಾಸ ಮಲ್ತ್ದ್, ವಿಸಯೊಲೆನ್ ಸಂಗ್ರಹ ಮಲ್ತ್ದ್, ಚರಿತ್ರೆಗ್ ಕುಂದು ಬರಂದಿಲೆಕ್ಕ ನಾಟಕ ರಚನೆ ಮಲ್ತಿನಾರ್ ರಾಮಕಿರೋಡಿಯಾನೆ, ತುಳು ಬಾಸೆದ ಪೊರ್ಲು, ಐಟ್ ನುಡಿಗಟ್ಟಿ ಗಾದೆಲೆನ್ ಬೋಡಾಯಿನಾತ್ ಪ್ರಯೋಗ ಮಲ್ಲೆ, ಉದಾರ್ನೆಗ್ ನಾಟಕೊಡು ಬರ್ಪಿ ಪಾಕ ಪಾತೆರೊಲು ಇಂಚ ಉಂಡು. "ಗುರುಗುಂಜಿದ ಕಲೆ ಮಾಜಿನಗ ಅಳೆಸ್ಟ್ ಬೊಳ್ ಕಂತ್ ಕೊಟ್ರುಂಞಗ್ ಕೊಡಿ ಏರಗ ಬಂಗೇರ್ ಅರಂತಡೆಗ ಯಾನ್ ಬರುವೆ” ಪನ್ನಿನ ತಿರುಮಲಾದೇವಿನ ಪಾತರ. 'ಕಿಚ್ಚಿ ಮಚ್ಚರದ ತುಪ್ಪೆ ದಿಂಜ್ದ್ ನಂಜಿದ ನೀರೇ ಎದತೊಂದು ಪೊವೊಂಡು.. ಮರತ್ತ ಪುರಿ ಮರನೇ ತಿಂದಿಲೆಕ್ಕೊ..... ಕುತ್ತುಂಡ ಕಣ್ಣಾಂಡೆ ಬೆತ್ತ್ಂಡ್ ಬಂಜಾಡ್... ಅಂಗದನೆಗ್ ಆಸ ಕೇನ್ಂಡ ಕೆಸರ್ ತೇಪುನಾಲ್, ಬೊಕ್ಕೊಡು ಜೆಪ್ಪುನ ಬೊಗ್ರೆ ದಂಡಿಗೆಡ್ ಪೋಯಿಲೆಕ್ಕ " ತೂಕು ನೀರಾಂಡಲಾ ಎದುರುಂಡು ಕಿಚ್ಚಿ ಮಚ್ಚರ ಪನ್ನಿ ತೂಕು ವಾ ನೀರ್ ಎದುರುಂಡು? 'ದಿನ ಪೋಂಡಲಾ ದಿನತ್ತ ವಾಸಿ ಪೋತುಜಿ' ಅಜ್ಜಿ ಮಾಯಕದಾಲ್, ಪೊದುಪುನಾಗ ರಟ್ದಿನಾಲ್, ತೆತ್ತಿಡೆ ಕಲೆಪುವೆ. ಇಂಚಿತ್ತಿ ನುಡಿಗಟ್ಸ್, ಗಾದೆ ಪಾತೆರೊ ನಾಟಕೊದ ಉದ್ಯೋಗುಲಾ ಬೋಡಾಯಿನಾತ್ ತಿಕ್ಕುಂಡು, ಮನಸ್ಸಿಗೆ ಖುಸಿ ಕೊಳ್ಳುಂಡು. ರಾಮ ಕಿರೋಡಿಯಾನ ಬರೆತಿನ ಕುಡೊಂಜಿ ನಾಟಕ ಸಾಮಾಜಿಕ ಪುದರ್ "ಮರ್ಯಾದಿ ಉಂದೇನ್ ಆರ್ 1985ನೇ ಇಸವಿಡ್ ಜುಲ್ಯಾ ತಿಂಗೊಲು ಬರೆತೆ, ಈ ನಾಟಕದ ಪಾಕ ಪ್ರಯೋಗಾ ಆತ್ಂಡ್, ನೆತ್ತ ಕಥಾವಸ್ತು ಸಾಮಾನ್ಯವಾಯಿನ ಬಾಲೆದಾಂತಿ ಜಮೀನ್ದಾರ 26
