'ಧನೇಶ್ವರ' ಇನ್ನಿ ನಾಟಕ ಶಾಲೆದ ಜೋಕುಲು ಗೊಬ್ಬೆರೆ ಎಡ್ಡೆ ಉಂಡು. ಉಂದೆನ್ ಚಾರಿತ್ರಿಕ ಸಾಮಾಜಿಕ ಬೊಕ್ಕ ಪೌರಾಣಿಕ - ಈ ಮೂಜಿ ರೀತಿಡ್ಡಾ ತೂದು ಮೆಚ್ಚಲಿ. ಬಡವರಾದಿತ್ತಿನ ಸುದೇಶ-ಸುಶೀಲ ಬೊಕ್ಕ ಅಕ್ಷೆ ಬಾಲೆ ಒಂಜಿ ಸಾಮಾಜಿಕ ಚಿತ್ರಣ ಆಂಡ ಬೊಕ್ಕ ರಾಜೆ ಮಂತ್ರಿ ಚಾರಿತ್ರಿಕ ಕಾಲದ ಸಂಕೇತ, ಈಶ್ವರ ಪಾರ್ವತಿ ಪುರಾಣದ ಪಾಲು ಈ ದೃಷ್ಟಿಡ್ ಈ ನಾಟಕ ಮೂಜಿ ರೀತಿಡ್ತಾ ಸಂಗಮ ಆದುಂಡು. ಸಮಾಜೊಡು ತೋಜುನ ಬಡತನ, ಮಲ್ಲ ಸಂಸಾರ ನಮ್ಮ ಪ್ರಾರಬ್ದದ ಕರ್ಮದ ಫಲ ಆಂಡ ಬೊಕ್ಕೊಂಜಿ ತಿಳ್ಕೊಡ್ ರಾಜೆನೇ ಪ್ರಜೆಕ್ಷನ್ ತಿನ್ನಿನ ರಾಕ್ಷಸ ಕೃತ್ಯ ತೋಜಿದ್ ಬರುಂಡು, ಕಡಕ್ಕದೇವ ಬತ್ ಭರೆನ್, ರಕ್ಷಣೆ ಮಲ್ಪುನ ಈ ನಾಟಕದ ಪೊರ್ಲು, ರಾಮಣ್ಣೆ, ಈ ನಾಟಕೊಡು ಸಿರಿವಂತ. ನನಲಾ ಶ್ರೀಮಂತೆರಾವೊಡು, ಅಂಚ ಆನಗ ಹಾಳ್ ಕೆಲಸ ಮಲ್ಪೆರೆ ಪೋಡಿಜೆ ಇನ್ನಿ ಸತ್ಯ ಈ ಧನೇಶ್ವರ ನಾಟಕೊಡು ತೋಜಾದ್ ಕೊರ್ಪೆರ್. ಪಾತೆರಕತೆ ಭಾರೀ ಪೊರ್ಲು ಬಾಸೆ ಗಂಭೀರವಾದುಂಡು, ಒಂಜಿ ಕೋಡಿಡ್ ಶಾಸ್ತ್ರಿ ಬೊಕ್ಕ ದತ್ತೆ ಪಾತರಗ ಒಂತೆ ಹಗುರ ಹಗುರ ಆದ್ ತೋಜುಂಡು ಆಂಡ ಅವೇ ಪಾತರೂ ಗಂಭೀರತೆಡ್ ಅಂತ್ಯ ಆದ್ ದೃಶ್ಯಗು ಪೂರಕ ಆಪುಂಡು ಅತ್ತಂದೆ ದುನ್ನ ಆಪುಜಿ. ನಾಟಕ ಸುರುತ್ತ ದೃಡು ಸುಶೀಲ ಬೊಕ್ಕ ಸುದೇವನ ಒಂತೆ ದೀರ್ಘ ಸ್ವಗತ ಇತ್ತ್ದ್ ಬೊಕ್ಕ ಅಕೇರಿದ 8ನೇ ದೃಶ್ಯಡು ಅಕ್ಕು ತೊಜುವೆರ್, ನಾಟಕೊಗು ಉಂದು ವಾ ರೀತಿಡ್ತಾ ಕೊರತೆ ಆಪುಜಿ. ಈ ಕಾಲೊಡ್ಡ ಶಾಲೆಡ್ ಗೊಬ್ಬುಂಡ ಜನೊಕ್ತ ಮಿತ್ತ್ ಮಸ್ತ್ ಪ್ರಭಾವ ಬೂರುಂಡು ಇನ್ನಿ ಅಭಿಪ್ರಾಯ ಎನ್ನ ಶ್ರೀಮತಿ ಕೆ. ಲೀಲಾವತಿ ಇಂಬೆರ್ ರಾಮಕಿರೋಡಿಯಾನೆರೆ ನಾಟಕೊನ್ ಓದ್ದ್ ಬರೆತಿನ ವಿಮರ್ಶೆ ಮೂಲು ಕೊರ್ಪೆ. "ದಿ. ರಾಮಕಿರೋಡಿಯಾನೆರೆಗ್ ತುಳು ನಾಟಕಕಾರರಾದ್ ಬಾರಿ ಮಲ್ಲ ಪುದರುಂಡು. ತುಳುಟ್ಟು ಸಾಹಿತ್ಯ ರಚನೆ ಬಾರಿ ಕಮ್ಮಿ ಸಂಖ್ಯೆಡ್ ಉಪ್ಪುನ ಕಾಲೊ ತುಳುಟು ನಾಟಕ ರಚನೆ ಮಲ್ಸ್, ಐನ್ ಗೊಬ್ಬಾದ್, ತಾನ್ನ ಪಾತ್ರ ಮಲ್ತ ತುಳುತ್ತ ಬುಳೆಚ್ಚಲೆಗ್ ಕಾರಣ ಆಯಿನ ರಾಮಕಿರೋಡಿಯಾನೆರೆನ ಪುದರ್, ತುಳು ಜನೊತ್ತ ತುಳು ಸಾಹಿತ್ಯ ಪ್ರೇಮಿಲೆನ ಉಡಲ್ಸ್ ಏಪಲಾ 24 CL
