ಮುರಾನಿ ಮುರಾನಿ ಬಿಡುಗಡೆ ಆಂಡ್, ಐಡ್ಡುಂಬೇ ಆರ್ ಏತೋ ತುಳು ಸದ್ದೊಲೆನ್ ನಾಡ್, ಪೆಜ್ಜೆದ್ ತುಳುವಪ್ಪೆ ಕಂಟೆಲೆಗ್ ಮಾಲೆ ಮಲ್ ಪಾಡ್ಡೆರ್. ಆರೆನ ಸಾಹಿತ್ಯೋಡು ತುಳು ಸಬ್ಲೊಲೆಡ್ "ಇಂಗ್ಲೀಸ್", "ಸಂಸ್ಕೃತ ಕನ್ನಡದ ಬೆರಕೆ ಇಜ್ಜಿ, ಅವು ಅಪ್ಪಟ ತುಳು, ತುಳು ಸಾಹಿತ್ಯ ಪನ್ನಿ ಮಲ್ಲ ಕಡಲ್ಗ್ ಜತ್ದ್ ಅಮೂಲ್ಯವಾಯಿನ ತುಳುಸಬ್ ಪನ್ನಿ ರತ್ನಲೆನ್ ಒಂಟೊಂಜೇ ಪೆಜ್ಜಿದ್ ಸಾಹಿತ್ಯದ ಮಾಲೆ ಮಲ್ತದ್ ತುಳುವಪ್ಪನ್ ಸಿಂಗಾರ ಮಲ್ಲೆರ್, ತುಳು ಸಾಜೆಗು ಒರಿ ಮಹಾ ಮಲ್ಲ ವಿದ್ವಾಂಸೆ, ಪಂಡಿತೆ ಆಯೆರ್. ಆರೇ ಒಂಜಿ ತುಳು ನಿಘಂಟ್ ಆದಿತ್ತೆರ್. ಇಂಚಿ ನಾಟಕದ ಶೈಲಿಡ್ - ತನ್ನ ಅಪ್ಪೆ ಬಾಸೆದ ಪ್ರಭುತೊನ್ ಪಡೆಯಿನ ಅಪರೂಪದ ಕಲಾವಿದೆ. ತುಳು ಸಂಸ್ಕೃತಿ, ಪರಂಪರೆ, ಐತ ಪೊರ್ಲು ವಯ್ಯಾರ ಆರಲೆಕ ಪೆಜ್ಜಿದೆತ್ತ್ದ್ ನಾಟಕ ಬರೆದಿತ್ತೊಂಡ, ಬೇತೆ ಬಾಸೆದ ವಿದ್ವಾಂಸೆರೆಗ್ಲಾ ತುಳು ಬಾಸೆದ ಹಿರಿಮೆ ಗರಿಮೆ ಅರ್ಥ ತೆರಿದು. ಆರ್ ಮಲ್ಲಿನ ತುಳುತ್ತ ಸೇವೆ ನನದ ಪೀಳಿಗೆಗೆ ಮಾದರಿ. ಆರೆ ಪುದರ್ ತುಳು ಸಾಹಿತ್ಯದ ಚರಿತ್ರೆಡ್ ಅಮರ ಐಸಿರಿ! 'ತುಳುನಾಡ್' 'ತುಳುಸಿರಿ' ಇನ್ಸಿ ಪತ್ರಿಕೆಲು ಒರಾನೇ ಪುಟ್ಟುಂಡು, ಸ್ಪರ್ಧೆ ಮಲ್ತ್ಂಡ್, ಅದೇನೇ ಜೆತ್ಂಡ್, ಐಟ್ ಆರ್ ಬರೆತಿನ ನಾಟಕ ಕೋಟಿ ಚೆನ್ನಯ,.... ಇತ್ತೆಲಾ ಎಂಕ್ ನೆನಪಾಪುಂಡು. ಆರ್ ಓದುದು ಡಿಗ್ರಿ ದೆತೊಂದುಜೆರ್, 5ನೇ ಕ್ಲಾಸ್ ಬೊಕ್ಕ ರಾತ್ರಿ ಶಾಲೆಡ್ ಆ ಒಂತೆ ದಿನ ಕಲ್ದರ್ ಇಂದ್ ಪನ್ಸರ್. ಆಂಡ ಪಾತೆರ ಶೈಲಿ ಸಾಹಿತ್ಯ ಆರ್ ಓದಿಜೆ ಪನನ್ನ ನಂಬೆರೆ ಆವಂದಿನಾತ್ ಸತ್ಯ. ವಾ ಕೆಲಸೊನ್ಹಾ ಕೈಕ್ ದೆತೊನ್ನಗ ಅವೆನ್ ಪೊರ ಗಂಟ್ ಮಲ್ತ್ದ್ ಕೊರರ್ಂದ್ ಪನೊಲಿ. ಆರ್ ಬರೆತಿನ ಕನ್ನಡ ನಾಟಕ "ಧನೇಶ್ವರ" ಸುರುತ್ತ ಪ್ರಯೋಗ ಅಶೋಕನಗರ ಶಾಲೆಡ್ ಯಾನ್ ಮಾಸ್ಟ್ ಆದಿಪ್ಪುನಗ ಮಲ್ಟಿನಿ. ಕನ್ನಡ ನಾಟಕೊಲೆನ್ ಶ್ರೀಮತಿ ಶಾಂತಾ ಟೀಚರ್ ಬೊಕ್ಕ ಶ್ರೀಮತಿ ರಾಜೀವಿ ಟೀಚರ್ ಕಲ್ಪಾನಗ ಆರೆ ಸ್ನೇಹಿತೆ ಶ್ರೀಮಾನ್ ಎಸ್.ಎಸ್.ಐತಾಳ್, ಸೈಂಟ್ ಎಲೋಶಿಯಸ್ ಕನ್ನಡ ವಿದ್ವಾಂಸರಾದಿತ್ತಿನಾರ್ ನಟನೆಲಾ, ಪದಲಾ ಕಲ್ಪಾದ್ ಪ್ರಯೋಗ ಮಲಿನಿ, ಆ ಶಾಲೆದ ಶ್ರೀ ಬಿ. ಶಿವರಾಮರಾಯೆರ್ ಆರೆನ ಪರಮ ಮಿತ್ರೆ ಬೊಕ್ಕ ಅಭಿಮಾನಿ. ಬಡೆವೆರಾದಿತ್ತಿನ ಸುದೇಷ, ಸುಶೀಲ ಇನ್ನಿ ದಂಪತಿಲೆನ್ ನಂಬಾದ್ ಮೋಸ ಮಲ್ಪುನ ರಾಜೆ. ಅಪ್ಪೆ ಅಮ್ಮರ್ ಕೈಟ್ಲಾ ಕಾಲಾ ಪತ್ತ್ ಲಿಂಗ್ ತರೆ ಕಡೊಡು ಇನ್ನಿನ ಕಟ್ಟಾಜ್ಞೆಡ್ ಐನ್ ವರ್ಸದ ಬಾಲೆನ್ ಕಣ್ಮರೆ ಪನ್ನೆರ್. ಅಪಗ ಅಪ್ಪೆ ಅಮ್ಮರೆ ದುಃಕ್ಕೋನು ತೂಪಿನಕ್ಲಗ್, ಕೇನುನಗ್ ಕಣನೀರ್ ಬಾವುಂಡು. ಆರೆ ಕನ್ನಡ ಬಾಸೆಗ್ಲಾ ಆತ್ ಮಾಧುರ 22
