ಉಂಡು, ಅವೆನ್ ಬೇತೆ ಬೇತೆ ಸ್ಪರ್ಧೆಲೆಡ್ ಗೊಬ್ಬಾಯರ್ ಆರಗ್ ಇನಾಮು ತಿಕ್ಂಡ್. ಕುಡ್ಡದ ಸೈಂಟ್ ಎಲೋಶಿಯಸ್ ಕಾಲೇಜಿದ ಡಾ. ನಾ. ಡಾ. ಶೆಟ್ ಕನ್ನಡದ ನಾಟಕಕಾರ, ವಿಮರ್ಶೆಕೆ. ಆರ್ ಸರ್ಪ ಸಂಕಲೆ ನಾಟಕದ ವಿಮರ್ಶೆ ಇಂಚ ಮಲ್ಲೆರ್. "ಈ ಶತಮಾನೊಡು ತುಳು ನಾಟಕ ರಂಗಭೂಮಿ ಈತ್ಪುದರ್ ಪಡೆವೊಡಾಂಡ ಐತ ಮೂಲೊನು ಒಂತೆ ತೂವೊಡಾಪುಂಡು, ಅಡಿಪಾಯ ಗಟ್ಟಿ ಇತ್ತ್ಂಡನೇ ನಮ್ಮ ಕಟ್ಟುನ ಕಟ್ಟೋಣ ಭದ್ರ ಆದ್ ಗಟ್ಟಿ ಆದ್ ಉಪ್ಪುಂಡು. ಅಂಚೆನೇ ತುಳು ನಾಟಕ ರಂಗಭೂಮಿಗ್ ರಾಮಕಿರೋಡಿಯಾನೆ ಪಾಯ ಪಾಡ್ದ್ ಕೊರಿನಕ್ಸೆಡ್ ಸುರುತ್ತ ಪುದರ್ ಆದುಲ್ಲೆರ್. "ಸರ್ಪಸಂಕಲೆ" ಭಾರೀ ಪುದರ್ ಪಡೆಯಿನ ನಾಟಕ. ಉಂದು ಸಾಮಾಜಿಕ ನಾಟಕ, ಮೂಜಿ ಮೂಲೆ ಮದ್ಯೆದ ಬೊಕ್ಕದ ದಿನೊನು ಗರ್ತ್ ತೂಪಿನ, ತೂದು ಐತ್ತ ಮೂಲೊನು ನಾಡುನ ಪ್ರಯತ್ನ ಈ ನಾಟಕೊಡು ಆರ್ ಮಲ್ಪೆರ್. ಈ ನಾಟಕೊಡು ನಾಯಕ ಪಾತ್ರಧಾರಿ ಏರ್ಂದ್ ನಾಡುನಿ ಕಷ್ಟ, ಶೇಷಣ್ಣೆ, ಬೊಕ್ಕ ಭಟ್ ನಿಜವಾಗ್ಲಾ ಮುಕ್ಯ ಪಾತ್ರಧಾರಿಲು. ಆಂಡ ಅವು ನಾಯಕ ಪಾಲು ಅತ್ತೆ. ಅಂಚ ತೂಂಡ ಮೂಲು ಖಳನಾಯಕಲಾ ಇಜ್ಜಿ, ಖಳನಾಯಕನ ಅಬ್ಬರಲಾ ಇಜ್ಜಿ. ಉಲಯಿಡ್ಸ್ ಉಲಯಿ ಒಂತೆ ಕುತಂತ್ರ ಮಲ್ಪುನ ಸುರೇಂದ್ರನ ಪಾಡು ಖಳ ನಾಯಕನ ಲಕ್ಷಣನು ತೂವೊಲಿ. ಮಾತಾ ಪಾತ್ತೊಲೆಗ್ ಸಂದರ್ಭಗು ಸರಿಯಾದ್ ಅವಕಾಶ ತಿಕ್ಕದ್ಂಡ್. ಇಂಚ ತಿಕ್ಕಿನ ಅವಕಾಶನೇ ಗಟ್ಟಿ ಆಪಿನ ಈ ನಾಟಕದ ವಿಶೇಷತೆ. ಈ ನಾಟಕದ ಕಥಾ ವಸ್ತುಲಾ ಗಂಭೀರವಾದುಂಡು, ಹಾಸ್ಯಲಾ ಅಂಚೆನೇ ಸೇರ್ದ್ಂಡ್, ಗಂಭೀರತೆಲಾ ಹಾಸ್ಯಲಾ ಸಮದಂಡ್ ಆದುಂಡು. ಪಾತೆರಕತೆ ಎಷ್ಟೇ ಇಜ್ಜಿ-ಪನ್ಸಿ ಅವಕಾಶನೇ ಇಜ್ಜಿ, ನಾಟಕ ಬರೆತಿನ ಕಾಲೊನು ಲೆಕ್ಕೊಗು ದೆತ್ತೊಂಡ ರಾಜೇಶನ್ ದುಕ್ಕ ಬನ್ನಗ ಹಾರ್ಮೋನಿಯಂ ಬಾರಿಸವ ಬೊಂಬ್ಯಾ ಅಪೆದ ಇಲ್ಲದ ಲೆಕ್ಕ ಅಪಗಪಗ ಪೋಪಿನಿ ಇನ್ನಿ ಎಲ್ಯದೋಸಲಾ ತೋಜುಂಡು, ಕತತ ಆಕೇರಿಡ್ ಗಾಂಭೀರ್ಯದೊಟ್ಟುಗು ಸಂಶಯೊಗು ಕಾರಣ ಆಯಿನ ವಿಸಯಲಾ ಪಿದಾಯಿ ಬೂರುಂಡು. ನಾಟಕೊನು ಅಕೇರಿ ಮಲ್ಪಂದೆ ತೂಪಿ ಜನೊಕ್ಷೆಗೆ ತೀರ್ಮಾನೊಗು ಬುಡುಪಿನ ಬುದ್ಯಂತಿಕೆ ನಾಟಕಕಾರನ ಜಾಣ್ಮ, ಮೆಚೊಡಾಯಿನ ಈ ನಾಟಕೊನು ತುಳುವೆರ್ ಇತ್ತೆಲಾ ತೂದು, ಗೊಬ್ಬುದು ಸಂತೋಸ ಪಡೆವೊಲಿ. ಆರ್ ತುಳು ನಾಟಕ ಮಾತ್ರ ಅತ್ತ್, ಕನ್ನಡ ನಾಟಕಲಾ ಬರೆತೆರ್. ಆರ್ ಬರೆತಿನ 23
